PHILIPI 4:3 - Lacid Common Language Bible3 Nga" da" bo pang" bo thoug da" loem ge" da" byen cang phoo we"- nang khyo" we' hau: myi: yi eig yug ri bo pang" thoug yu we' khasu" wim ga: ri hau: ngei bu: lu dang: kho" kyo" da" khyoo: moo ngoo yo' dage" moo" gye" bo zei: loo bye- nya: eig yug yo' dage" Klemen yo' Mangso kang: so' mougsoug" zhayen" pug moo nyangnu" da" myeing bo- nga" da" moo" voin byen cang" gootu: we' zheung: bo. Faic an caibideil |
PHILIPI 4:3
28 Iomraidhean Croise
Ngoo gi yoeb myang joem agyeing" anghoid ziyo' khyoo: vhang: shu" vhang: da" lapi: pe: bang: lapi: nanu" ri yooboo dam byid: wa za: danghoid lo:. Nga" byumyu" yi phung: foem: lho: moo" she: myid phyed lo" uri houg: moo nanu" anyid goo" wa. Nanu" da" myeing joem gi Israela byumyu" yi da" zhayhen" moo aboo wa. Nanu" gi nanu" nya: mougmyid khyoo: khanham we' adoem tau" loo wa. Houg: lang" nanu" gi ngoo yoem: moo" bo Aseing nghoid ziri se' loo wa.
Zin: yung" pain" byimi void ci: da" moug: lagyoo: tid zigi «Hau: ayo, moo re" byumyu" yiri lhoug zung" da" moug: lagyoo: moo" Mikhaela gi nyid thu loo wa. Hau: thang: hau: zigi yau: khi" ayo, nghoid wigi byumyu" yi xang: shi" nyid re" da" ayo, mo zi akhid" ju" sho' moo yau: thang nghoid wa. Hau: ayo, ju" lo ri Mangso da" mougsoug" pug moo myeing lhid" to" da" re" byumyu" yi dangain" gi khyoid yu zi shau" boem goo" wa.
Hougsu" nghoid yoomo Mang: nhung" yi we" - Mangsoo: gi ngoonu" ri gye jheddab nheig khyeug yoomo Mangso: moo" bo voin zi yo" dei nyid da" xoin" du: yhang: ti" bue" wa shid' re" nanu" da" gungdoem: ri xoin" to" ab noung" pyam' ge'. Houg lang" she' nanu" gi Aseing: ri deingbyeing" khyo" yo" noku boem wa.
Akhid" uri nanu" shid re" je" ca" thang da" khyoo; gi Khristu Yesu da" ngei bu: lu dang: yo' du veung" moin: yi" khyo" kangso' dei nyid boem ca"- hougsu" nghoid lang" gi ngoo nanu" jang" moo ju" re" uri nghoid loug we' aju" re" uringhoid loug we' nanu" gi nheigloem: sham: shoin" go" lho: theung shang" yab, jo, wigi myid to" khyoo; dakhaid za: yo,- hau" ngei bu: lu dang: da" loem" jeung" khyoo: shid re" dage" za: zain: shi" go" nyid da" khyoo: ri ngoo shaug" gyoo: wa zi nghoid.
Ngoo nanu" da" atho' moo too" byid: da" myid' gi young" du nyid khasu" wim ga: ri nanu" ri jheddab nyid da" khyoo: gi nga" da" emyid moodabo jo. Nanu" dangain" bang: gi ngoo thung: loung" jo, uri nghoid loug we' ngoo ngei bu: lu dang: ri kho" kyo" zoore"- geung: teing jo, nhang: uri nghoid loug we' Mangsoo ngoori byid: da" akhang" jeju" ri bo kham zoo; mo, nghoid ago".
Hau: akhyeung" da" gougnyhoug gi shid' phyang" dei nyid yu" bye- nghoid loug we' akhid" gi adei nyid loo- nghoid loug we' nyang: gi no, athang da" duang: khuang" mo thu' re" lho: wigi phyo' shoin, pyam' jang" khyoo: yhe: loo" wa zi nghoid. Moug: phain" myid' aphain" shi" mo Nya: kang: so' moug soug" pug moo -myeing abo lhid" kaid' to" da" moug: myid byu yi gi hau: akhyeung" da" gougnyhoug zeing ri shau" myang lang" mau" hang" to" boem wa nghoid. Nyang: gigoo" nham, dei nyid yu" gye- akhid" gi adei nyid loo- nghoid loug we' doem dei loo shi" wa zi nghoid.
Hau: lho: wigi shid: lo" byug bye: mo, gyi: zoo: nge, zoo: gi hau: zhung: tang shid khoin" moo to' yab, jo, boem ziri ngoo myang. Houg: lang" mougsoug" bug joem ri we' phang to" boem Kangso' mougsoug" ga: da" mougsoug" bug gootu: ri we' phang to. Shid: loo" bye: mo, gi nyang: nya: da" aved' asam" yo' dakhyoo" ti"- moug soug" bug moo lhid" to" khyo" canglho:- tarha" dang: phyed' zi shau" nyid boem ago".
Sanasan