1 ซามูเอน 10:25 - ้พระคัมภีร์ละว้า

²⁵ เญือม เซ ซามูเอน รโฮงะ ไลลวง กัน ลัง ยุฮ กซัต ไม่ ตอก นัปทื ปุย อื เกือฮ ปุย ฮมอง อื เตือง โอยจ อื. ไซฮ โรฮ อาึง อื นึง นังซื. นังซื เซ แฮรน อื โบ ฮิต ซัมคัน ยุฮ พะจาว. ฟวยจ เซ เกือฮ ปุย เอีญ เญือะ แตะ เตือง ไพ เตือง มัน.

1 ซามูเอน 10:25 Iomraidhean Croise

2 กซัต 11:17

ฟวยจ เซ เยโฮยาด่า เกือฮ กซัต ไม่ โม ลัปซด่อน ซันญา อาึง โอเอีฮ ไม่ พะจาว นึง ไลลวง แปน เนอึม แตะ ปุย ยุฮ พะจาว. เกือฮ โรฮ โม ลัปซด่อน ซันญา อาึง โอเอีฮ ไม่ กซัต ยุฮ แตะ เซ โรฮ.

5 โมเซ 31:26

“ไมจ เปอะ ตุย โรวก นังซื โกตไม ป เกือฮ พะจาว ละ เปอะ เฮี, โฮว อาึง นึง เฆียง ฮิต ลปุง ซันญา ยุฮ พะจาว เซ. เกือฮ อาวต นา เซ ละ ซ แปน อื ลักทัน นึง ซ เกือฮ พะจาว ปุย ลอก ตุต แตะ.

1 ทิโมที 2:2

ไมจ อื ไววอน เพือ โม กซัต กซวง ไม่ โม จาวไน เตือง โอยจ อื, เดอึม เอะ ซ โฮลฮ อาวต เฮน อาวต ฮลอง, ไม่ โอ อื ไก ป ซ ซุกซัก ละ โม เอะ, ไม่ ซ โฮลฮ เอะ ไอฮ จีวิต พะจาว กุมปอ, ไม่ ยุฮ ป ปุก ป ลอก โครยญ เจือ.

ติโต 3:1

ไมจ เปอะ ซตอก รเง่อึม ปุย เกือฮ ญอม อาวต ฆรึม โม จาวไน ไม่ โม ป ไก อัมนัต, ไม่ เนอึง อื ป อัฮ ป มวยญ อื. เกือฮ เพรียง ติ แตะ ละ ซ ยุฮ แตะ กัน ซืไซ โครยญ เจือ.

โยชูวา 22:6

โยชูวา ปิฮ มุ่น ละ ปุย โม เซ, ไม่ โปง อื โม เซ เกือฮ เอีญ. อัฮ เฮี ละ ปุย โม เซ, “โม เปะ ซ เอีญ เปอะ นึง ย่วง แตะ ไม่ กอย เตอึม เนอึม รโอฮ แตะ, โฮลฮ ปุน เปอะ โอเอีฮ. เอีจ โฮวน ซัตซิง ยุฮ เปอะ ไม่ ไคร มาื ไม่ ไร ซเงี ไม่ ไร เฮลีจ ไม่ โฮวน โรฮ เครอึง เซอึก เปอะ. ไมจ โรฮ เปอะ รฆุ ป โฮลฮ แตะ นึง กัน รุป เปอะ เซ ละ โม เอียกปุ คระ เฌือต แตะ เซ โรฮ,” อัฮ เซ ละ อื. เญือม เอีจ ฟวยจ ปิฮ อื มุ่น ละ โม เซ โยชูวา โปง โม เซ เกือฮ เอีญ. โม เซ เอีญ เนอึม. (เญือม ไอม ลั่ง อื ไอ โมเซ เอีจ มอป อาึง ปลัฮเตะ นึง บ่าชัน ละ โม มะนาเซ ตา บลัฮ เจอ. โม มะนาเซ ตา บลัฮ เจอ อื เซ แม เยอ, โยชูวา เอีจ มอป โรฮ ปลัฮเตะ ลวง บลัฮ โกลง จอแด่น ลวง ลั่ก เลียก ซเงะ ละ เกือฮ อื แปน คอง อื. ติต เอิน ปุ แตะ ไม่ ปลัฮเตะ ยุฮ โม เอียกปุ เจอ ไฮญ นึง อื.)

1 ซามูเอน 11:14

ซามูเอน อัฮ เฮี ละ ปุย, “ไมจ เอะ เอีญ นึง ย่วง กิละกัน เตือง มู แตะ. ไมจ เอะ รโฮงะ แจง แน แม ติ โฮน มัฮ ซาอุน กซัต ยุฮ ฮุ,” อัฮ เซ.

1 ซามูเอน 8:9

เคียง มัฮ อื ตอก เซ จัมเปน เปอะ ยุฮ ตัม ป ปัว อื ปะ ยุฮ ละ แตะ. ตอก ออฮ ตอก เอีฮ ญุ่ก ไมจ เปอะ รโฮงะ อาึง ละ อื ซโตฮ เดอึม ซ ยุง อื ป ซ ยุฮ กซัต เซ ละ แตะ. ไมจ เปอะ เกือฮ ยุง เมาะ ญัก อื ละ อื ไก กซัต ตัตเตียง แตะ ตอก เซ,” อัฮ เซ พะจาว.