PHILIPI 3:8 - Lacid Common Language Bible

⁸ Mau: tho' moo gootu- nga" da" Aseing Yesu Khristu ri yo" se' boin: gyeung: lo da" khyoo: gi gu, jhoo: aphoug" dangain" tho' moo je" phoug" dab, thang zi nghoid yoomo ngoo yoo" mayoo" dangain" gi soem" pyam' bye" ein: soin: pyam bye- ngoo yoo" mayoo" dangain" gi soem" pyam bye- ngoo Aseing: shid' re" nga" ziyoo jonu" dangain" ri she: pyam' bye- Khristu ein: da" amyaid' ri yo" yu wa ziyo' Khristu yo' dadeing: daloem: za: yo" bye" loo" wa shid re" jo, moo jo, ri joid' nhoin soid' boem ti" soin: pyam bye.

PHILIPI 3:8 Iomraidhean Croise

1 KHOKHAM 14:10

Hougsu" yoomo ngoo gi re" khokham akung: ako'' atho' moo noophyoo" shoug" nhang: wigi re" amyed ashen mo yuggi yi ngi zoo: gyi: zoo: dangain" ri said pyam wa. Ngoo re" ikoin deungkhu: ri shoem" pyam wa- nyangnu" gi nukhyid" boem yhang: ti" shoem" pyam zi shoug" wa.

2 KHOKHAM 9:37

Hang" we' nyang: ri ase' yu" xoem" wa shid re" nya: mang gi houg moo khyid" boem ti" byo sain" jo, ri" wa ga: zi nghoid» ga: tid da:.

YOBA 20:7

Nyangnu" ri pheilhoug: yhang: ti" moid tang" pyam zi shau" boem wa. Nyangnu" ri lhung si' bang: gi nyangnu" khayoo: lo" byug la' ga: mau" boem wa.

COUNG" NGHEI 126:6

Myoug: shi" ri voin ci: lho: ngau, zoore" thu' loo" mo, gi gug deing: ri khyu: vu, ci: wigi gau yi ngeibu: yoomo jihkoin" khoin" zoore" doem tau" lo boem wa zi nghoid.

COUNG" NGHEI 73:25

Mougkhung: moug: di moo nang mo lid lho: ngoo gootu: ciyo" lha". Ngoo gi nang ri bain yo" too" bye:- mougmyid tho' moo: ngoo civhoo: shi wa lha".

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

MALAKHI 2:3

Ngoo gi nanu" da" zoo: yi myid: yiri dam byid: wa ngoo gi nanu" pui" moo ci: re" da" gougnyhoug khyid" nanu" da" myonhoo: moo joid byid: lho:-nga" shidkhoin" mo houg: khyid" yo' dage" khaid thu pyam wa zi nghoid.

GYUNG: SOO" 14:30

Ngoo nanu" ri hougmoo: yhe: nyid wa dangsoo" byid: too" bye:. Nghoid loug we' Khaleb yo' Yoshu mo lid wigi nanu" hang" we' ayo" yhi: wa zi nghoid.

LUKA 1:43

Nga" yhoem: seing: da" nya: myhi' gi ciwim wigi nga" jang" moo to' ju" lo lha".- ciwim wigi hid: yhi' da" jeju" ngoo shau" kham: zo: lha"» ga: tid.

LUKA 11:20

Nghoidloug we' ngoo gi Mangso da" yoem: so' mo yu joem ri yo" khaid thu' pyam yoomo Mangso da" mungdain: gi nanu" jang" moo juri" bye ziri si' loo: ge'.

YOHAN 14:20

Ngoo gi phoo yo" dadeing: daloem: za: nghoid ziri we' nanu" gi ngoo yo" dadeing: daloem: za: nghoid ziri we' hau: bidnyid ri nanu" yo" se' boem wa nghoid.

YOHAN 14:7

Akhid" nanu" gi ngoori si' bye: yoomo Nga" phoo ri we' si wam: bye. Akhid" mo nyang:- phoo ri nanu" se' lho: myang yu" boem bye: ga: tid.

YOHAN 16:3

Nyangnu" gi phoo ri ase' boem ngoori we' azheing: se' boem. Houg: yoomo hid: su" nanu" ri we' koid; lo boem wa.

YOHAN 17:3

Apyaid ato: kangso' ga: zigi dayug kyeing" da" Mangsoo ri we' nang nhang: kaid da" Yesu Khristu ri we' se' da" khyoo nghoid.

YOHAN 17:8

Ngoori nang ab byid: da" mungdang: ri ngoo gi nyangnu" ri doem ab byid: da" uri nyangnu" kham: yu boem bye. Nang jang" mo ngoo gyoo" lo da" khyoo: yo"- gyeing" nyang: nang ngoori nhang: kaid da" khyoo loem" jeing" boem bye.

YOHAN 20:13

Hau: Mouglagyoo: eig yug gi myiyi: zoo: we" ci: wim ngau nyid lha"» ga: myid. Mari koem gi nyangnu"- Nga" Aseing: ri yu lo" byug bye. Nyangnu nyang ri khayoo: to" zi ngoo asi ga: tid.

YOHAN 20:28

Thoma gi Nga" Aseing:- Nga" Mangsoo- nang nghoid bye: nhung: lha"» ga: phaug tu".

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

Roma 8:18

Akhid" he: da" pyaid moo ngoonu" thoung" shau" nyid da" koug shu: sho" jhen: khyoo: gi thang: phyang" pyaid Mangsoo: gi ngoonu" ri shau" kham: zoo: nhang: wa da" myo nhoo: phung" yoeb yo" citham: atu' yu" ein: ngoo loem" jeing" nyid.

Roma 8:39

Moug: khung: tho' mo zi nghoid loug myid thi" khoug: mo, zi nghoid loug we' - ngoonu" da" Aseing Yesu' Khristu khyo" wigi Mangsoo: toin" shid' da" jheddab jang" mo - ngoonu" ri yo" kang" pyam' zi anghoid.

1Korinthians 2:2

Khasu" wim gari- ngoo nanu" yo' nyid da" ayo, moo: Yesu Khristu da" khyoo: ri je" wigi- pyang" zeing tho' moo: Aseing shid: kham: tho' mo, jain" wigi- khyoo: goo tu: jo, moo: jo, ri to" myhed, pyam wa shid re" ngoo myid phyed' pyam bye.

1Korinthians 9:10

Nyang: hidsu" ga: tid nyid zigi- ngoonu" shid re" tid nyid zi anghoid goo" la" Gyeing" nyang: ngoonu" shid re" lhid" to" zi nghoid. Yoothung" phug su: yo' gug shi" ri yham" yu su: gi nyang: nyang: yoo" wa da" gug gam boem ri- myid byu lho: dakoid nyid.

2~KORINTHU 4:4

He: da" mougmyid tho' mo akhyeing" ashoeb da" - Mangsoo ga: da" yu satan phoo gi nyangnu" da" neig loem: ri mougcoid, yo' nghoeb too" byid: bye: yoomo nyangnu" aloem" ajeung" boem loo. myo, jed too" nhang" bye. Nyhang" gi Mangso da" veddu, gungdu nyang: nghoid nyid nghoid loug we' Khristu da" phung" yoeb da" khyoo:- hau: ngeibu: ludang: mo thu' lo da" bidbang ri amyang nhang: loo: nghoid da.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

GALATI 1:16

Hau: thang: ri tung bau, byumyu" yi ri nya: zo: da" ngei bu: lu dang: kho" kyoo" wa shid re" nya: zo: ngoori toin" shid' da" uri ngoo gi hang" da" phajhi" byid: khyoo: ri we' amho, yu yu".

Ephesu 4:13

Hougsu" nghoid yoomo ngoonu" da" loem" jeung" khyoo: khyo" we' hau: Mangso nya: zoo: ri se' loo bye: khyo" we' ngoonu" nyid, moo nyid bang: dangain" gi dagung dashoo" za: bue" lo wigi ngoonu" gi Khristu da" joeb, byeung"- myhang: thang da" gung du: laki, moo myhi: sho' nheig boo ung: gyeung: gyi: myhang: loo mo, bue" lo" boem bye.

PHILIPI 1:1

Khristu da" join, yi nghoid da" Polu yo' Timothi gi Philipi voo moo nyid nyid da" phung vhoeb, phung tau bi: yo' dage" Khristu Yesu moo daloem: za: nghoid da" Mangso gyeungshang: byumyu" yi bain' sho' bang: jang khyoo: mougsoug" lhid" kaid.

PHILIPI 3:10

Ngoo gi Khristu ri yo" se' lo khyoo: Nyang: doem dei to'' lo da" yoem: vhoo" ri shau" myang kham, zo: wigi ngoo nya: gung du: nyang: shid: jang" mo doem dei to'' yu wa ziri nheig byu zoore- nya: da" shid: kham: ziyo' du goo" wa ziri za: ngoo vho: ngei nyid.

PHILIPI 3:12

Ngoo gi akhid" lang" he: da" khyoo: moo oung: doid' bye: ein: we' joeb, byeung" bye" ein: we' atid noug- Khristu nyang: ngoori nya: da" byu bue" loo nhang: bye: yoomo ngoo we' jhung: shug ri yo" yu sho' yoem" kaid' lho: gei loo" bye- ngoo gi hau: jhung: shug ri yo" yu sho' we' shid moo jo, da" zi joem ri myhi: sho' we' nga" thang: mo khyoo: dangain" ri to" myhed' pyam.

PHILIPI 3:7

Nghoid loug we' shid phyang" nga" shid re" amyaid' nghoid bye" ein: soin" to" da" khyoo: dangain" gi akhid" uri gi Khristu yoomo soem" lo" khyoo: nghoid ein: ngoo soin: pyam' bye.

2 TIMOTHI 4:6

Nga" shid' re" koem gi ngoo nya: kangso' ab, byid: pyam wa da" ayo, ju" loo bye- akhui" hid: moo lang" nga" mougmyid' kangso' ri to" pyam' khoo, wa yo, gi ju" lo nyid bye.

HEBRE 3:14

Khasu" wim gari Khristain xang: shed" bue" lo da" uri yhang: te"- nheig shid: nheig deug da" loem, khau: khyoo: moo lo" thang bidnyid ju" sho' geing: geing: loem khau: nyid nghoid rigi nyhang" dangain" mo, gi Khristu yo' dage" dadeing: daloem: za: moo" voin, mo, nghoid nyid boem.

1PETERU 2:7

Loem" jeung" mo, nanu" shid re" gi hau: lug moo" boem, gi gye" phau" zi nghoid. Nghoid loug we' aloem" ajeung" mo, shid re" gi lug yhoem: zhug mo, khyen: lhei" to" da lug loem" gi yhoug: gyen: thang da" yhoem: jhoin: mo geung: teung da" lug. Loem: bue" loo bye.

2PETRU 1:2

Mangsoo yo' yha" da" khyoid yu Aseing: Yesu Khristu ri nanu" se' loo bye: yoomo nanu" gi jeju" yo' ngeipyo: khyoo: ri joeb byeung" sho' shau" kham: yu goo" baja" o".

2PETRU 1:3

Nya: da" myonhoo: phung" yoeb yo' ge thang khyoo: joem ri gam boem shau" yuwa shid re" nyhang" ri khyoid yu bye: da" Mangsoo ri se' lo boem bye: yoomo Mangso da" yoem so' gi-deungmain" da" noku thung" loem" jeung" khyoo: moo kangso' yo" dei: nyid wa shidre"- nyhang" moo ca" nyid da" khyoo: bain, sho' ri byid: to" bye.

2PETRU 1:8

He gu: gi nanu" moo aboo age da" yoem: so' joem nghoid. He: gu: gi nanu" moo athang agoin dabo jo, nghoid rigi ngoonu" da" Aseing Yesu Khristu ri nanu" se' lo ziyo' kangso' dei da" khyoo: moo zhang" zhang" yang yang nghoid wigi akyu" bo thu' loo nhang: wa zi nghoid.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men

1YOHAN 1:3

Ngoonu" gi nya: phoo Mangsoo yo' we' nya: zoo: Yesu Khristu yo' we' zoem" khau: nyid boem zi nghoid boem zi nghoid wigi nanu" we' ngoonu" yo' dage" shau" zoem" khau: nyid boem goo" baja" ein:- ngoonu" myang yu" gyo: yu" bye: da" khyoo: nanu" ri tid fu" kyo" zi nghoid.

1YOHAN 2:19

He: da" byu yi gi khanham we' ngoonu" yo' zoem" khoug: wa zi ci: asen: mo, nghoid nyid boem yoomo ngoonu" jang" mo nyangnu" thu' lo" byug ago- ngoonu" yo' zoem" khoug: wa zi sen: mo, nghoid boem rikoem gi nyangnu" gi ngoonu" yo' dage" nyid nyid boem wa zi nghoid. Nghoid we' nyangnu" dangain" mo, gi ngoonu" yo' gyeing" nyang: asen: da" khyoo: bang bang myang thu' loo baja" ga: nyangnu" thu' lo" byug boem bye.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.