PHILIPI 2:8 - Lacid Common Language Bible

⁸ Hougsu" nya: gung ri khyo, nyhoem: pyam wigi tam" gyo: da" khyoo: moo shid: jang" moo ju" sho'-cang so" loo" bye- gyeing" nyang: pyang" zeing moo shid: jang" moo ju" sho' tam" gyo: nyid.

PHILIPI 2:8 Iomraidhean Croise

COUNG" NGHEI 22:16

Akhyeung" da" byu daphung gi ngoo ri lheung khoem to" boem bye:. Nyangnu" gi zeigni joem yhang: ti" nga" nam, moo: zeung: foem: lo lho: nga" khyid: lo, joem ri ngaid phyed pyam byid: boem bye:.

DANG: ZHOEM 15:33

Aseing ri gyoug phau" khyoo: gi phajhi" nyang: nghoid bye:. Nang coung" nghei ngi: shab khyoo: yo" yu noug su: nghoid rigi nheigloem: khyo' nyhoem: lho: nyid we'.

MATHE 17:2

Nyangnu" da" shid khoin" moo Yesu da" gungdu: gi goo" zang" led loo" khare". Myonhoo: gi bid yhangti" doug bang lho: void to" da" byimi we' doug bang lo.

MATHE 26:39

Hau: thang: ri shed khyoo dajhi' jhen" yhe: lho: myidjang: moo goeb' mhoug to" wigi «O nga" pho Mangsoo we"- ge, bue" nghoid yoo: gi he: kyi" khyeug da" goem ri nga" jang" mo yo" led lo" rigi led' loo" nhang: we' nghoid loug we' ngoo vho: khyo" anghoid. Nang vho: khyo" nghoid baja"» ga: akyu" mho' nyid.

MATHE 26:42

Houg: mo Yesu gi da lheing: doem yhe: lho: «nga" phoo we" he: kyi" khyeug da" goem ri ngoo mo ayo" lhed: kaid lang" gi nang vho: khyo" za: nghoid baja"» ga: akyu" doem mho' nyid.

LUKA 9:29

Nyang: akyu" mho' nyid uri nya: myo nhoo: gi thed' loo khare" wigi nya: byimi joem gi yeing: yeing: lo,- moin: moin: phyu loo" khare".

YOHAN 10:18

Khayug we' nga" kangso' ri ayo" yu pyam byid ngoo nya: myid khyo" ngoo byid: pyam da" khyoo: nghoid. Ngoo gi kangso' ri byid: pyam wa amyeing" yo"- Kangso' doem yo" tau" yu wa amyeing" ngoo ci:- Hid: su" koid; wa shid' re" phoo gi ngoori akhyeing byid: to" amyeing" byid: to" zi nghoid ga: tid.

YOHAN 14:31

Nghoidloug we' ngoo gi phoo rijheddab nyid da" khyoo:- mougmyid gi si' ca" nyid. Ngoo gi phoo ri jheddab yoomo ngoori tid kyo" da" khyoo: dangain" ri ngoo cang pyeing bye. He: joyoo mo to' lho: ngoonu" thu' lo" boem loo: shang ga: tid.

YOHAN 15:10

Ngoo gi nga" pho, amyein g" ri tam gyo: wigi nya jheddab jang moo nyid nyid yhang ti"- nanu nga amyeing" tam gyo rigi nanu" we' nga" jheddab jang" moo nyid nyid.

YOHAN 4:34

Yesu gi ‹‹Nga" da" zoo: noem gi Ngoo ri nhang: kaid' su: vho: khyo" cang pyeing lho: Hau: Aseing: byid: to" da" moozoo" ri bain sho' voin vu, khyoo: gi nga" zoo: noem nghoid bye:» ga: tid.

ACTS 8:33

Nyang: gi nyhoem: khyo, pyam' zi shau" wigi adeung amain" da" dang: phyed' zi shau" nyid. Nya: kangso' ri moug: myed tho' mo yu pyam byid: yoomo nya: myed: yi, zoo: yi da" byuxeig ri hang" ayo" shab, nghoid da- ga: zi nghoid.

Roma 5:19

Byu dayug gi Mangso: da" dang: ri atam" gyo: da" akhyoo" gi byu dangain" mo yooboo yoo" mo bue" lo zi yo" dakhyoo" ti" byu dayug Mangso: da" dang: ri tam" gyo akyu" yoomo byu dangain" mo Mangso: da" shid' khoin" moo- deingbyeing" mo yo" bue" loo wa.

2~KORINTHU 8:9

Nanu" gi ngoonu" Aseing Yesu Khristu ri se' nyid boem ago" Aseing Yesu gi nyang: di su: nghoid loug - nanu" da" shid re" nya gungdu: ri sho" jhen: byu bue" loo" nhang: bye. Nyang: asho" ajhen: koid jang" mo nanu" yo" de, lo boem bye.

GALATI 3:13

Seig zeing moo jen" lhang" too" shau" su: hang" nghoid loug we' Mangsoo da" tarha" dang: phyed' zi shau" su: nghoid nyid, ga: wigi jhoem: mougsoug" moo tid to" ziyo' dakhyoo" ti"- Khristu gi ngoonu" da" shid re" tarha" dang: phyed zi shau" byid: khyo" wigi toung: to" da" tarha" dang: phyed jang" mo ngoonu" ri khyoid khyi: yu bye.

TARHA" TID POIN" 21:23

Houg: moo damyen goin" age jo, wa. Hau: ziri hau: nyid" nyang: myhoeb pyam ca" wa. Ciwim gari manggung dagung zeing moo lhang" to" zigi hau: mougmyid ri Mangsoo nheing" khoin" zang" nhang: da:. Nanu" Aseing Mangsoo wigi nanu" ri byid: wa mung" ri aco' ajhoid abui" nhang: wa shid re" hau: manggung ri myhoeb pyam ge'.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

HEBRE 12:2

Ngoonu" da" loem" jeung" khyoo: ri Apoem: mo aphyoo" thang loo" sho' joeb, byeung" nhang: su:- Yesu Khristu ri yu" zhug too" shang. Aseing: gi nyang: kham: yu wa nghoid da" hau: gau yi, ngei bu: khyoo: yoomo hau: pyang" zeing moo kham, shid: khyoo: ri asho' agyug loo za: kham: yu lho: akhid" Mangso lo, yo shoid mo zhung: tang moo lo" zhoung: jo, bye.

HEBRE 12:4

Nanu" gi yooboo yo' thoung" shau" zain: go" khyoo: moo akhid" nyang: said' pyam wa da" Laki, moo ju" sho' alhoem: theung shang" zain: yu" boem shi.

1PETERU 2:24

Ngoonu" gi youg: noo yooboo ri she: pyam kho lho-deing main" mo, khyo" kangso' yo" dei nyid wa shid re" nyang: gi ngoonu" da" yooboo ri nya: gung du: moo nyang: voin, lho: pyang" zeing tho' khyoo: yhe: loo" bye-

1PETERU 3:18

Khasu" wim gari Khristu gi yooboo yoo" mo, gung thid' -dalheing: dam, bain' sho' shid: kham: pyam bye- nanu" ri Mangso jang" moo shu" ju" loo wa da" shid' re" yooboo yoo" mo, shid' mo byu gi dayug gi shid: bye-nyang: gi moug: myed, gung shoo" ri said' pyam zi shau" bye- nghoid loug we' venyi khyo" doem dei loo nhang: zi shau" bye.