Eberaio 3:2 - Akus Ro na Palatung Tanginang ani Iesu Karisto

² Kata atutuman luai aongos si kana laulauan i abis e matana i vo asok ang ania, asukang val Moses kata abis nei liuan i kana vap.

Eberaio 3:2 Iomraidhean Croise

Ioanes 15:10

Na man mipo teng akit kag keve asok tapai, mi ago akit si kag vubuk, asukang palau val natala teng akit kana keve asok tapai a mamai, na napo ago si kana vubuk.

Ioanes 17:4

Natala amaus ua kuli rina using natala akamusai ani abis ang kuta alis iau si kag abis ania.

Ioanes 7:18

Man a igenen kapo akus tatana akorong kapo buk asan lava ania, sikei man kapo abis si ali asan lava ani vo asok ang ania, kapo igenen atutuman, na kapo kovek i kapau singina.

Ioanes 8:29

Nia kata asok iau na kapo ago ve nau. Parik kapa papelek tapai anig using napo uli abis ani keve avibisan voiang kapo uruk ania.”

Epeso 2:22

Io, le singina na nami kapa, milapo kun auai tung atung val ring i po ago ta God, si Malanganto ina.

1 Timoteo 1:12

Napo posong aro Karisto Iesu kara Volava si alis anig ta dual asi kag abis ania. Napo posong ro using katala taot iau val mangsikei a igenen angkoai si teng ani kana abis. Na asukang katala atung iau asi kag asosokai singina.

1 Timoteo 3:15

ani man nala amomole, kulapo nas a saka lau an e iang ri vap ki uli abis ania si kana vap a God, iuang kapo God i to, na kana kuvkuvulan kapo kitip tung i tutuman.

Eberaio 2:17

Sukana, tukulai i kana serei luai val keve tasina, asi kana me abis val ainoai katakai i sula alilis serei si God ta ngorem na tutuman, ani ka amatung a luai nei liuan i God na ri vap marai kari lau rikek.