PHILIPI 4:12 - Lacid Common Language Bible

¹² Ca" nyid yo nyid wa ziyo' agoin ayu: yo" loo: jo, lo ri khasu" nyid wa ziri we' ngoo se- yoo" zoo: yoo" shug nghoid loug- zooyoid gyid shed' nghoid loug- myoo" sho' yoo" nghoid loug- dajhi' za: te: yoo" nghoid loug- kha: joyoo moo nghoid loug- kha: yo, kha: khyeing: moo nghoid loug- nheig shid: nheig deig tung" se' nyid da" he: da" yhoem" to" zau" to" da" phajhi" ringoo se' yu bye.

PHILIPI 4:12 Iomraidhean Croise

NEHEMIA 9:20

Nang gi re" gyi: sheung: khyo" nyangnu" koid ca" ziri nyangnu" ri tid shid da:. Nang gi nyangnu" ri Manna byid: zho" lho: shug gyid byid: jhug da:.

ESAIA 8:11

Aseing gi nyang: gyi: sheung: da" yoem: so' wigi byumyu" yi cang boem da" khyoo: ri abo cang yhi: wa shid re" ngoo ri tid poin" byid: da:. Nyang: gi

YEREMIA 31:19

Ngoonu" nang mo nung phug lo" boem bye:. Nghoid loug we' houg jang: ngoonu" doem tau" loo" noug bye:. Nang ngoonu" ri yooboo dam byid: thang: koug wigi ngoonu" vhuloem ri goeb tau" ci: bye:. Ngoonu" sho' phu" wigi ngi: yoem" bye:. Ciwim gari ngoonu" ngi shi" ayo, ri yooboo shoid boem bye:.›

MATHE 11:29

Nga" da" kyoug: ri voin ge'. Nga" jang" mo jhau" yu ge'. Khasu" wim gari ngoo gi nu" nham' su: yo' nheigloem: nyhoem: su: nghoid. Houg: su" lang" nanu" doug shau" noo: wa zi nghoid.

MATHE 13:52

Yesu gi «houg: su" nghoid yoomo Mougkhung: mungdain: da" cangzoo: agi yi bue" loo da" tarha" sara: hang" nghoid loug we' Aseig we axoug" ri we yu thu' shug da" yhoem: seing: yo" du nyid» ga: tid.

2~KORINTHU 10:1

Nanu" da" shid khoin" moo sam" dab nu: nham wigi nheigloem: khyo' nyhoem: khyoo: toin" shid' wigi nanu" yo' we: gang: loo" lang" asho, agyug nheigloem: toin" shid" su: nghoid ga: juang" yi shau" su: ngoo Polu nyang:- nanu" ri mho' tid kaid.

2~KORINTHU 10:10

Khasu" wim gari byu dayham" gi Polu da" mougsoug" joem gi gye" no, lho: yoem: moo" so' moo" bo" da" mougsoug" nghoid- nghoid loug we' nya: gung nyang: ngoonu" yo' dage" nyid uri nyang: gi yoem: nu: lho_ myonhoo: phung" yoeb abo ziyo' nya: dang: khoin" joem we' -ce" juid" we' arue" zi nghoid- ga: tid boem ago".

2~KORINTHU 11:27

Moozoo" yo" yau: khe" zi yhoeb, ashug" zo: zi myo" sho myen- zooyoid gyid shed shau" zi myo sho' lheung:- zookhoo: ayoo" loo- khau: nghi" jang: ajo- shoo" cen: doem: boi" lo shid: gyoin' joem ri sahu" nyid.

2~KORINTHU 11:7

Ngoo gi nanu" ri coung" nghei tu: to' kaid wa shid re" ngoo nya: gung ri gi khyo, nyhoem: pyam lho: aphoug" amho, loo:-Mangso da" ngeibu: ludang: nanu" ri kho" kyoo" bye. Hougsu" koid khyoo: gi ngoo moo shoid khyoo: nghoid la".

2~KORINTHU 11:9

Hau: tho' moo gootu: ngoo gi nanu" yo, dage" nyid nyid da" ayo, moo ngei sheung: ca" lo da" u ri pang" thoug yu wa shid re" ngoo nanu ri phibu, apu' yu". Makedoni mung" mo ju" re" da" mang: nhung" yi koem gi ngoo ca" gu: dangain" ci: ri byid: ago". lailoo bye: da" ayo, moo we' nanu" ri yoovoin alid: nhang" yhang: ti" - ju" loo wa da" ayo, moo we' ngoo nanu" ri khanham we' yoolid: afoin: wa.

TARHA" TID POIN" 32:10

«Nyang: gi nyangnu" ri dain" pyoid yoo moo lam" dam: yen" ziri myang. Hau: dain" pyoid yoo gi kyug hei wigi lid hau' pyoid pyam da" zi nghoid. Nyang: gi nyangnu" ri goem loem byid: lho: nyang: nya: gung ri goem loem byid: ziyo' dakhyo" nyangnu" ri yu" goin coung: loo bye:.