Aposel 10:48 - Akus Ro na Palatung Tanginang ani Iesu Karisto

⁴⁸ Au, asukang a kala asok ta asing tauia aniria si asan i Iesu Karisto. Na kila aikut ia asi kana ago tapai ve ria ani mang rukun taun.

Aposel 10:48 Iomraidhean Croise

Ioanes 4:2

Iesu akorong parik katapa asing tauia. Kana keve nat i akalit kitapo abis ia.

Ioanes 4:40

Na ri Samareia kimela serei singina na kila sokotuk ia ani ka ago ve ria. Na kala ago e iang na pongua na taun.

Aposel 16:15

Au, kala luk a asing tauia, kuvul ve kana matan vap, na e mung kala antok imem ta, “Man mipo ararai ta nau nalapo lomlomon atutuman ta Volava, mime ago si kag lu.” Kata sunggil sunggil tatamem tung si namemla pasal ve nia.

Aposel 19:5

Taun kila longong a mengen ke, kila luk a asing tauia ang si asan i Volava Iesu.

Aposel 2:38

Na Petero kala polpol iria, “Mi lomon pokai, na mi luk a asing tauia si asan i Iesu Karisto, ani God ka lomon suai ani kami keve lau rikek, na mila luk a alilis i Malanganto Gogoai.

Aposel 8:12

Au sikei, si taun ang kila lomlomon ta Pilipo si kapo akuskus ta akus ro i kana vainagoan a God na asan i Iesu Karisto, kila luk asing tauia, ri tauan ve ri aina kapa.

Aposel 8:16

Using parik lak katapa palak si mangsikei iria, kitala luk palau a asing tauia si asan i Volava Iesu.

Galatia 3:27

Kitala asing tauia imi akanangai ani nami ke Karisto. Le singina milapo ainak alak animi pok ta nami ke Karisto.