PHILIPI 4:11 - Lacid Common Language Bible

¹¹ Ngoo hid: su" ein: tid da" khyoo: gi nanu" ngoori nung phoug pyam boem bye: ein: tid nau zi we' anghoid- khasu" wim ga: ri ngoo gi ngoo nyang: te: yo" gu: yo' nheig deug; lho: se' nyid ca" khyoo: ri se' yu bye.

PHILIPI 4:11 Iomraidhean Croise

APOEM AYANG: 28:20

Hau: thang: ri Yaku gi Aseing moo dang: thang" cab to" zigi «Nang gi ngoo yo' sagse: to" lho: ngoo yhe: lo" nyid da" nga" gyung: khyoo: moo ngoo ri goem loem byid: wigi ngoo ri lazoo: lashug yo' void byi: void mi byid:.

THU' LO" MOUGSOUG" 2:21

Houg: yoomo Moshe gi houg moo nyid wa myid veing" da:. Yethru gi nya: myiyi: zoo: Ziphora ri lo, xo' byid: wigi

LUKA 3:14

Gyizoo: yi we' Ngoonu" gi khasu" koid: loo: wa lha"» ga: re" myed: boem. Yohan gi nanu" gi hang" ri nghoid loug we' atarha" khyo" ajoeb" goo. Dang: akho: goo"- hang" jang" mo we' atarha" da" ngei ri amho, zo: goo. Nanu" yo" da" la, ga, yo" nheig deig nyid ge" ga: doem tid.

2~KORINTHU 11:27

Moozoo" yo" yau: khe" zi yhoeb, ashug" zo: zi myo" sho myen- zooyoid gyid shed shau" zi myo sho' lheung:- zookhoo: ayoo" loo- khau: nghi" jang: ajo- shoo" cen: doem: boi" lo shid: gyoin' joem ri sahu" nyid.

2~KORINTHU 6:10

Koug shu" zi shau" boem nghoid loug we' ngoo gi khanham we' dagau yi nyid sho" jhen" bang: yhang: ti" nghoid loug we' byu myoo" sho' ri yoo: zoo: yo" shug nhang" mo, nghoid- ci" ayoo" mo, yhang: ti" nghoid loug we' ngoonu" gi gyeung" nyang"- jo, moo jo, ri seung: ci" mo, ngoid.

2~KORINTHU 8:9

Nanu" gi ngoonu" Aseing Yesu Khristu ri se' nyid boem ago" Aseing Yesu gi nyang: di su: nghoid loug - nanu" da" shid re" nya gungdu: ri sho" jhen: byu bue" loo" nhang: bye. Nyang: asho" ajhen: koid jang" mo nanu" yo" de, lo boem bye.

2~KORINTHU 9:8

Mangsoo: gi nanu" vho" nyid tho' moo jain" sho' yo" byid: nyid.Houg: yoomo nanu" gi nyang: tu: nya: shid re" vho' ca" nyid gu: dangain" ri yo" yu boem va zi nghoid. Hou: tho' moo ge da" moo" zo" ja: khang" mo" shid mo ca" nyid hto' moo jan" sho' yo" yu wa.

PHILIPI 3:8

Mau: tho' moo gootu- nga" da" Aseing Yesu Khristu ri yo" se' boin: gyeung: lo da" khyoo: gi gu, jhoo: aphoug" dangain" tho' moo je" phoug" dab, thang zi nghoid yoomo ngoo yoo" mayoo" dangain" gi soem" pyam' bye" ein: soin: pyam bye- ngoo yoo" mayoo" dangain" gi soem" pyam bye- ngoo Aseing: shid' re" nga" ziyoo jonu" dangain" ri she: pyam' bye- Khristu ein: da" amyaid' ri yo" yu wa ziyo' Khristu yo' dadeing: daloem: za: yo" bye" loo" wa shid re" jo, moo jo, ri joid' nhoin soid' boem ti" soin: pyam bye.

HEBRE 10:34

Nanu" gi thung: lung" mo, ri we' nheig khyeug ago- nanu" da" soid gain ziyoo joem ri lhoid yu zi shau" lo da" uri gau yi ziyo' kham zo: boem bye- Khasu" wim gari abyo, abei lo da" soid gain daja: yoo" shi" zigi nanu" se' ago".