PHILIPI 3:5 - Lacid Common Language Bible

⁵ Ngoo gi apyaid' ngi shi" da" ayo, mo nyang:- athang: yham" ci: bye- Israela byumyu" Ben-yamin akung: ako'' yo' Hebre byumyu" yi mo we' Hebre suid" agyeing" nyang: nghoid nyid Yuda yi da" toung; to" tarha" ri cang pyeing shang ga: rigi ngoo Pharishe" nyang: nghoid bye.

PHILIPI 3:5 Iomraidhean Croise

APOEM AYANG: 14:13

Nghoid loug we' byu dayug phang: byoin lo lho: hau: khyoo: dangain" Hebre byu Abram ri lo" tid kyo". Abram gi Amori byu Mamre seing: da" gyeung" shang: seiggam joem nam moo nyid nyid. Manre yo' nya: mang: tang: Eshkhola tang: Anera bang: gi Abram da" yoem: shoin" phung: bang: nghoid boem.

APOEM AYANG: 40:15

Khasu" wim gari ngoo gi Hebre moug: mo atarha" khyo" re" oung" zoo: shoug" lho: Egutu moo re" ju" thang: ri we' ngoo gi thung: lung" moin: da" ci: yooboo we' ashoid zi za: thung: lung" nyid su: nghoid» ga: tid kyo".

APOEM AYANG: 41:12

Zung" lhoug zoug: pho da" join dayug nghoid da" Hebre zooyam zoo: dayug gi nga" tang: yo' dage" thung: lung" nyid. Nga" tang: da" yhoebmo, nyang: ri tid kyo" wigi nyang: gi nga" tang: da" yhoebmo, ri phuid: kyo" da:.

YONA 1:9

Yona gi «Ngoo gi Hebre" byumyu" nghoid. Ngoo gi mougkhung: myidjang yo' panglai: ri phain" so: su: moug: di tho' mo Aseing Mangsoo ri no' ku" su: nghoid.

LUKA 1:59

Hau: thang: ri shed' nyid" ein: da" bidnyid moo nyangnu" gi yuggi zoo: yi da" a thang: yham" kho: da" pui" khyoo: re" ago". Nyang: ri Zakhari ga: nya: pho da" myeing nyang: myheing nau ago".

LUKA 2:21

Zoonu" gi shed' nyid" ju" bye: yoomo a thang: yham" da" khyoo: kham: yu wa shid' re" ayo, ju" lang" Nyang: ri Yesu ga: myeing myheing byid: ago". He: da" myeing gi zoonu" gung lhang" alei loo shi" ri Mouglagyoo: myheing nhang: da" myeing nghoid bye.

LUKA 5:38

zabyid yhid aseig gi shooyid thug aseig moo dakaid ja: nghoid.

ACTS 22:3

Ngoo gi Kiliki mung" Tarshu voogung moo khu: lo da" - Yuda byu dayug nghoid. Nghoid loug we' he: da" Yerusalem voomoo" mo Gamale da" jung nu" dayug khyo" nyid gyi: loo su: nghoid- nanu" da" phoug" phyid" yi da" tarha" khoug: moo thain: khyo" jhoug" byid: ziri we' - ngoo kham: yu lo yu" bye. Akhid" nyid" hid: moo nyid boem da" nanu" dangain" mo, yo' dakhyoo" ti" ngoo we' Mangso shid' moo kang: lung bu lo yu" su: nghoid bye.

ACTS 23:6

Polu gi Tarha" yab, do' moo boo bang: dayham" gi Pharishe" nghoid wigi dayham" gi Saduke nghoid ziri myang lang" Polu tid zi gi mang: nhung" Israela byumyu" yi we"- ngoo gi Pharishe" dayug nghoid wigi pharishe" dayoug nya: zoo: we' nghoid. Shid: jang" mo doem dei to'' loo wa ziri ngoo myed byu lang" nyid khyoo: athang shi" wigi ngoo gi he: khyi, moo myed: ca: yu" ziri shau" nyid zi nghoid-ga: tarha" yab, do, moo nyho: tid nyid.

ACTS 6:1

Hau: thang: atoung" myang" ri cangzoo: yi: gi myo: loung: lo nyid wigi Grid" myeing" kaid da" Yuda byu yi yo' Yuda myeing" kaid' da" Yuda yi da" agyoo: moo myeing" myoo: goo" wa khyoo: thu' lo da. Khasu" wim gari Grid", myeing" kaid da" Yuda yi gi nyid" khang" moo" nyangnu" da" coung" moo" myhi, yi ri gam, byid: da" zookhoo: ngei ri ngab, sho' - agam byid: boem ga: tid nyid ago".

Roma 11:1

Hougsu" nghoid yoomo - ngoo gi myid kaid' bye. Mangsoo: gi nya: da byumyu" ri she: lhei" pyam' bye: la". Gyeing" nyang: ashe: pyam. Ngoo nya: gung du: nyang: lang" Israela byumyu" dayug nghoid nyid. Ngoo gi Abraham mo ko' gyoo" loo su Benyamin kung: moo boo su" dayug nghoid.

2~KORINTHU 11:22

Nyangnu" gi Hebre byu yi nghoid boem lha". ngoo we' nghoid. Nyangnu" gi Abraham da" akung: ako'' bang: nghoid la". ngoo we' nghoid nyid.

1 SAMUELA 4:6

Philisti byumyu" gi hau: nyhoo: thui: ri shoug" gyoo: lang" «Hebre theing: jang: moo nyho: nyid da" thui: dangain" ziri tam" gyo: yu" ge'. hau: zigi ce: noem dang: kang: nghoid lha"» ga: tid nyid ago". Hebre theing: jang: moo hau: Aseing da" Dang: Theing Kuid: ju" jo, ziri nyangnu" myang lang"