Lukas 8:40 - Akus Ro na Palatung Tanginang ani Iesu Karisto

⁴⁰ Au, Iesu kala serei pok e mang palpal, na petau lava kila uruk suak ania using kitapo atu lomlomon ta ka serei.

Lukas 8:40 Iomraidhean Croise

Mataio 9:1

Na Iesu kala kokos kuli vul ane si mang palpal na kanla serei si kana rina.

Marko 12:37

David akorong kapo kin ia ta Volava. Asukang a kapo saka angkoai an si kin ania ta kapo nat ina?” Na petau lava ang kitapo longong ia, vap la uruk ani kana mengen.

Marko 5:21

Na Iesu kala paputuk pok kuli vul ane mang palpal na vap duk kimela serei akuvul singina e ngerelo.

Marko 6:20

using Erodes kapo leng ani Ioanes using kapo nas ta kapo igenen korong na daus kapa. Asukang na kala aiveven aro ia. Katapo mangal kana keve mengen na katapo uli buk longong ania kantanem katapo vinga bungus ania.

Lukas 19:48

Na parik kitapa sabonai ta selen asi kari abis ania using ri vap aongos kitapo angkamai asi kolongong ani kana mengen.

Lukas 19:6

Na sumasuma palau kala kiksiang na kala songo alak ia nei lu velai ani uruk.

Lukas 5:1

Mangsikei a taun katapo tung e ngerelo i laman tatapulit ang e Genesaret. Na ri vap kian lapo tabat aulit ia using kipo buk kolongong ani mengen i God.

Lukas 8:39

“Ku papok ane rina na kuanla akuskus ta poisan a roron God katala abis ia singim.” Au kala pasal na kanlapo akuskus nei rina aongos ta poisan a roron a Iesu katala abis ia singina.

Ioanes 5:35

Katapo bil val alimang, kata mangai amalangas animi, na mila uruk tusopo palau si malangas ina.

Aposel 10:33

Au, sumasuma palau nala asok tapai anim na kala ro using kutala vil korong ia na kumela serei. Na kana vang namempo ago kuvul aongos e matana i God. Namempo kokoai si longong ani sa na Volava kata asok ua sime mengen animem tatana.”