Ioanes 11:3 - Akus Ro na Palatung Tanginang ani Iesu Karisto

³ Na ngono angtasimal ke kilongla ali mengen taun a Iesu asukang ke, “Volava, igenen ke voiang kupo buk alava ia kapo malepen.”

Ioanes 11:3 Iomraidhean Croise

Tutapongai 22:2

Na God kala atatai ia, “Ku songo le kam ring sikei palau a nat ta Isak, voiang kupo buk alava luai ania na milong pasal ane si palpal Moria. Na si mangsikei a vuk mulang eiang nala atai amalangas ua nganlak tatana, kula sula kam nat asukang ta kam alilis ane singig.”

Lukas 7:13

Si taun ang Volava kala arai ani mainang ang kala ngorem ia, na kala antok ia ta, “Ago ta tangis an.”

Ioanes 11:1

Mangsikei a igenen katapo malepen kana asan ta Lasaro. Ninia le Betania, rina ke si ri Maria ve tasina ta Marta.

Ioanes 11:11

Kata mengen tapai aniria ta keve mengen ke, le na kala antok iria ta, “Tungara ta Lasaro kapo rot. Sikei, naka pasal asi kag an pangun pok ania.”

Ioanes 11:2

Maria ke kana, nang a tauna ta Lasaro kapo matung malepen na kapo aina ang, voiang kata atiuai ani kakina i Volava ta laman sain roron ang na ka sosong ia ta ung i patuna.

Ioanes 11:21

Asukang a Marta kala antok a Iesu ta, “Volava, man kuta ago e ke, taug parik kalapa angkoai si mat.

Ioanes 11:36

Asukang a ri Iudaia kilapo angtokai ta, “Arai, kapo buk alava luai nang ania.”

Ioanes 11:5

Iesu katapo buk alava luai ani volo angtaumal ke ri Marta ve tasina na Lasaro.

Ioanes 13:13

Mipo songo iau ta katakai i akalit na Volava, na mipo atutuman using nau napo asukang.

Ioanes 13:23

Mangsikei iria, voiang Iesu katapo buk alava ia, katapo sinong ngerena.

2 Timoteo 4:20

Erasto katala ago pok e Korinto. Toropimo nata pasal pelek ia e Mileto na kapo malepen.

Asangai 3:19

Nau, vap ang napo buk iria, napo tatapokai aniria na napo ngamis iria kapa. Asukang a ku atutuman na ku lomon pokai.