PHILIPI 2:7 - Lacid Common Language Bible

⁷ Hougsu" koid wa gung khoo:- nyang: nya: kang: lung bu, ziyo' dakhyoo" ti"- Nyang: nya: yoo" moo yoo" ri tu: mhoug pyam' kho' lho: join, mhug ri re" zhoung" yu wigi xangsu: byu yo' du sho' bue" thu' loo bye.

PHILIPI 2:7 Iomraidhean Croise

COUNG" NGHEI 22:6

Nghoid loug we' ngoo gi byu dayug a nghoid loo. Tungsang" lugdung: danghoid lo- dangain" mo, gi ngoo ri aphoug" akhyoid she: pyam lho: ngheung" nyid boem bye:.

ESAIA 42:1

Aseing gi «He: zigi nga" dei zoo: nghoid- ngoo yoem: byid: too" su: Ngoo khyen: too" su:- ngoo vho: ngei su: nghoid da:. Ngoo gi: nyang: ri nga" Venyi: yo' pyeing too" byid: bye:. Houg: lho: nyang: gi byumyu" khang" moo" ri tarha" deingbyeing" ziri ci: ri" byid: wa.

ESAIA 49:3

Nyang: gi ngoo ri «Israela we" nang gi nga" dei zoo: nghoid. Re" gang mo byumyu" yigi ngoo ri coung" nghei byid: loo goo" wa» ga: tid da:.

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

DANIELA 9:26

Houg: lho: hau: ayo, thang loo" yo, ri Mangso wigi khyen: to" da" vhu" shi: su: ri atarha" da" khyo" said pyam loo goo" wa. Voomoo" yo' Noku Yhoem: Moo" ri yoem: so' gyi: da" moug: jhen" gyizoug: dayug mo phyo' shoin' pyam loo wa. Lo" thang ayo, gi dagyid je: re" yhang: ti" ju" lo lho: Mangso soin' to" da" meing: zain pui" yo' phyo' shoin' ziri bue" thu ri" nhang: wa.

ZEKHARIA 3:8

Khainjung zeing Yoshua yo' nya: byencang" yi we"- tam" gyoo: ge'. Nanu" gi ju" loo wa da" bidnyid moo ge da" sagse: yi nghoid. Yu" ge'. Akung: ako' ga: myheing to" da" nga" join thu loo wa nghoid.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

MATHE 12:18

«Ngoo khyen: yu da" nga" dei zooshang:- Ngoo vho: ngei da" jheddab su: nghoid. Nga" Venyi: nya: da" tho' moo ngoo kaid byid: to" wigi Tungbau byumyu" ri nya: da" deung main" da" mungdang: ri kho" kyoo" wa zi nghoid.

MATHE 20:28

Khasu" wim gari Byu da" nya: zoo: lang" Su" be" ri deizoo:, zoo: wa ga: ju" re" zi anghoid. Sube" da" dei zoo: koid: wa ziyo'- Byu myoo" sho' ri khyoid yu wa shid re"-nya: kangso' ri byid: pyam wa ga: daju" re"» ga: Yesu tid.

MARKU 9:12

Nyang: doem tid zi gi nyangnu" ri ja: khang" moo" jen" jen" soin' nyheung too" wa shid re" Elia gi gyeung" nyang: xang: shid" ju" ri" wa nghoid. Nghoid loug we' jhoem: mungdang: moo byu nya: zoo: gi khyeug shu: zi myoo" sho' kham zo: lho: ngeug pyam zi toung" shau" wa ga: cikoid tid to lha".

LUKA 22:27

Kha: yug gi je gyi: lha" zoobui" moo zhoung: jo, su: la". anghoid lang" dei zho" nyid su: la". zoobui" moo zhoung: jo, su: gi je gyi: su: anghoid la". Nghoidloug we' ngoo gi nanu" mo dei zho" da" zooshang: yhangti" nghoid nyid.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

Roma 1:3

Hau: ngeibu lu dang: ein: zigi - David akung: mo khu: lo lho: xang: su: byugung re" void da" Mangso nya: zoo: ngoonu" da" Aseing Yesu Khristu da" khyoo: nghoid.

Roma 15:3

Khristu gi nya: da" akyu" ri re" sho: khare" zi anghoid. Aseing: gi nya: akyu" shoo: wa tho' moo jhoem: mungdang: moo- - Aseing: ri subi" juang" yi da' khyoo: gi gyeing" nyang: ngoori juang" yi khyoo: nghoid - ga: wigi tid to" zi yo" dakhyoo" ti" subi" juang" yi da" khyoo: kham zo.

Roma 15:8

Khasu" wim gari Mangsoo: gi dang: theing khoen" zung" su: nghoid yoomo phoug" phyid" yi ri tid to" dang: theing khoin" byeung: loo nhang: wa shid' re" gyoo" lo ein: ngoo tid nau.

Roma 8:3

Byu xangsu: gung sho" nheigloem: yoem: neing: khyoo: yoomo - Moshe da tarha" wi ayo" voin vu da" moo" ri Mangsoo: gi voin vu pang" byid: bye. Mangsoo: gi byu xangsu: gungshoo" zei: shoid' moozoo" khyoo: tid yooboo dang: phyed' wa shid' re" nya: zooti" ri nhang: kaid' bye. Hau: nya: zooti" zoo: gi yoobo tarha" ri phyo' shoin' pyam' wa shid' re" xangsu: byugung re" void yu bye.

2~KORINTHU 13:4

Khasu" wim gari Aseing: gi pyang" zeung moo baid jen" said to" uri yoem: neung: jang" moo ju" nghoid loug we' akhid" gi Mangso yoem: moo" phung" yoeb khoug: moo dei nyid bye Nyang: we" Khristu yo' dayug za: nghoid nyid boem yoomo yoem: neung: nyid boem- nghoid sho. loug we' nanu" moo bo da" yoem: moo" so' zeing yoomo ngoonu" nyang: yo' dage" dei nyid boem wa nghoid.

2~KORINTHU 8:9

Nanu" gi ngoonu" Aseing Yesu Khristu ri se' nyid boem ago" Aseing Yesu gi nyang: di su: nghoid loug - nanu" da" shid re" nya gungdu: ri sho" jhen: byu bue" loo" nhang: bye. Nyang: asho" ajhen: koid jang" mo nanu" yo" de, lo boem bye.

GALATI 4:4

Nghoid loug we' ayo, bidnyid ju" loo lang" Mangsoo gi nya: zoo: ri nyang: nhang: kaid' bye- ngoonu" gi Mangso wigi nya: zoo: yi ga: yhen: yu jeju" yo" kham: yu boem baja" ga-

PHILIPI 2:6

Nyang: gi khanham we' Mangso gung yo' joeb byeung" sho' nyid nyid zi nghoid loug we' Mangsoo yo' dakhyoo" ti" nghoid nyid wa shid re" mi, shi, go" khyo" amyid loo: za.

HEBRE 12:2

Ngoonu" da" loem" jeung" khyoo: ri Apoem: mo aphyoo" thang loo" sho' joeb, byeung" nhang: su:- Yesu Khristu ri yu" zhug too" shang. Aseing: gi nyang: kham: yu wa nghoid da" hau: gau yi, ngei bu: khyoo: yoomo hau: pyang" zeing moo kham, shid: khyoo: ri asho' agyug loo za: kham: yu lho: akhid" Mangso lo, yo shoid mo zhung: tang moo lo" zhoung: jo, bye.

HEBRE 13:3

Nanu" gi thung: moo loung" jo, mo, ri dage" thung: bo lung" mo, yhang: ti" nyangnu" ri daboin: nyid ge'. Nyhang" nyang: kyi" khyeug zi shau" nyid yhang: ti"- kyi" khyeug shau" nyid mo, ri daboin: so" nyid ge'.

HEBRE 4:15

Khasu" wim gari ngoonu" da" khainjung agyi moo" gi ngoonu" ca" nyid da" gung nham, yoem: nu: khyoo: ri nheig ase' khyeig su: anghoid- ngoonu" yhang: ti"- khyoo: khaid khang" moo" moo gung" lau" thoung" shau" yu" nghoid loug we' youg: noo yooboo akoid yu" da" khainjung moo" nghoid.