Marko 16:13 - Akus Ro na Palatung Tanginang ani Iesu Karisto

¹³ Au, kilongla tapasuk pok na kilongmela mengen a mang matan ang, sikei parik kipa lomlomon tatana.

Marko 16:13 Iomraidhean Croise

Mataio 28:17

Si taun ang kila arai ania kila soturungai serei singina, sikei mang matan iria kitapo ilung.

Marko 16:11

Taun ang kila longong ta katala to pok, na katanla arai ania, parik kipa lomlomon tatana.

Marko 16:14

Na e mung kamela tung aserei si 11 a nat i akalit akorong si kipo angan. Kala tatapokai aniria using parik kipa lomlomon na kapo kitmat kapa na vingaria, using parik kitapa lomlomon ta mengen si vap ang kitala arai ania e mung i kala tadut pok.

Lukas 16:31

Na kala antok ta, ‘Parik, man kipo misag ani longong ani mengen si ri Moses ve keve katakai i kus amalangas aino, nambang, parik kipa kun buk longong kapa ani mengen si igenen vo tapasuk pok le si mat.’”

Lukas 24:11

Sikei parik kitapa lomlomon ta keve aina ke using kitapo lomon ia ta kapo mengen palau.

Lukas 24:41

Na parik lak kipa lomlomon using kipo uruk ve taping. Na kala sui iria, “Mipo atogon pok kana e ke asi angan?”

Ioanes 20:25

Asukang a keve nat i akalit kila atai ia ta, “Namemtala arai ani Volava.” Sikei kala antok iria ta, “Man parik napa arai ani peng i nil e ngono kungana, na naka asulai ani piupiu ig si oring i nil ang, na sulai kapa ani kungag e vagvag ina, parik luai napa angkoai si lomlomon.”

Ioanes 20:8

Au na nat vo serei aino si mata ang kala kun riuk lak na kanla arai na kala lomlomon.