PHILIPI 3:9 - Lacid Common Language Bible

⁹ Ngoo gi toung: to" da" tarha" ri cang byeung" yhe: lo" khyo" wigi deing" byeung" khyoo: ayo" yu- akhid" Khristu ri loem" jeung" lo khyo" wigi deing byeung" khyoo: ri ngoo yo" yu bye_ hau: khyoo: gi loem" jeung" yoomo Mangsoo byid: da" nheig khyeug jeju" jhung: shug za: nghoid nyid.

PHILIPI 3:9 Iomraidhean Croise

APOEM AYANG: 7:23

Aseing gi mougmyid tho' mo byu xangsu:- gougnyhoug gougdoo: yo' ngho' zoo: yen" zoo: dei moodei- nyid moonyid dangain" ri jhoid toem" pyam bye:. Noa yo' nyang: yo' dage" gyid lhid moo" zeing khoug: moo lung" mo, kyeing" za: danyid deing lo: da:.

1 KHOKHAM 8:46

Re" byumyu" yi nang ri yooboo koid wa nghoid. Hid moo dayug we' yooboo akoid zi anyid wigi nang nheig yo: ziyo' nyangnu" ri nyangnu" da" gyivoo yi oung: pyam nhang: wigi nyangnu" ri gootu: mung" khyoo: join joem khyo" shu" lo" lho: hau: mung" gi gye ve: zi nghoid loug we'

2 KHOKHAM MHOOMYID: 32:25

Nghoid loug we' Hezekia gi Aseing wigi nya: shid re" koid da" jeju" ri ci: shug wa shid re" sung nghoid boin: wigi Yuda yo' Yerusalem gi hau: shid re" yau: khi" kham zo: ago".

2 KHOKHAM MHOOMYID: 32:31

Babelon mo mungdain: lagyoo: zeing yi lang" mungdain: mo gooki' lid bue" da" khyoo: ri re" myid: ca: yu" boem. Mangsoo gi nya: avoid ri joeb ca: yu" wa shid re" Hezekia ri nyang: nau khyo" koid nhang: to" da:.

COUNG" NGHEI 14:3

Nghoid loug we' xangsu: byu yi dangain" mo, gi khyoo: bain vhang" lo" byoug boem bye:. Nyangnu" dangain" mo, dakhyoo" ti" agi ashoeb bang: bue" lo" byoug boem bye:. Nyangnu" moo: ge da" moo" se' zei su: dayug we' aboo- gyeing" nyang: dayug we' aboo.

COUNG" NGHEI 143:2

Re" da" deizoo: ngoo ri tarha" dang: phyed khyoo: ashoug" nhang:- Re" shidkhoin" moo: yooboo ayo" zi dayug we' anyid.

COUNG" NGHEI 19:12

Hang" nghoid loug we' nyang: shoid da" yooboo ri ayo" myang Asi, amyang da" shoid vhang: khyoo: mo ngoo ri khyoid yu we'.

PHAJHI" DANG: 7:20

Myid gung tho' moo ayo, byeung" sho' jo zi za: koid lho: khanham we' ashoid yu" zi hang" anyid nghoid da:.

ESAIA 46:13

Ngoo gi oung: doid da" bidnyid ri jhang lo nhang: nyid hau: zigi dajhi' we' avi: loo. Nga" oung: doid khyoo: gi thang: agyoo" wa. Ngoo gi Yerusalem ri khyoid yu lho: Israela ri ngoo ngi: shab byid: wa» ga: tid da:.

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

ESAIA 53:6

Ngoonu" dangain gi yang yhang: ti" byug lo" boem bye:. Ngoonu" yugkhang" moo" gi nyang: yug nyang: vho: da" khyoo: khyoo: lo" boem abye:. Nghoid loug we' Aseing gi ngoonu" dangain" bang: kham zoo: moin: da" yooboo ri nya: adang moo gyo" zang" nhang: bye:.

ESAIA 6:5

Ngoo gi «Nga" shid re" myid byu khyoo: ajo, ngoo gi joem bye:. Ciwim gari nga" nhoid mo thu da" dang: khoin" khang" moo" gi yooboo byeung" jo, da:. Houg: lho: ngoo gi yooboo dang: kyeing" tid da" byu phung: khoug: moo nyid nyid. Nghoid loug we' ngoonya: myojid" wigi nyang: myhang: thang Aseing khokham ri shau" myang bye:» ein: tid bye:.

YEREMIA 23:6

Nyang: khokham bue" loo lang" Yuda byumyu" yigi goem loem zi shoug" goo" wa. Israela byumyu" yigi ngei pyoo: yug yoo tung" shoug" nyid loo goo" wa. Nyang: gi ‹Ngoonu" khyoid yu Aseing› ga: myheing byid: zi shau" boem goo" wa.

YEREMIA 33:16

Yuda byu yi yo' Yerusalem byu yigi khyoid yu zi shau" wigi goem loem tung" za: shoug" nyid loo goo" wa. Voogung ri «Ngoonu" ri khyoid yu da" Aseing» ga: myheing loo goo" wa.

DANIELA 9:24

Nyhed xi: zain nyhed lheing: gi re" byumyu" ri yo' re" da" gyeung" shang: voomoo" ri yooboo yo' akhyeing" ashoeb jang" mo loid byoin nhang: wa shid re" Mangsoo xoem" too" byid: da" ayo, akhyeing: nghoid da:. Yooboo ri khyoid pyam byid: lhoo apyaid atoo: moo tarha" nyeung veung" ziri zhug to" loo wa. Houg: lho: yoeb myang yo' lapi: dang: gi jo loo wa. Houg: lho: gyeung" shang: Noku Yhoem: Moo" we' doem shugbyid: loo wa.

MATHE 9:13

«Houg: su" wigi xoin" ngei" byid: da" khyoo: anghoid- nheig khyeig khyoo: ri ngoo vho: nyid ga: da" dang: ri se' loo" goo" baja"- re" jhau" yu ge'. Khasu" wim gari deung byeung" mo, ri khi: wa zi anghoid. Yooboo yoo" mo, ri khi: wa ein: ngoo dare"» ga: tid.

Roma 1:17

Phoo Mangsoo: gi - byu xangsu: yi ri khasu" vho: ngei kham: yu da" khyoo: ri - ngeibu: lu dang: mo tid pang toin" shid' nyid. Hau: da" khyoo: gi xang: shed" mo zi lo" thang ju" sho' loem" da" nheigloem: mo, ayang: qei" to" da khyoo: nghoid. Houg: yoomo jhoem: dang: moo tid zigi - Mangsoo: vho: ngei kham: yu zi shau" su: gi - loem" khyo" kangso' dei nyid ca" - ga: bo.

Roma 10:10

Khasu" wim ga: ri nanu" gi nheigloem: ung: khoug: moo loem" jeung" khyo" Mangsoo: da" shid' khoin" moo deingbyeing" mo yo" bui" wa akhang" yo" lho: nhoid' mo yhen: yu khyo" khyoid' yu khyoo: ri yo" yu zi nghoid.

Roma 16:7

Nga" byukung: mo ngoo yo" dage" thung: loung" yu" da" Androniku yo' Yuni eig yug riwe' bo u" byid: ge'. Nyang: eig yug gi Lagyoo: amain" khyo" myeing fu" lho: nga" shid' mo Khristan bue" loo su: eig yug nghoid.

Roma 5:21

Yooboo gi byu ri yo" shid nhang: da" dangkang: nghoid ziyo' dakhyoo" ti" ngoonu" Aseing Yesu Khristu khyo" wigi Mangso: da" jeju" akhyoo" again gi ngoonu" ri apyaid' ato: kangso' khyoo: shu" yhe: lo" lho: deingbyeing" mo yo" bue" loo nhang: da" dangkang: nghoid.

Roma 8:1

Hougsu" yoomo Khristu Yesu dadeing: za: nyid mo gi tarha" dang: phyed' khyoo: aboo loo.

Roma 8:3

Byu xangsu: gung sho" nheigloem: yoem: neing: khyoo: yoomo - Moshe da tarha" wi ayo" voin vu da" moo" ri Mangsoo: gi voin vu pang" byid: bye. Mangsoo: gi byu xangsu: gungshoo" zei: shoid' moozoo" khyoo: tid yooboo dang: phyed' wa shid' re" nya: zooti" ri nhang: kaid' bye. Hau: nya: zooti" zoo: gi yoobo tarha" ri phyo' shoin' pyam' wa shid' re" xangsu: byugung re" void yu bye.

1Korinthians 1:30

Mangsoo gi ngoonu" ri- Khristu yo' dadeing: daloem: za: bue" loo nhang: bye: yoomo Mangsoo gi Khristu ri ngoonu" da" phajhi" lasi, laleig bue" loo nhang: bye. nyang: khyo" wigi: Mangso da" shid khoin" moo- deing byeung" bang: yo" bue" loo bye- Mangso da" gyeungshang: byumyu" yo" bue" lo boem bye: ziyo'- ngoonu" gi lhoid pyoin kaid zi we' shau" boem bye.

2~KORINTHU 5:17

Hang" nghoid loug we' Khristu yo' dadeung" daloem: za: bue" lo" byug lang" gi-nyang: gi byu seig bue" loo bye- shid" phyang" mo axau" gu: gi lid lo" yu" bye- Yu" ge' dangain" gi aseig za: bue" loo bye.

2~KORINTHU 5:21

Khristu gi ce: youg: noo yooboo adab su: nghoid loug we' ngoonu" gi Khristu yo' dadeung: daloem: za: bue" lo wigi Mangso da" deung: byeung" ziri kham: yu wa shid re" Mangsoo gi Khristu ri ngoonu" shid re" nyhang" yhang: te" yooboo yo" su: - bue" loo nhang: bye.

GALATI 2:16

Nghoid loug we' byu xangsu: yi gi toung: to" da" tarha" ri cang pyeung da" moozoo" yo' Mangso shid khoin" moo yo" deing byeung" lo" zi anghoid- Yesu Khritstu ri loem" jeung" da" shoid khyo" za: dayo" deing byeung" lo" ziri ngoonu" se' boem- Ngoonu" we' toung: to" tarha' ri cang byeung" khyo" wigi anghoid loo: za: Khristu yesu ri leom" jeung" da" yoomo Mangso shid' khoin" moo deing byeung" bang: bue" loo goo" baja" ga: Khristu Yesu ri loem" jeung" lo boem bye- Khasu" wim gari hau: toung: to" da" tarha" ri cang pyeung" da" moozoo" yo' hang" we' Mangso da" shid' khoin" moo deing byeugng" zi ayo" yu.

TARHA" TID POIN" 27:26

«Mangso da" tarha" joem yo' jhau" shid dang: joem dangain" ri atam" gyoo: su: hang" nghoid loug we' Mangso nheing" khoin" zang" baja". ‹Houg: lang" byumyu" yi dangain" gi ‹Amen› ga: tu" wa zi nghoid.

PHILIPI 3:6

Myid' loin" yoem: kaid' khyoo: ri da tid shang ga: rigi ngoo gi phung ri shen" yhen loo su: nghoid- tarha" cang byeung" shoid, khyo" deing byeung" khyoo: ri tid shang ein: rigi ngoo moo ce" yooboo we' adab-

2 TIMOTHI 1:9

Mangsoo gi nyhang" koid bye: ge, da" moozoo" aja: ja: yoomo anghoid loo: za: nyang: myid nyeung soin' to" khyoo: yo' jeju" khyo" ngoonu" ri khyoid yu lho: nya: da" byumyu" bue" loo wa shid re" khe: yu to" zi nghoid bye. Nyang: gi moug: aphain" myid' aphain" shi" mo nyang:- Khristu Yesu khyo" wigi hau: jeju" ngoonu" ri byid: too" bye.

TITU 3:5

Ngoonu" gi loem goem khyoo: shau" yu boem bye:. Hid: yhang: ti" loem: jeung" khyo" shau" yu zigi ngoonu" nyang: zei: so' yoem kaid da" ge da" moozoo" daja: ja: mo yo" yu zi anghoid. Ciwim gari nya: da" nheig khyeug je ju yoomo za hid: yhang: ti" doem khu: yu ziyo' sen: gyid yo' ced" kyeing shed" shang: pyam ziyo' nyang: gi nyhang" nu" ri khyoid' yu bye.

HEBRE 6:18

Mangsoo gi mhoug su: anghoid- houg: yoomo nya: da" dang: soo" khoin" yo' nya: jham, tang: khyoo: eig khaid gi khanham we' athid' loo"- ashai" lo" da" dang: eig khoin" nghoid nyid. Hougsu" nghoid yoomo nyang: moo nghe: khau: lho: goem, loem khyoo: yo" yu mo, ein: da" ngoonu" gi ngoonu" ri byid: to" da" nheig byu joyoo ri geing: geing: zei: lho: pu" lhang" too" wa shid mo yoem: lung: byid: zi shau" boem bye.

YAKU 3:2

Ngoonu" dangain" mo, gi atheing: loo: shoid vhang" loo" se' nyid. Kha: uri we' ci: tid cang aboo: su: gi joeb byeung" su: nghoid- Houg: yhang: te" su: gi Nya: gungdu" dangain" ri yo" vhoeb khang" ung: su: nghoid nyid.

2PETRU 1:1

Yesu Khristu da" join yo' lagyoo: nghoid su:- Ngoo Simun Petru gi Ngoonu" da" Mangsoo yo' khyoid yu da" Asing: Yesu Khristu da" deung byeung" khyoo: moo ngoonu" yhang: ti"- phoug" dab da" loem" jeung" khyoo: yo" yu bye: bang: jhang khyoo:- dang: pyeung: kaid.

1YOHAN 3:4

Yooboo koid nyid su: gi hang" nghoid loug we' tarha" ri peug phue da" moo" ri zei: nyid su: nghoid. Khasu" wim ga: ri yooboo gitarha" ri peug rhue, da" moo" nghoid nyid.