Ioanes 12:1 - Akus Ro na Palatung Tanginang ani Iesu Karisto

¹ Limalesikei a taun aino le ani matan angan i liuluai, Iesu kanla serei e Betania si ring ang a Lasaro kapo ago singina, voiang a Iesu kata tak ataduk pok ia pelek a mat.

Ioanes 12:1 Iomraidhean Croise

Mataio 21:17

Na kala papelek iria ane komo i rina lava ane Betania na kanla ago na vong ang e iang.

Marko 11:11

Na kala serei e Ierusalem na kanla palak nei rina i atailai. Na taun ang kala ararai aongos e iang, using kalapo ngelik, kala soung suai pok ane Betania ve kana sangauli na pongua na nat i akalit.

Lukas 24:50

Na kala songo asoung iria tung e Betania na kala atung alakat a ngono kungana na kala poso atautauia iria.

Lukas 7:37

Au, mangsikei a aina kala palak, kapo aina i rina ang na kapo mangsikei a katakai i bil arikek. Kata longong ta kalapo ago si matan angan nei lu si Parisaio ang, na kala luk le kana ese sain ro,

Ioanes 11:1

Mangsikei a igenen katapo malepen kana asan ta Lasaro. Ninia le Betania, rina ke si ri Maria ve tasina ta Marta.

Ioanes 11:43

E mung i kana la mengen tapai, na kala songosongo alava ta, “Lasaro, ku soung.”

Ioanes 11:44

Na igenen vopo mat ke kamela soung. Kita volo ia ta keve vuk vakup na ngono kungana ve ngono kakina kapo kit, na mang vakup kapo pakut a nona. Na Iesu kala antok iria ta, “Mi ulak suai ani keve vakup i mopong ang asi kana kalakala.”

Ioanes 11:55

Au na matan angan i liuluai kalapo angasungai. Vap miang kilapo papalak le si kari keve rina lik ane Ierusalem asi an vil adaus aniria aino le ni matan angan ang, angkokoai val kari sausaupai.

Ioanes 12:12

Si taun using ina, kuvkuvulan lava me serei si matan angan ang, kila longong ta Iesu kapo palak ane Ierusalem,

Ioanes 12:20

Na katapo atogon a mang keve Elas kita auai palak kuvul asi kari an ago si matan angan ang.

Ioanes 12:9

Na petau lava i ri Iudaia kila longong ta nia e iang na kimela serei. Parik ta si me arai papa ani Iesu, parik, si me arai kapa ani Lasaro voiang kata tak atadut ia pelek a mat.