Marko 1:35 - Akus Ro na Palatung Tanginang ani Iesu Karisto

³⁵ Na si no i tangat kala tapasuk na kanla pasal taun a ring vauvau, na kanlapo sokotuk.

Marko 1:35 Iomraidhean Croise

Mataio 14:13

Taun a Iesu kala longong na sa katala serei, kala kokos papalik kuli vul ane si mang vuk rina vauvau. Na ri vap kila longong asukang ke na kila using ia e selen palau, le nei keve rina.

Mataio 14:23

E mung palau i kana la asok suai ani petau ang kala palak papalik ane si mang mulang si kanan sokotuk. Kalapo tenei vong na ninia papalik kalapo ago.

Marko 1:36

Na Simon ve vap po auai ve nia kila pasal using ia

Lukas 5:16

Sikei katapo taging lik ane si ring varasai palau na kanpo sokotuk.

Lukas 6:12

Si pangau ang Iesu kala kiklak ane si palpal mulang asi an sokotuk. Na kanla ago na vong aongos ang i sokotuk ane si God.

Ioanes 4:34

Na Iesu kala antok iria ta, “Kag pok si angan ta naka usiusing kana vubuk a vo asok ang anig, na naka akamusai ani kana abis.

Ioanes 6:15

Na Iesu kata lapo nas kari lomlomonai ta kime agius ia asi kana tulava aniria, na kala palak papalik ane nei palpal putputan.

Epeso 6:18

Si keve taun aongos mi sokotuk si Malanganto, velai ani mamain ta sokotuk na aikut. Lomlomonai aro ani oring ke, na mi uli mata para na mi uli sokotuk serei si God ani mamain ta vap daus.

Pilipo 2:5

Mi atogon a sikei palau a laulauan voiang a Karisto Iesu kata atogon ia.

Eberaio 5:7

Nat ke, si kana to aongos i pukun kata uli sokotuk serei si iuang voiang kapo angkoai si asapang ania pelek a mat. Kata aikut ia velai ani lum mata na tangis lava. Na kala longong kana tangis marai kana mamaila ro luai.