Lukas 9:28 - Akus Ro na Palatung Tanginang ani Iesu Karisto

²⁸ Au, kala liu tapai a limaletul a taun e mung i keve mengen suke, na kala songo le na Petero na Ioanes na Iakovo na kala pasal ve ritol alak kuli mulang asi kana an sokotuk.

Lukas 9:28 Iomraidhean Croise

Mataio 14:23

E mung palau i kana la asok suai ani petau ang kala palak papalik ane si mang mulang si kanan sokotuk. Kalapo tenei vong na ninia papalik kalapo ago.

Mataio 5:1

Si taun kala arai ani petau lava ang, kala kiklak ane kuli put na kalapo sinong. Na kana keve nat i akalit kimela serei singina

Marko 1:35

Na si no i tangat kala tapasuk na kanla pasal taun a ring vauvau, na kanlapo sokotuk.

Marko 6:46

Na kala posong atatung suai tapai aniria na kala kik lak ane kuli putput asi kana an sokotuk.

Lukas 3:21

Au, ri vap kila luk asing tauia aongos na Iesu kapa, kamela kun luk ani asing tauia. Vuk taun ang kapo sokotuk, metekuku kala tavas,

Lukas 5:16

Sikei katapo taging lik ane si ring varasai palau na kanpo sokotuk.

Lukas 6:12

Si pangau ang Iesu kala kiklak ane si palpal mulang asi an sokotuk. Na kanla ago na vong aongos ang i sokotuk ane si God.

Lukas 8:51

Au kanla serei nei lu na kala tubat iria ani ka ago ta sikei ka palak ve nia, sikei ri Petero ve Ioanes na Iakovo, na tamana ve rinana i kavulik ang.

Lukas 9:18

Au, Iesu kanlapo ago musik lik i sokotuk na keve nat ang kipo auai ve nia. Na kala sui iria ta, “Ri vap kipo kin iau ta nau a si?”

Ioanes 6:3

Au Iesu kala palak kuli put, na kanlapo sinong ve kana keve nat i akalit.

2 Korinto 13:1

Nalapo usausa asi me serei asukang val kag vapotol i me arai animi. Pongua vo potol a igenen, man ki mengen amalangas atutuman ta saka lau rikek an, ki vil saupai singina.

Eberaio 5:7

Nat ke, si kana to aongos i pukun kata uli sokotuk serei si iuang voiang kapo angkoai si asapang ania pelek a mat. Kata aikut ia velai ani lum mata na tangis lava. Na kala longong kana tangis marai kana mamaila ro luai.

2 Petero 1:16

Io, using taun namem tapo mengen imi ta kana kitmat na kana serei kara Volava Iesu Karisto, parik namemtapa luk le si keve akuskus palau, parik. Sikei namemtapo mengen ta bil ang namemtala arai ania ta matamem akorong, nang kana sinsinong lakat.