PHILIPI 4:6 - Lacid Common Language Bible

⁶ Ce" khyoo: moo we' myid' amyo: nyid goo" nanu" da" akyu" mho' dang: khoin" khang" moo" moo-khanham we' jeju" boin: so" nheigloem: yo' nanu" ca" vho: khyoo: dangain" Mangso jhang mho' nyid ge'.

PHILIPI 4:6 Iomraidhean Croise

1 KHOKHAM 8:28

Nga" Aseing Mangsoo we"- ngoo gi re" dei zoo: nghoid nga" akyu" mho' dang: ri tam" gyo: wigi akhid" nyid" ngoo nang ri mho' yoid ziri myid veing" byid: we' o".

2 KHOKHAM MHOOMYID: 32:20

Houg: lang" Hezekia yo' Amod da" yuggi zoo: Lapi: Esaia tang: gi Mangsoo ri akyu" mho' lho: pang" thoug yu wa nyang: ri yoid nyho: ago".

COUNG" NGHEI 51:15

Aseing we" dang: yo" tid wa shid re" ngoo ri pang" byid: we'. Hougsu" ngoo gi nang ri coung" nghei nyid wa.

COUNG" NGHEI 55:17

Nab soin: ayo, nyid" khyoug ayo- myen" mo" ayo, joem moo nga" da" mho' yoid ziyo' nookyeing" thui: gi nya: jang" moo: kyang ju" do, lo" wigi nyang: gi nga" thui: ri tam" gyoo: byid: wa zi nghoid.

COUNG" NGHEI 55:22

Re" da" kyi" khyeug yau: khe" khyoo: Aseing moo: ab too" we'. Nyang: gi nang ri goem loem byid: zi nghoid. Deung byeung" bang: ri nyang: gi khanham we' soem" joem: loo" nhang: wa zi anghoid.

COUNG" NGHEI 62:8

Nga" da" byumyu" yi we"- ayo, khang" moo" Mangsoo ri loem khau: nyid we'. Nyang: gi yha" da" khoug: loo joyoo nghoid yoomo nanu" da" yau: khe" khyoo: bain sho' nyang: ri tid kyoo" we'.

DANG: ZHOEM 15:8

Aseing gi byu gi yi akyu" mho' dang: ri vho: ngei nyid. Nghoid loug we' tarha" aci: bang: ci: re" da" xoin" du: joem ri nyang: gi ngheung" nyid.

DANG: ZHOEM 16:3

Re" da" moo" zoo" moo: mainkaid byid: wa shid re" Aseing ri: mho' yoid we' hougsu" nghoid lang" re" da" moo" zoo" jid: zoo" moo oung: doid loo" wa zi nghoid.

SHOLUMON JIKHOIN" 2:14

Nang gi lug pyo' gyoo: moo nyid da" pheing" kyoug" yo' du da:. Re" da" yu" jheddab tung" myonhoo: ri ngoo ri yu" nhang: we'. Re" gyoo: noug tung" da" thui: ri ngoo ri gyoo: nhang: we'.

YEREMIA 32:16

Ngoo gi qei da" moo" myid veing" mougsoug" ri Barug ri bain byid: thang:- Akyu" mho' ziri

YEREMIA 33:3

«Ngoo ri khi: we' nang ri ngoo tu" byid: wa. Nang ci: ase' da" mau" pho" ziyo' mau" pho" moo" zoo" yo' sen: da" khyoo: ri ngoo tid khyoo" wa.

DANIELA 3:16

Shadrag- Meshag- yo' Abednego gi «Aseing: khokham we"- ngoonu" khyo" gi ngoonu" nya: gung ri goem loem yu wa yoem: akaid wa.

DANIELA 6:10

Hau: amyeing" ri lo, xoem" lhid" bye: ga: ziri Daniela shau" gyo: yu lang" yhoem: khyoo: lo da:. Nya: yhoem: tho' pyam: mo yab dayab moo Yerusalem shoid khyoo: shu: to" da" bangzoo: khoem" joem dab da:. Hau: joyoo moo nyang: khanham we' lhung koid nyid ziyo' dakhyo"- bang" jo, da" bangzoo: khoem" moo poid thug thug lho: danyid" ri soem" lheing: lheing: Mangso jhang akyu" mho' da:.

MATHE 10:19

Nanu" ri ab pyam' wa da" uri khasu" tid wa zi gi gung ayoug goo"- Khasu" phoug tu" wa da" dang: gi nanu" ri tid poin" loo wa.

MATHE 13:22

Ju: byab moo gyoo" lo" da" myoug: shi" gi Tarha" mungdang: ri shau" gyo: lho: Mougmyid tho' mo myid myoo: ung: loug khyoo: yo' ziyoo jonu" ri myo, no, vhoo: bo khyoo: yoomo mungdang: tarha" myoug: shi" ri nghoeb zeig pyam lho: wigi ashi" ayo" zei: dakhyoo: ri tid nau zi nghoid.

MATHE 6:34

Houg: yoomo nab, yo nyid" shid re" myid amyoo: goo"- nab, yo nyid" gi nya: shid re" kyi" khyeug wa zi nghoid. Khid" nyid" kyi" khyeug zigi khid" nyid" shid mo gi" bye.

MATHE 6:8

Nanu" amho' shi" ri lang" nanu" ci: vho: zi dangain"- nanu" da" nya: phoo Mangsoo gi se' nyid gu nghoid yoomo tarha" tungbau mo mo, yhangti" amho' nyid goo".

LUKA 10:41

Aseing: gi Matha we"- Matha we"- nang gi moozoo" myoo" sho' shid' re" myid myo: nyid ga: nyang ri tid.

LUKA 12:22

Hau: thang: ri Aseing Yesu gi nya: cangzoo: yi ri tid zigi Houg: su" yoomo nanu" gi Ce: noem se' zoo: wa lha". ein: kangso' shid' re" seing" akho" nyid goo. Ce: noem sevoid wa lha". ein: wigi gung du: shid' re" seing" akhoo" goo" ga: tid.

LUKA 12:29

Ci: zoo: wa lha".- ci: shug wa lha". ein: wigi seing" akho" nyid goo.

LUKA 18:1

Hau: thang: ri Yesu gi nya: cangzoo: yi ri kha: uri we' yoem: ashoin: loo za: ayo, bain sho' moo akyu" mho' ca" da" khyoo: ri dangtu' daja: khyo" jhoug" byid: zigi

LUKA 18:7

Khyen: yu shau" nya: byu yi da" nyid" myen" bo pang" wa shid' re" yoid mho' ngau nyid boem nghoid rigi Mangsoo gi dang: akho: byid: loo: nyid wa la". nyang: gi houg: bang: ri pang" thoug byid: wa shid' re" nhe" nyid wa la".

1Korinthians 7:21

Nang gi Mangso khe: yu da" ayo, moo: join, koid nyid su: nghoid la" nghoid ja" ci: aca"- Nghoid loug we' join, mo yo" loid wa akhang" yo" rigi- hau: amyeing" akhang" ri ci: loo" we'.

1Korinthians 7:32

Ngoo gi nanu" ri myid myoo: ung: loug da" khyoo: mo loid loo" wa shid mo vho: ngei nyid. Myi: ayu shi" yuggi, gi hau" Aseing ri gau, yi nhang: noug yoomo- Aseing da" moozoo" moo: nheigloem: zoug jo.

2~KORINTHU 1:11

Houg: yoomo Mangsoo gi ngoonu" hougsu" akyu" mho' da" dang: ri tu" byid: wigi - ngoonu" ri mainkaid jeju" byid: shi" wa zi nghoid. Byu myoo" sho' mo, we' ngoonu" kham: yu bye: da" mainkaid jeju" yoomo jeju" ri coung" nghei nyid boem wa zi nghoid.

Ephesu 5:20

Nanu" da" Aseing Yesu Khristu da" myeing ri lang: lho: khyoo: khaid gu: khang" moo" moo phoo Mangsoo gi khanham we' jeju" boin: coung" nghei nyid ge'.

Ephesu 6:18

Mangso jang" mo pang" thoug khyoo: yo" yu baja"- goeb khyo' akyu" mho' ziyo' he: khyoo: dangain" gu: ri zei: so' nyid ge'- gyeungshang: da" venyi vhu" she: ziyo' dakhyoo" ti"- ayo, khang" moo" moo akyu" mho' nyid ge'- he: gang mo nheigloem: soozoo: lheung: nyid ziyo' khanham we' asoem" akham' goo" Mangso byu yi shid re" khanham we' akyu" mho' nyid ge'.

KOLOSE 3:15

Khristu byid: da" ngei pyo: khyoo: gi nanu' da" nheigloem: ung: khoug: moo davhoeb, khang" nyid wigi houg: gi nanu" myid phyed' pharan da" khyoo: moo khyoo: shed' vhu" she: nyid baja"- khasu" wim ga: ri hau: ngei pyo: da" khyoo: ri shau" kham: zoo wa shid re" Mangsoo gi nanu" ri gung du: daloem: za: khyo" khe: yu bye: yoomo jeju" ri boin: so" nyid ge'.

KOLOSE 3:17

Houg: yoomo nanu" ce" moo" thu' nghoid loug we' mung main: khyoo: moo we' moozoo" jid: zo" khyoo: moo we' Aseing Yesu myeing ri lang: lho: dangain" ziri dakoid nyid wigi nya: khoug: khyo" phoo mangsoo ri jeju" daboin: so" nyid ge'.

KOLOSE 4:2

Anoo: loo- atheing: loo: akyu" damho, nyid ge'. hau: tho' moo gootu: nanu" akyu" mho' khyoo: moo zed" zoore"- Mangsoo ri jeju" daboin: nyid ge'.

1 TIMOTHI 2:1

Hougsu" nghoid yoomo dangain" mo, da" shid' moo-byu bain' sho' bang: da" shid' re" Mangso jang" moo akyu" mho' xo' byid: da" khyoo:- mho' tung" bain: byid: da" khyoo: joem yo' jeju" ri coung" byid: da" khyoo: dakoid nyid boem wa shid re" doin: nyheun" yoem: byid: kaid.

1 TIMOTHI 5:5

Lo, ti" phyeug lhoo: nyang: ri yu" goin, coung: wa byu hang" aboo lo: da" cougmoo" myhi, gi Mangsoo ri myid' loin" nyid ziyo' nyid" ri myen" ri akyu mho' nyid wigi Mangso pang" thoug wa ziri vho: ngei nyid.

1PETERU 4:7

Ziyoo jo, moo jo, thang loo" wa ayo, ju" bye: yoomo nanu" gi akyu" mho' wa shid re" nyang: nya: da" nheigloem: ri zed" lhed' lho: nheig boo ung: gyeung" nyid loo: ge'.

1PETERU 5:7

Mangsoo gi nanu" ri jheddab goin, coung: nyid yoomo nanu" da" myid' myoo: ung: loug khyoo: dangain" ri nyang: ri ab, pyam byid: ge'.

1 SAMUELA 1:15

Nyang: gi «Anghoid- ngoo zabyid ayed aseing: we"- ngoo zabyid yhid: ashug yu". Ngoo gi gye" myid myo: nyid ziyo' nga" yau: khe" khyoo: Aseing ri tid kyo" wigi akyu" mho' nyid zi danghoid.

1 SAMUELA 30:6

David da" nya: byu yigi nyangnu" da" zoo: yi byug wigi gye" nheig no ziyo' nyang: ri lugzeing yo' du" said wa ga: kyug nyid boem yoomo David gi yau: khi" zeing shoug" nyid da:. Nghoid loug we' nya: Aseing Mangsoo gi nyang: ri yoem: byid: nyid da:.

1 SAMUELA 7:12

Hau: thang: ri Samuela gi lugzeing daloem: ri koid: yu wigi Mizpa yo' Shen agyoo: moo zhug to" lho: «Aseing gi ngoonu" ri dakhyoo: moo" goin" jang" moo pang" thoug bye:» ga: tid lho: nyang: gi hau: ziri «Pang" thug lugzeing» ga: myeing myheing byid: bye:.