PHILIPI 4:8 - Lacid Common Language Bible

⁸ Mang nhung" yi we"- ce: da" ge, lho, deingmain" khyoo: young" du khyoo: deing byeung" khyoo: gyeungshang: khyoo: vho: ngei khyoo: coung" ngei byid: ge" da" khyoo:- ngi lho, khyoo: yo' coung" nghei moin: da" khyoo: joem ri damyid' yu" nyid ge'.

PHILIPI 4:8 Iomraidhean Croise

APOEM AYANG: 18:19

Nyang: gi nya: zoo: yi yo' amyed ashen yigi ngoo ri phau" myang: lho: jo da" khyoo: yo' deing byeung" da" moo" zei: wa shid re" tid wa su: khyo" ngoo gi nyang: ri khyen: too" bye:. Nyangnu" tam" gyo: boem nghoid rigi ngoo we' nya: shid re" dangain" koid byid: wa ein: ngoo dangsoo" byid: too" bye:» ga: tid.

2 SAMUELA 1:23

Sholu yo' Yonathan nyid ri we' dage" shid: ri we' dage" nghoid yoomo gye" mau" ziyo' jheddab myid nghoid da:. Zoin bung: tho' myab wigi khangkhyi tho' yoem: je gyi: da:.

2 SAMUELA 23:3

Israela Mangsoo dang: tid bye:. Israela ri lhoug zung" su: gi ngoo ri «Deingmain" ziyo' vhoeb khang" wigi Mangsoo ri gyoug phoug" wigi tarha" nyeung veung" khyo" vhoeb khang" da" khokham gi

COUNG" NGHEI 82:2

Atarha" khyo" dang: phyed da" khyoo: ri nanu" no: too" ca" goo" wa akhyeung" bang: ri nanu" myonhoo: tu: da" khyoo: ri nanu" dajhi' we' yo" koid goo' wa zi anghoid.

DANG: ZHOEM 11:1

Aseing gi adeing amain" da" joid" jang ci: bang: ri ngheung" nyid. Deingmain" da" jang shi" joem ri nyang: vho ngei nyid.

DANG: ZHOEM 12:4

Ge da" yhoem: seing: myhi' gi nya: yhoem: seing: pho, da" phau: khuang joyoo yo' gau, yi joyoo nghoid nyid. Nghoid loug we' yhoem: seing: phoo ri sho' thu' nhang: da" yhoem: seing: myhi' gi shooyoug: ri yoem: loo" nhang: da" mung yhang: ti" zi nghoid.

DANG: ZHOEM 16:11

Aseing gi deingmain" da" jang yo' laki laxoem" vho: ngei nyid. Houg: yoomo ung" zoo: ung" shoug da" moo" zoo" dangain" moo deingmain" da" khyoo: bui" nhang: nau nyid.

DANG: ZHOEM 20:7

Nheigloem: dain: lho: deingmain" da" nya: phoo yo" da" zooshang: mi" gi vhu" pi: lo, kyo' ge nyid.

DANG: ZHOEM 31:10

Loem, khau: da" yhoem: seing: myhi' dayug shoug" yu wa zi khayhi' yau: nyid lha". Nyang: gi lug nyau, tho' moo: je" phoug" dab.

DANG: ZHOEM 31:29

Myiyi: myoo" sho' bang: gi ge da" myhi' zeing yi nghoid ago- nghoid loug we' nang gi nyangnu" dangain" bang: tho' re" je" ge thang ga: tid nyid boem.

DANG: ZHOEM 31:31

Nyang: zei: nyid da" moo" zoo" dangain" mo aphoug" nyang: ri byid: ge'. Nyang: rigi yugkhang" mo" wigi phau" myang: ziri shoug" kham: yu wa moin: yi" nyid.

SHOLUMON JIKHOIN" 5:16

Nya: nhoid gi babug bug ri gye" coug: nyid da:. Nya: gung shoo" dangain" zigi ngoo ri ngei nhang: nyid. Yerusalem mo myiyi: myhi' yi we" he: zigi nga" jhed yo' du nyid o".

ESAIA 26:7

Aseing we"- byugi yi shid re" khyoo: ri jhoid jhoid young" young" zi koid bye: da:. Nyangnu" so" da" khyoo: ri dam dam koid byid: da:.

MATHE 22:16

Houg: yoomo nyangnu" gi nyangnu" da" cangzoo: dayham" yo' Herod da" phung: mo mo' dayham" yo" dage" Yesu jhang khyoo zheung: nhang: kaid. Hau: lagyoo: yi gi «Sara: we"- nang gi deung main" su: nghoid wigi Mangso da" khyoo: ri deung: main" khyo" jhoug" byid: nyid ziyo' byu gootu: yi ciga: wa ziri nang gung ayou loo: za: byu myonhoo: ri we' akhyen: su: nghoid ziri ngoonu" se.

MARKU 6:20

Khasu" wim ga: ri Yohan gi deungmain" ziyo' gyeungshang: byu dayug nghoid ziri Herod se' lho: nyang: ri gyoug phau" ziyo' yu" goem byid: nyid. Yohan da" mungdang: shaug" gyoo: khang" moo"- nya: nheigloem: moo gyi" sho' nheigloem: amyen nghoid loug ri we' nya: mungdang: ri ngeibu: tung" za: tam" gyoo: nau nyid.

LUKA 16:15

Yesu gi nanu" ri nyang: nya: da" gung du: ri byu gi yi nghoid ga: subi" ri myang nhang nau ago". Nghoidloug we' Mangsoo: gi nanu" da" nheigloem: ri se' nyid. Byu yi gye" vho: ngei jheddab nyid da" zigi Mangso da" shid' khoin" moo gi ce: phoug" adab da" zi anghoid.

LUKA 2:25

Hau: uri Yerusalem voo moo Simun ga: da: byu dayug nyid. Hau: yug gi Mangso da" tarha" ri cang- loem" jeing" da" deung main" su: dayug nghoid.

LUKA 23:50

Hau: uri Yuda mung" Aramathi ga: da" voo mo Yoseb ga: da" Yuda mo zoug: dayug nyid. Nyang: gi deung main" da" byu gi dayug nghoid lho: wigi Mangso da" mungdain: ju" ri" wa ziri lang" nyid su: dayug nghoid.

YOHAN 7:18

Nyang: nya: da" Tarha" ri kho" kyo" jhoug" byid: su: gi nyang: nya: da" myonhoo: ngeilang: ri shoo: wa nghoid. Nghoidsho' loug we' nyang: ri nhang: kaid su: da" myonhoo: ngeilang: ri shoo: su: gi deing: deing: main" main" se' kho" kyo. lho: nyang: moo mhau' fain" zi aboo.

ACTS 10:22

Nyang: ri" tid zigi ngoonu" ri gyizoug: phoo koneli wigi nhang: kaid' zi nghoid, nyang: gi byugi dayug nghoid lho: wigi Mangsoo ri coung" nghei nyid su: dayug we' nghoid ziyo' - Yuda byu yi dangain" mo, coem phau" myang: nyid su: nghoid. Re" da" mungdang: ri nyang: shau" tam" gyo: yu wa shid re-mau: lagyoo: dayug gi nang ri nya: yhoem: khyoo: khe: yu wa shid re" nyang: re" tid bye.

ACTS 22:12

Ngoonu" da" tarha" ri phau" cang nyid su: nghoid ziyo' Mangso khyoo: ri kang: lung bu su: nghoid wigi-Hau: voogung moo nyid da" Yuda byumyu" yi dangain" mo, we' - coem phau" myang: nyid da" - Anania ga: su: byu dayug gi nga" jang" moo ju" re.

ACTS 6:3

Mang: nhung" yi we" hougsu" nghoid nyid yoomo gyeungshang: da" Venyi byeung" ziyo' phajhi" bo da" byu nyhed yug ri nanu" da" phung mo khyen: thu yu ge'. He: da" moozoo" ri Aseing: koid lho: zei: nyid wa shid re" ngoonu" gi nyangnu" ri nyheung too" ca" wa zi nghoid.

Roma 13:13

Ngoonu" gi bidbang mo nya: zoo: yi yhang: ti" ge young" du khyoo: moo za: cang lo" boem ca. Yhid: shug foo" zo: lid khyoo: akyang byo yoin" khyoo: - shava myiyi: yug gi cang zo: khyoo: yo" aved avhu: khyoo - myeing" myo: yhoo she: zi yo" no" zo: da" khyoo: ri jang" pyam' lho: bidnyid" gung tu: yo, ti" nyang: daso" nyid shang.

Roma 13:3

Byu gi yi gi Asuya zoug: yi ri gyoug nyid anoo". Akhyeing" age moo" ri zei: nyid su: za: gyoug ca" zi nghoid. Nang gi a: na amyeing" yoo" mo ri agyug loo: nyid nau la". Houg: rigi ge da" moo" ri zei: nyid we'. Houg: lang" zoug; yi nang ri coung" ngei byid: wa.

Roma 14:18

Hid: khyo" wigi Khristu da" moozoo" ri voin vu su: ri Mangso: da' jheddab nheig shid: khyoo: yo" xangsu: byu yi da" coung" nghei" byid: khyoo: yo" yu wa.

Roma 2:29

Gyeing" da" Yuda koem' gi - nheigloem: khoug; mo sho" yid thang: yham" ci: su: nghoid nyid. Hau yug ri Yuda byumyu" bue" loo nhang: da" zigi - lhid" to" da" tarha" khyo" anghoid - Hau yug gi byu yi wi coung" nghei byid: zi shau" su: anghoid. Mangso: wigi coung" nghei" too" su danghoid.

1Korinthians 4:5

Houg: su" nghoid yoomo ayo, aju" shi" ri- nanu" dayug yo' dayug gi hang" ri nghoid loug we' tarha" dang: aphyed byid: nyid goo. Lo" thang bidnyid moo: tarha" dang: phyed wa da" Aseing ju" ri" sho' dalang" nyid ge'. Nyang: gi moug: coid khoug: moo: yhoem" to" da" moozoo" ri we'- byu yi da" nheigloem: khoug: moo: zau" to" da" myid soin: khyoo: ri we'- thoid' shoug thu' loo wa zi nghoid. Hau: bidnyid ri byu yug khang" moo" gi nyang: yo' moin: yi" da" Mangso wigi: coung" nghei ngi: shab, khyoo: ri shau" kham: yu boem wa zi nghoid.

2~KORINTHU 13:7

Nanu" gi yooboo adoem koid wa shid re" ngoonu" gi Mangso jang" moo akyu" mho' nyid boem. hau: zigi ngoonu" jham" ca: yu" khyoo: ri oung: loo" wa shid re" toin" shid khyoo: anghoid. ngoonu" koem gi gyo" soem" pyam mo yhang: ti" nghoid loug we' nanu" deungmain" khyo" koid nyid wa shid re" damho, byid: nyid.

2~KORINTHU 6:8

Ngoonu" gi coung" byid: nghei, byid: zi we' juang" yi pyam zi we-shau" nyid boem. Ngoonu: ri mhoug zoo: mhoug shug yen" mo, ga: we' jho: ago". Nghoid lug we' ngoonu" gi deingmain" da" dang ri da tid.

2~KORINTHU 8:18

Hau ngeibu: mungdang: kho" kyo" da" mo: voin, wu, da" khyoo: moo Phung byu yi dangan" bang: da" shid moo myid loem to" da" mang: nhung" phoo dayug ri we' ngoonu" nyang: yo' dage" nhang: kaid.

2~KORINTHU 8:21

Hau: Aseing: da" shid khoin" moo za: anghoid- byu da" shid' moo we' deungmain" du young" khyo" moo" zei: wa shid re" gi ngoonu" da" myid young nyheung soin to" a" khyoo: nyang: nghoid bye.

GALATI 5:22

Nghoid loug we' hau: venyi da" ashi" koem gi jheddab zi gau yi zi ngei bu khyoo: nheigloem: sheung: khyoo: nheig khyeug khyoo:- ge, lho, khyoo:- dang sadi zung" khyoo: nghoid.

Ephesu 4:25

Houg: yoomo mhau' da" dang: ri atid nyid goo"- yug khang" moo" gi nyang: nya: da" loem" jeung" phung byu mang nhung" phoo ri deingmain" da" dang: za: da tid nyid goo" baja"- Khasu" wim gari ngoonu" dangain" bang: gi Khristu da" gung du: mo akung: ako'' joem za: nghoid nyid boem.

Ephesu 5:9

Khasu" wim gari hau: bidbang gi ge da" khyoo: aja: ja: deing byeung" ziyo' deingmain" khyoo: ri myoo" sho' bue" loo nhang: nyid.

Ephesu 6:14

Houg: yoomo nanu" da" phyid" doem: moo deingmain" khyoo: ri phyid" cu" su" cu" ci: lho: deing byeung" da" khyoo: ri re" da" yang gang nghoeb koid lho: wigi jen" jen" soin yab, jo, ge'.

TARHA" TID POIN" 16:20

Ajang" deingmain" ziyo' tarha" nyeung veung" nyid ge'. Houg: lang" nanu" Aseing Mangsoo wigi nanu" ri byid: wa da" mougmyid ri nanu" yhe: yo" seing: yu wigi houg: moo yo" xo' nyid wa zi nghoid.

PHILIPI 3:1

Mang nhung" yi we" lo" thang khyo" tid shang ein: rigi hau: Aseing: moo dayug za: yo" bue" yoomo gau yi nyid ge'- shid phyang" nanu" jhang khyoo: ngoo lhid" kaid' yu" bye: da" khyoo: ri doem poug lhid" wa shid mo ngoo moo yoovoin alid" nyid loo: za: nanu" shid re" je wigi gau: nyu: khyoo: ri yo" yu nyid.

KOLOSE 4:5

Nanu" yo" yu da" amyeing" akhang" ri goolhoo: zoo: ci: yhoung: lho: aloem" ajeung" bang: yo' zoem" khau: uri-phajhi" bo nyid ge'.

1THESALONI 4:12

Khyoo: he: khaid khyo" wigi nanu' giloem" jeing" bang: phung byu anghoid mo, da" -phau" myang: khyoo: ri shau" kham: yu boem wa zi nghoid- hau: tho' moo gootu: nanu" da" ca" yo, khyoo: yo' sen: lho: hang" ri we' anghe: khoug ca" lo: boem wa zi nghoid.

1 TIMOTHI 2:2

Ngoonu" gi Mangsoo ri gyoug phau" khyoo: moo goolho: za: cang lo" wigi ge, da" young" du, du asam" avoid, bo lho: ngei pyoo: myen, jham" za: kangso' yo" dei nyid goo" baja"- Kho: kham yi yo' amyeing" akhang" ci: bang: dangain" shid re" akyu" mho' nyid ge'.

1 TIMOTHI 3:11

Nyang: nu" da" myi: yi we' akyang" gi mo, nghoid ca" juang" yi gei sang: mo, a gi nyangnu" gi yhid: ayed ziyo' khyoo: khaid khang" moo" moo ding main" loem gi mo, nghoid ca".

1 TIMOTHI 3:4

Nyang: nya: da" yhoem: ikoin deungkhu: ri nyeing" zoo: yo" shu" vhoeb khang" ziyo' nya: zooyi wigi phau" myang: ziri shau" kham: yu sho' yo" se' koid su: nghoid ca.

1 TIMOTHI 4:12

Nang gi apyad' ngi shi" ved yam" zoo: nghoid nyid shi" yoomo hang" we' nang ri gam vhoo: ayu" khyo, pyam' goo" baja"- ji, sang: da" khoin" thui: moo we' aved asam" moo we' jheddab jang" moo we' loem" jeung" loem, khau: khyoo: yo' nheigloem: young" khyoo: moo we' leom" jeing" bang: shid re" yu" yu wa da" khoo" shid: bue" nyid we'.

1 TIMOTHI 5:10

Hau: tho' moo gootu: nyang: gi asam" avoid ge khyoo: moo we' myeing thu nmyid su- nya: myid: nya: zoo: yi ri we' voin: tang: se' shu" jhoug" shu" mho' nyid su- tungbau being" voo, yi ri nya: yhoem: moo goo" lhoo: zoo: kham: yu lho: doo" zhoo" doo" jhug su- Khristain mang: nhung" yi yo' sen: lho: zei: ca" da" khyoo: joem ri khyo, nyhoem: da" myid yo' zei: so' voin vu, si su- yau: khe" jam jau shau" nyid bang: ri-se' pang" thoug su- ge da" moozoo" joem ri voin, vu, xoin" yo" to' su: nghoid ca" nyid.

1 TIMOTHI 5:2

Myhi, zeing yi rigi nya: myhi' ri yhang: ti"- gyeungshang: nheigloem: yo' tid poin" tid kyeung" nyid we'.

TITU 1:8

Nyang: gi being" doo" noug su:- ge da" khyoo: ri se' jheddab su:- nya: gung ri se' vhoeb khang" su:- akhyoo" cang lho: deing byeung" su:- gyeungshang: su: tarha" ri cang su: nghoid ca".

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

TITU 2:2

Apyaid gyi: bye: da" phoug" mang: yi ri yhid: ri nheig atei" loo: zed" lhid' nyid wa shid re" yug yoo sam" dab ri young" nyid wa shid re" nyang: nya: da" gung ri yo" vhoeb khang" nyid wa shid re" we' jo da" laloem, lakhoug: bo nyid a shid re" jheddab myid yo' kham zeung: da" nheigloem: bo jo, wa shid re" jhoug" byid: we'.

TITU 2:7

Khyoo: khaid gu: khang" moo" zei: so' lo" da" jang" moo nyang: gung nyang: yu" yu ge, da" khyoo shid: bue" nyid we' Dain: da" nheigloem: yo' abui" atho'- thain" thain: yhoug: gyen: khyo" jhau" poin" khoo" kyeung" nyid we'.

TITU 3:14

Akhid" nyang: ca" yo nyid akhyoo: joem, ri-yo" joeb, byeung" nhang: sho' yha: da" byu yi nyang" nu" da" ayo, joem ri ge da" moozoo" ri ci: yhung: wa shid re" jhau" yu goo" baja". Nyangnu" da" kangso dei lo" khyoo: moo ce: phoug" adab kangso' age dei nyid.

HEBRE 11:2

Goo" nham mo da" byu yi gi nyangnu" gi loem" jeung" da" nheigloem: bo boem yoo mo Mangsoo myed vhoo: myed ngei lho: joo bye: ga: da" khyoo: ri yo" yu boem bye.

HEBRE 13:18

Ngoonu" shid re" anoo: ayab, loo: akyu" mho' nyid ge'. ngoonu" gi ngoonu" nya: da' phug soo" lheig myid yu" e" myed gi gyeing" gyeungshang: shang: nghoid da" khyoo: ri loem" jeung" nyid boem. Khasu" wim gari ngoonu" gi ayo, loem: khang" moo" moo deingmain" da" moo" zei: nau nheigloem: bo nyid boem.

YAKU 1:27

Phoo Mangso: da" shid khoin" moo gyeungshang: ziyo' gyeung" da" laloem, lakhoug: ein: zigi jam jau jam, khi" shau" nyid da" coug" zoo: yi yo' cougmoo" myhi, ri yu" coung: da" khyoo:- nyang: nya: da" gung du: ri we' moug: myed, da" anyhoin: athoung" da" khyoo:- abo dab, nhang: da" khyoo: nhgoid nyid.

YAKU 3:17

Nghoid loug we' tho' khyo" ju" gyoo" lo da" phajhi" ju yhi: koem gi xang: shid" re young" gyeung"- hau: thang: moo myenjham" ngei pyo: khyoo:-nu" nham, khyoo: young" du, nyeung veung" khyoo: ri bue" thu loo nhang:- hau: tho' moo gootu: nheig khyeug khyoo: yo' joeb byeung" wigi ge thang moozoo" ein: da" aboo" bo" lho: ashi" zei: loo nhang: se' nyid. hau: zigi myonhoo: ase' khyen:- nghoid boin: da" khyoo: aboo - akug ase' void.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

1PETERU 4:8

Je" wigi nyang: cang" nyang:- gyeung" da" jheddab myid' yo' jheddab go" nyid ge, khasu" wim ga: ri jheddab da" nheigloem: gi yooboo myoo" sho' ri yo" nghoeb, pyam byid.

2PETRU 3:1

Nga" da" jheddab byen cang" yi we"- he: zigi ngoo nanu" jhang khyoo: eig lheung: ein: lhid" kaid da" moug soug" nghoid. He: da" mougsoug" eig pug moo nanu" da" yung" lho' nheug loem: yo' se' gyoo: wa shid re" vhoo: moo lhid" to" da" khyoo: yi yo' tid poin" tid kyeung" kaid.

1YOHAN 3:18

Nga" zoo: yi we"- ngoonu" jheddab da" khyoo gi nhoid' yhoo: khoin" thui: yo' za: anghoid- moozoo" yo' yo" toin" shid da" jheddab nheigloem: nghoid ca.

1YOHAN 3:3

Khristu moo hau: nheig byu jang: yoo" bang: gi Khristu nyang: gyeungshang: nyid ziyo' dakhyoo" ti"- nyang: tu: nya: gung ri we' cid" yung" cid" shang: to" abye: go.

RUTHA 3:11

Rutha we" gung ayoug. Nang mho' moo mho' gi ngoo koid byid: wa. Nang gi sam" dab ri yung" da" myiyi: zoo: nghoid ziri voobyu yi dangain" bang: se' nyid boem.