PHILIPI 3:15 - Lacid Common Language Bible

¹⁵ Venyi khyoo: moo nheig bo lho: myheung yang" bye: da" ngoonu" gi he: da" myid nyid azoo" yo' dakhyoo" ti"- myid nyid ca" boem bye- nghoid loug we' nanu" dayham" moo adu go" khyoo: ri myid nyid mo, to boo shi" nghoid loug we' Mangsoo gi hau" khyoo: ri we' myang se' loo nhang: shi" wa zi nghoid.

PHILIPI 3:15 Iomraidhean Croise

ESAIA 35:8

Hougmo «Gyeung" shang: da" khyoo:» ga: myheing da" fu" moo" khyoo: dakhaid jo, wa. Hau: khyoomoo" moo yooboo yoo" bang: dayug we' khanham we' gyung: yo" soo" wa zi anghoid. Hang" koo" su: we' hau khyoomoo" ri cang da" bang: ri khyoo: vhang: ashu" vhang: wa.

MATHE 5:48

Houg: su" wigi Mougkhung: tho' moo nanu" da" nya: phoo gi joeb byeung" nyid ziyo' dakhyoo" ti"- nanu" we' joeb byeung" nyid ge'.

LUKA 11:13

Nanu" akhyeing" mo lang" nya: zoo: yi ri ge zi se' byid: rigi Mougkhung: Aseing:- Nanu" da" nya: phoo gi mho' mo, ri gyeungshang: Venyi: je wigi byid: wa anghoid goo" la"» ga: tid.

YOHAN 6:45

Lapi: yi da" jhoem: dang: moo Houg: bang: dangain" gi Mangso da" jhoug" myeing" jhoug" thui: ri kham: yu boem wa ga: bo. Houg: su" nghoid yoomo Phoo Mangso da" jhoug" myeing" ri shau" gyo: lho: phoo jang" mo, thung" lid kham: yu mo, dangain" gi nga" jang" moo jure" boem bye.

YOHAN 7:17

Hau: Mangsoo: vho: da" khyoo: moo cang loo" noug: su: gi Ngoo kho" kyo" da" tarha" gi Mangso da" tarha" nghoid la". Ngoo nya: vho: da" nga" tarha" nghoid la"» ga: zigi se' soin: myed yu" boem wa.

Roma 15:1

Apyaid' ato: da" Mangsoo: ri leom jeung" khyoo: nheigloem: geing: teing yoem: boomo ngoonu" gi -loem" jeung" nheigloem: yoem nu: mo ri - loem" jeung" khyoo: abyo, loo" wa shid' re" bo pang" thoug ge'. Ngoonu" gi ngoonu" nya: myid pyo: khyoo: ri za: akoid' goo.

1Korinthians 14:20

Mang: nhung" yi we"- myid soin: yu" ca" da" khyoo: moo: zooshang ti" akoid nyid goo" akhyeing" ashoeb khyoo: moo gi zooshang: ti" bui" nyid ge'. Myid soin: yu" khyoo: moo: gi nheig boo ludaid' bue" nyid loo: ge'.

1Korinthians 2:6

Nghoid loug we' ngoo gi Venyi: moo: nheig boo ung: gyeing: bye: bang: rigi- phajhi" mungdang: yo' tid kyo". Nghoid loug we' hau: zigi: he: moug: myid yo' sen: da" phajhi" anghoid. Moug: myid tho' mo zau: ludaid' yi da" lasi, laleig gi bei: lo" koung" nyid bye.

GALATI 5:10

Nghoid loug we' ngoo gi akhid" ju" sho' nanu" ri khanham we' damyid loem nyid ngoo yo' nanu" gi hau: Aseing: moo daloem: za: nghoid nyid yoomo nanu" gi ngoo myid khyoo: yo' adu goo" lho: gi akham: yu goo" wa ein: ngoo myid loem, nyid nanu" da" nheigloem: ri ze" shoin, ze" phyo' mo, hang" ri nghoid loug we' Mangso wigi shen" yhen loo wa.

Ephesu 1:17

Nanu" Mangsoo ri je" se' loo goo" baja"- nanu" ri phajhi" boo nhang: lho: Mangsoo khyo" yo" pang shug da" Venyi nanu" ri byid: wa shid re" phung" yoeb, bo da" phoo- nanu" da" Aseing Yesu Khristu da" Mangsoo moo ngoo mho' nyid.

KOLOSE 1:28

Hougsu" nghoid yoomo ngoonu" gi byu yug khang" moo" ri Khristu da" khyoo: ri kho" kyo" boem bye- byu yug khang" moo" ri Khristu moo nheig bo myheung yang" da" Khristain byu yug khang" moo" bue" lo wigi Mangso shid moo yo" vang lo" boem baja"- ngoonu" gi phajhi" byen-ya boo moo boo yo' nyangnu" ri zed" lhid' nhang: khyoo: jhau mhoo, byid: nyid boem.

KOLOSE 4:12

Nanu" jang" mo nghoid da" Khristu da" join, phoo'-Epaphra gi nanu" ri vhu" kaid' da-nanu" gi loem" jeung da" khyoo: moo geung: teung jo, wa ziyo' nheig boo ung: gyeung: ziyo' jhug zug da" Khristain yi bue" loo sho' Mangsoo vho: ngei khyoo: ri khyag cang: lho: nyang: gi nanu" da" shid re" gye" loem" jeung" myid' yo' akyu" mho' nyid.

1THESALONI 4:9

Nanu" da" loem" jeung" mang nhung" phoo ri jheddab wa da" khyoo: yo' sen: lho: wigi ngoo nanu" jhang khyoo: lhid" kaid' anoo" loo- nyang: cang" nyang: jheddab go" nyid wa shid re" Mangso wigi jhau" mhoo, byid: nyid ziri nanu' shau" kham: yu boem bye.

2 TIMOTHI 3:17

Houg: yoomo Mangso da" moo" ri voin, vu, su: gi ge da" moozoo" ja" khang" moo" ri zei: wa shid re" yoem: so' byeung" sho' kaid' ci: lo" jang" moo Khin' azi akhoo: joeb, loo wa zi nghoid bye.

HEBRE 5:14

Thain: da" zoo: noem, koem gi ludaid' yi shid' re" nghoid nyid wigi nyangnu" gi cang zei: jhau" lo" khyo" ge: ziyo' age zi ri se' soin: se' kho' mo, nghoid nyid boem. .

1YOHAN 2:5

Hang" nghoid loug we' nya: amyeing" dang: ri tam" gyo: lho: cang lo nghoid rigi gyeing" nyang: nya: Mangsoo ri jheddab zi nyang: moo joeb, byeung" su: nghoid bye- He: khyoo: gi ngoonu" Mangsoo yo' kha: khyo" wigi dadeing: daloem: za: bue" loo bye: khyoo: ri khyag nyang: si' nhang: da" khyoo: nghoid bye.