PHILIPI 3:1 - Lacid Common Language Bible

¹ Mang nhung" yi we" lo" thang khyo" tid shang ein: rigi hau: Aseing: moo dayug za: yo" bue" yoomo gau yi nyid ge'- shid phyang" nanu" jhang khyoo: ngoo lhid" kaid' yu" bye: da" khyoo: ri doem poug lhid" wa shid mo ngoo moo yoovoin alid" nyid loo: za: nanu" shid re" je wigi gau: nyu: khyoo: ri yo" yu nyid.

PHILIPI 3:1 Iomraidhean Croise

1 KHOKHAM MHOOMYID: 15:28

Dang: Theing Kuid: ri Yerusalem khyoo: vu, loo" bang: moo: bo cang boem da" Israela byu yi dangain" gi laboo" moid- nu khyau: moid- jhabceing baid- teing baid wigi gau yi ngei pyoo: tung" hau' yhe: lo" boem ago".

1 KHOKHAM MHOOMYID: 16:10

Ngoonu" ri nyang: seung: ci: yoomo gau yi nyid ge'- nyang: ri nau loem khoug: bang- ngei pyo: gau yi nyid goo" baja".

1 KHOKHAM MHOOMYID: 29:22

Hougsu" yoomo nyangnu" gi hau: bidnyid moo: Aseing shidkhoin" moo zoo: gi shug gi gye" ngei pyo: boem ago". Nyangnu" gi eig lheing: ein: lheing: Sholumon khokham ga: tid fu" ago". Nyangnu" gi Aseing myeing khyo" nyang: ri nyangnu" da" vhoebkhang" su: khyo" xu: joid byid: lho: Zadog ri we' khainjung khyo" xu: joid byid: boem.

NEHEMIA 8:10

Akhid" yhoem: khyoo: lo" wigi zoo: shug pui" lo" koid ge'. Atham: zoo: shug bang: ri nanu" da" zoo: noem yo' zabyid yhid: ri kaid byid: ge'. Akhid" nyid" gi ngoonu" da" Aseing shid re" gyeung" shang: da" bidnyid nghoid. Houg: lho: akug goo". Ngoonu" ri Aseing byid: da" ngei pyo: khyoo: gi nanu" ri yoem: boo nhang: ri" wa» ga: tid ago".

YOBA 22:26

Houg: lang" nang gi khanham we' Mangsoo ri loem khau: nghe: nyid wigi Nyang: gi re" da" ngei pyo: khyoo: apoem: ayang: nghoid zigi nang shau" myang loo wa.

COUNG" NGHEI 149:2

Israela byumyu" yi we"- nanu" ri phain" so: to" da" Aseing yoomo gau, yi nyid we'. Ziun da" byumyu" yi we"- nanu" da" khokham phoo yoomo gau, yi phau: khuang: nyid we'.

COUNG" NGHEI 32:11

Deing: byeung" mo, we' Aseing koid bye: da" moo" zoo" yoomo goug ge'- ngei pyoo: ge'- nya: dang: ri tam" gyo: nyid mo, we' gau, yi ziyo' yoid phau: nyid we'.

COUNG" NGHEI 33:1

Deung byeung" bang: dangain" mo, we' Aseing koid bye: da" moo" zo" shid re" ngei pyo: ziyo' yoid phau: nyid we'. Nya: dang: tam" gyoo: bang: dangain" mo, we' nyang: ri coung" nghei we'.

COUNG" NGHEI 37:4

Hau: Aseing moo: re" da" gau yi khyoo: sho: nyid we' Nyang: gi nang myid vho: khyoo: byid: wa zi nghoid.

COUNG" NGHEI 42:4

Lai loo" bye: da" khyoo: joem ri ngoo myid yu" kaid uri nga" nheigloem: moo: atho' tid kougshu: nyid. Mangso yhoem: khyoo: byu phung: yi yo' dage" ngoo do, lo" uri gau yi da" byuphung: gi Mangsoo ri jikhoin" coung" nghei thui: yo' gau yi nyho: nyid boem wigi nyangnu" ri shu" do, lo" yu bye:.

COUNG" NGHEI 5:11

Nghoid loug we' nang mo goem loem khyoo: shoug" shoo: mo, gi ngei pyo: gau yi boem wa zi za nghoid. Nyangnu" gi khanham we' jikhoin" yo' coung" nghei nyid boem wa zi nghoid. Nang ri jheddab mo, ri goem loem byid: nyid we'. Nang yoomo nyangnu" gi gye" gau yi nyid boem.

COUNG" NGHEI 97:1

Hau: Aseing gi khokham nghoid- mougmyid yoosoo" we' gau yi nyid we' Panglai: joem mo gugyoo: kang: joem we"- nanu" we' gau yi ngeibu: nyid loo we'.

ESAIA 41:16

Nang gi nyangnu" ri moug: tho' khyoo: jhu" to' kaid wa. lid gi houg: bang: ri moid tang" lo" byug wa. Nyangnu" gi uglid wigi hau' tang" pyam zi shoug" wa. Hau: thang: nanu" ngei pyo: loo wa. Ciwim gari ngoo gi nanu" Mangsoo nghoid. Nanu" gi Israela da" gyeung" shang: da" ngoo Mangsoo ri coung" nghei loo goo" wa.

ESAIA 61:10

Aseing koid bye: da" lo, moo" yoomo Yerusalem ngei pyo: da:. Nyang: gi nya: lo, xo' pui" shid re" soin' shoung: void ci: da" myhi' seig yo' du loo wa. Mangsoo gi nyang: ri khyoid yu ziyo' oung: doid zi wigi foid too" abye:.

ESAIA 65:14

Nyangnu" gi nyid pyo: wigi jikhoin" khoin" loo goo" wa. Nghoid loug we' nanu" gi nheigloem: thang wigi ngau loo goo" wa.

YOELA 2:23

Ziun mung" byu yi we"- gau yi nyid loo: ge'. Nanu" shid re" nanu" da" Mangsoo koid byid: bye: da" khyoo: yoomo ngei bu nyid ge'. Nyang: gi nanu" ri lid jhen" moug: myoo" sho' voo byid: da:- nyang: gi shid phyang" yo' dakhyoo" ti"- xung" moug: yo' zain vang khoem" mo moug: ri voo byid: nyid.

ZEPHANI 3:14

Israela byumyu" yi gau yi wa shid re" coung" thui: yo' fu" nyho: nyid ge". Yerusalem we' re" da" nheigloem: dangain" yo' ngei bu: gau yi nyid we'.

ZEPHANI 3:17

Re" da" Aseing Mangsoo gi nang yo' dage' nyid nyid bye:. Nya: yoem: so' gi nang ri oung: doid loo" nhang: wa nghoid. Aseing we" nang moo nheugshid: nheugdeug nhang: ziyo' nya: jheddab da" nheigloem: khyo" nang ri kangso' aseig byid: wa Byumyu" yigi pui" zeing moo ngei bu: nyid boem yhang: ti" nyang: gi re" tho' moo ngei bu: jikhoin" khoin" loo wa nghoid. Aseing tid nyid zigi byuxuid" vooyoem: khyoo: gi thang lo" lho: re" da" sho' phu" khyoo: ri shang: pyam byid: bye:.

ZEKHARIA 10:7

Israela byumyu" yigi gyizoo: yi yhang: ti" yoem: bo loo wa zi nghoid. Nyangnu" gi zabyid yhid: shug su: yhang: ti" gau yi goo" wa zi nghoid. Nyangnu" nya: myid: nya: zoo: yigi he: oung: doid lo" khyoo: ri myid boin: wigi Aseing zei: loo bye: moo" zoo" yoomo nyangnu" gau yi nyid boem wa zi nghoid.

MATHE 5:12

Gauyi zoore" pyoo" pyoo: danyid ge'. Khasu" wim gari mougkhung: tho' moo nanu" da" vhu" kung: phoug" gi gye" myo: jo, bye.

LUKA 1:47

Khyoid yu Aseing: Mangsoo koid: to" moozoo" yoomo nga" Venyi: gi gau yi ngei pyo: nyid.

Roma 5:11

Hid: kyeing" za anghoid - Mangsoo: gi ngoonu" Aseing Yesu Khristu khyo" wigi Mangso: da" bidnoem bue" nhang: bye yoomo gau yi cang bo boem bye.

2~KORINTHU 13:11

Nga mang nhung" yi we"- akhid" ngoonu" vhu" kaid boem. Nanu" dangain" bang: ngei pyo: nyid goo" baja" o". Joeb joeb byeung" byeng" yo" bue" nyid sho' xo' lho: yoem: kaid thoug shang nyid ge". Nga" mho' nyhoem: dang: ri tam" gyo: wigi nanu" nyang: cang" ving" go" lho: ngei pyo: myen jham nyid ge'. Jheddab e" myed bo ziyo' ngei pyoo: nhang: da" Mangsoo gi nanu" yo' dage" danyid nyid baja" o".

Ephesu 6:10

Lo" thang jang" moo hau: Aseing: yo' dagung za: bue" khyo" wigi we' nya: da" myonhoo: phung" yoeb, yoem: vhoo" khyo" we' nanu" da" yoem: zeing so' zeing ri loung: yu nyid ge'.

TARHA" TID POIN" 12:18

Nanu" yo' nanu" nya: zoo: yi nanu" dei zoo: yi yo' nanu" voogung joem moo nyid boem da" Levi byu yigi dage" za: nanu" Mangso wigi khyen: to" da" noku joyoo nanu" Aseing Mangso da" shidkhoin" moo za: hau: xoin" joem ri zoo: wa nghoid ago". Nanu" gi hau: joyoo moo nanu" koid bye: da" lo, moo" ja: khang" moo" adang moo ngei bu: goo" wa zi nghoid.

TARHA" TID POIN" 16:11

Aseing da" shidkhoin" moo nanu" zooshang: yi dei zoo: yi yo' nanu" voo joem moo nyid da" Levi byu yi tungbau byu yi coug" zoo: cougmoo" yi yo' dage" ngei ngei pyoo: pyoo: nyid boem ge'. He: ziri noku joyoo daloem: moo kyeing" koid ge'.

PHILIPI 3:3

Athang: yham" da" khyoo: agyeing" ri kham: yu mo, gi nyang: nu" anghoid- nyhang: nu" she' danghoid nyid boem- khasu" wim gari nyhang" gi Mangsoo ri nya: venyi yo' noku coung" nghei wigi Khristu Yesu moo dayug za: yo" bue" da" kangso' dei khyoo: moo gau yi phau: khuang mo, nghoid boem- ngoonu" gi noku thung" mo nghe: shoid' khyo" alhoo: aved, ri aloem" jeing".

PHILIPI 4:4

Hau" Aseing: yo' deung: shoin" da" khyoo: moo nanu" khanham we' gau yi ngei pyo: nyid goo" baja"- ngoo deom tid ba- gau yi ngei pyo: nyid goo" baja".

PHILIPI 4:8

Mang nhung" yi we"- ce: da" ge, lho, deingmain" khyoo: young" du khyoo: deing byeung" khyoo: gyeungshang: khyoo: vho: ngei khyoo: coung" ngei byid: ge" da" khyoo:- ngi lho, khyoo: yo' coung" nghei moin: da" khyoo: joem ri damyid' yu" nyid ge'.

1THESALONI 4:1

Lo" thang jang" moo gi-mang nhung yi we"- mangsoo vho: ngei wa shid re" nanu" gi kha: khyo" kangso' dei nyid ca" da" khyoo: ngoonu" jang" mo nanu" jhau" yu abye: go- nanu" gi hau: khyoo: khyo" nyang: kangso dei nyid boem bye- hau: tho' moo je" yo" zei: soo, wa shid re" Yesu Khristu da" myeing khyang" khoug: moo nau" ri ngoonu" mho' tung" pain: joug jhoin" kaid' boem.

1THESALONI 5:16

Kha: nham, we' dagau yi nyid ge'.

YAKU 1:2

Nga" mang: nga" nhung" yi we"- ca: jhu, phyo' da" khyoo: aja: ja: thoung" shau" nyid da" uri gau, yi cang boo bye" ein: myed nyid loo: ge'.

1PETERU 3:8

Lo" thang moo tid shed' nau da" khyoo: gi nanu" gi e" myed, nheigloem: daloem: za: dabo nyid ge'- dayug yo' dayug nheig khyeig shoo" myen: go" nyid ge'. dayug yo' dayug gi mang: kang nhung" kang yi yhang: ti" jheddab go" nyid ge'. nheig se' khyeug da" nheigloem: bo nyid ge'. khyo, nyhoem: ziyo' zoem" khau: nyid ge'.

1PETERU 4:13

Mau" nyid wa shid' re" gi Khristu kham: yu bye: da" kyi" khyeug shen" yhen da" khyoo: ri Yesu yo' dage" bo shau" kham' zoo: yoomo gau, yi ngei pyo: nyid ge'- houg: su" nghoid lang" she' Yesu gi myonhoo: yoeb, bang zeing yo' doem ju" gyoo" lo da' bidnyid moo nanu" gye" gau yi zi shau" boem wa nghoid.

2PETRU 3:1

Nga" da" jheddab byen cang" yi we"- he: zigi ngoo nanu" jhang khyoo: eig lheung: ein: lhid" kaid da" moug soug" nghoid. He: da" mougsoug" eig pug moo nanu" da" yung" lho' nheug loem: yo' se' gyoo: wa shid re" vhoo: moo lhid" to" da" khyoo: yi yo' tid poin" tid kyeung" kaid.

1 SAMUELA 2:1

Hana akyu" mho' khyoo: gi «Aseing gi nga" nheigloem: moo gau yi ziyo' pyeing byid: bye:. Nyang: bain koid bye: moo" zoo" yoomo khayhi' pyo: lha". Nga" gyivoo joem shidkhoin" moo ngoo yo" yi bye:. Mangsoo ngoo ri pang" thoug yoomo ngoo khayhi' pyo: lha".