PHILIPI 3:3 - Lacid Common Language Bible

³ Athang: yham" da" khyoo: agyeing" ri kham: yu mo, gi nyang: nu" anghoid- nyhang: nu" she' danghoid nyid boem- khasu" wim gari nyhang" gi Mangsoo ri nya: venyi yo' noku coung" nghei wigi Khristu Yesu moo dayug za: yo" bue" da" kangso' dei khyoo: moo gau yi phau: khuang mo, nghoid boem- ngoonu" gi noku thung" mo nghe: shoid' khyo" alhoo: aved, ri aloem" jeing".

PHILIPI 3:3 Iomraidhean Croise

COUNG" NGHEI 105:3

Ngoonu" ri nyang: seung: ci: yoomo gau yi nyid ge'- nyang: ri nau loem khoug: bang- ngei pyo gau yi nyid goo" baja".

ESAIA 45:25

Ngoo Aseing ri Yaku da" amyed ashen yi dangain" ri khyoid yu wa wigi nyangnu" ngoo ri coung" nghei byid: loo goo" wa.

YEREMIA 4:4

Yuda yo' Yerusalem mo byu yi we"- nanu" da" Aseing ngoo yo' dang: theing to" ziri zoem: ci: ge'. houg: lho: nanu" nya: gung ngoo ri shugbyid: we'. Hougsu" akoid boem lang" nanu" koid da" akhyeing" ashoeb da" moo" joem yoomo nga" da" nheig yo: zigi myi: yhang: ti" nge" loo wa. Hougsu" nge" dab lo wigi hau: ziri hang" wigi we' ayo" said pyam goo" wa» ga: tid da:.

MALAKHI 1:11

Bid thu shoid mo zi bidvang shoid khyoo: ju" loo" sho' moo nyid da" nga" mung" byu ja: khang" moo" gi ngoo ri phoug" tab ngi: shab byid: lo boem wa joyoo khyi' khang" moo" moo nyangnu" gi ngoo ri nam pyo: da" shoem: nghe' ngei" byid: boem wigi nyangnu" xoin" joem dangain" ngoo ri phoug" tab ngi: shab byid: lo boem wa zi nghoid.

Roma 1:9

Nya: zoo: da" khyoo: ngei bu lu dang: gi ri tid fu" lo" khyo" wigi - ngoo gi Mangso: moozoo" voin vu nyid. Ngoo gi akyu" mho' khang" moo" moo nanu" ri ajang" myed boin nyid da" khyoo: ri Mangsoo: nyang si gu nghoid bye.

Roma 15:17

Houg: yoomo ngoo gi Khristu Yesu yo" dadeing: daloem: za: nyid lho: - Mangso: da" moo" ri yo" voin nyid yoomo ngoo yo" nghoid boin: nyid bye.

Roma 7:6

Moshe da" tarha" gi ngoonu" ri tei" to" yu" bye. Nghoidloug we' akhid" ngoonu" gi hau: da" tarha" khoug: mo loid lo" boem bye. Akhid" uri ngoonu" gi lhid" to" da tarha" khyooxoug" khyo" anghoid looza: venyi: khyoo khyo" Mangso: moo" voin vu, nyid boem bye.

Roma 8:15

Mangso: jang" mo nanu" yo" kham yu da" young" gyeing" da" venyi nanu" ri join, doid loo" nhang: zi anghoid. Gyoug da" nheigloem: ri kaid' bye: zi we' anghoid. Young" gyeing" venyi gi ngoonu" ri Mangso: da nya: zoo: yi yo" bui" nhang: yoomo ngoonu" gi Mangsoo: ri - Phoo we" - nga" phoo we" ein: yo" yoid da" akhang" yo" yu boem bye.

Roma 8:39

Moug: khung: tho' mo zi nghoid loug myid thi" khoug: mo, zi nghoid loug we' - ngoonu" da" Aseing Yesu' Khristu khyo" wigi Mangsoo: toin" shid' da" jheddab jang" mo - ngoonu" ri yo" kang" pyam' zi anghoid.

Roma 9:6

Mangso: da" dang: theing khoin" gi - abui" loo wa ein: ngoo atid' noug. Khasu" wim ga: ri Israela byumyu" dangain" gi Mangsoo: khyen: yu to" da" byu yi anghoid.

2~KORINTHU 11:18

Nghoid loug we' byu myoo" sho' bang: gi byu yi koid da" khyoo: moo phau: khuang myonhoo: shoo: yoomo-ngoo we' khuang wa nghoid.

GALATI 5:25

Ngoonu" gi venyi moo kangso dei nyid boem nghoid rigi hau" venyi wigi shu" vhu" she: khyoo: shed ziyo' dakhyoo" ti"- cang so" nyid boem shang.

GALATI 6:16

He: da" avoid asam" akhyoo" again da" tarha" ri nyang: nya: da" kangso' dei khyoo: dangain" jang" moo cang yhe: loo" bang: da" atho' moo we' Mangsoo byumyu" yi da" atho' moo we' ngei bu ziyo' nheig khyeig sho" myen: da" khyoo: gi dajo, jo, baja" o".

Ephesu 6:18

Mangso jang" mo pang" thoug khyoo: yo" yu baja"- goeb khyo' akyu" mho' ziyo' he: khyoo: dangain" gu: ri zei: so' nyid ge'- gyeungshang: da" venyi vhu" she: ziyo' dakhyoo" ti"- ayo, khang" moo" moo akyu" mho' nyid ge'- he: gang mo nheigloem: soozoo: lheung: nyid ziyo' khanham we' asoem" akham' goo" Mangso byu yi shid re" khanham we' akyu" mho' nyid ge'.

TARHA" TID POIN" 10:16

Houg: yoomo akhid" mo gi Aseing ri tam" gyo: cang yhe: wigi nheigloem: gyi: khyoo: ri theing: pyam ge'.

TARHA" TID POIN" 30:6

Nanu" Aseing Mangsoo gi nanu" yo' nanu" amyed ashen yiri se' tam" gyo: da" nheigloem: kaid byid: wa. Houg: lang" nanu" gi nanu" nheigloem: dangain" ziyo' nyang: ri jheddab lho: hau: mung" moo yo" xo' nyid loo wa.

PHILIPI 1:1

Khristu da" join, yi nghoid da" Polu yo' Timothi gi Philipi voo moo nyid nyid da" phung vhoeb, phung tau bi: yo' dage" Khristu Yesu moo daloem: za: nghoid da" Mangso gyeungshang: byumyu" yi bain' sho' bang: jang khyoo: mougsoug" lhid" kaid.

PHILIPI 3:12

Ngoo gi akhid" lang" he: da" khyoo: moo oung: doid' bye: ein: we' joeb, byeung" bye" ein: we' atid noug- Khristu nyang: ngoori nya: da" byu bue" loo nhang: bye: yoomo ngoo we' jhung: shug ri yo" yu sho' yoem" kaid' lho: gei loo" bye- ngoo gi hau: jhung: shug ri yo" yu sho' we' shid moo jo, da" zi joem ri myhi: sho' we' nga" thang: mo khyoo: dangain" ri to" myhed' pyam.

PHILIPI 3:14

Hougsu" nghoid yoomo ngoo gi hau" jhung: shug ri yo" yu wa shid re" bain: zeing ju" sho' dain" dain: yoem: kaid' gei yhe: lo- hau: jhung shug gi moug: khung: moo kangso' yo" dei nyid sho' Khristu Yesu khyo" wigi Mangsoo khe: yu da" khyoo: nghoid nyid.

KOLOSE 2:11

Nanu" gi hau: Aseing: yo' dadeing: daloem za: bue" lho: wigi kangso' dei da" uri athang: yham" khyoo: ri kham: yu bye: nghoid nyid hau: zigi byu yi da" lo, wigi koid zi anghoid loo za: he: yooboo dab, da" gung sho" yoem: so' mo lhoid pyoin, kaid' ein: da" Khristu wigi ze" bui" byid: da" athang: yham" khyoo: nghoid.

YUDA 1:20

Nghoid loug we' bidnoem yi we"- nanu" gi nanu" nya: da" gye" yung" lho' gyeungshang: da" loem" jeung" khyoo; moo ayang: zug jo, lho: nanu" da" kangso' dei khyoo; ri gyi: sheung: loo nhang: ge'. Gyeungshang: da" venyi yoem: vhoo: ri nghe: khau: lho: akyu"- mho' nyid ge'.