PHILIPI 2:2 - Lacid Common Language Bible

² Hougsu" nghoid yoomo nanu" gi myid soin: khyoo dakhaid za:- nheigloem: sham: shoin" go" khyoo: dakhaid za: yo' nheigloem: daloem: za: khyo" wigi ngoori joeb byeung" da" gau yi khyoo: yo" yu nhang: goo" la' ein:- ngoo nanu" ri yoem: byid: dang: sang: kaid.

PHILIPI 2:2 Iomraidhean Croise

COUNG" NGHEI 122:8

Nga" bidnoem yi yo' byencang" yi gang mo ngoo Yerusalem ri - ngei pyo: myenjham" khyoo: gi nang yo' dage" jo, baja o" ein: wigi tid bye:.

YOHAN 3:29

Lo, xo myhi, seig ri yo" seing: ci: su: gi loxo' phoo seig nghoid. Phooseig da" byen cang" phoo gi nya: nam, moo yab nyid lho: phoo seig da" thui: ri tam" gyo: nyid su: gi phoo seig da" thui: ri shaug" gyoo: lang" gau yi ngei pyoo: zi nghoid. Ngoo we' houg: su" joeb joeb byeung" byeung" gau yi ngei pyo: nyid bye.

ACTS 1:14

Nyangnu" gi Yesu nya: myhi' Mari yo" we-goo tu: myi: myi: yi yo" we' Yesu da" nya: no, yo" we' atheing: loo: foem: phoung akyu" mho' lho: danyid nyid boem.

ACTS 2:1

Pentikoti bidnyid ju '' loo lang-loem'' jeung" da'' byu yi dangain'' mo joyoo da loem: moo za: zeung: phoung nyid boem ago".

ACTS 2:46

Nyang: nu" gi nyid" khang" moo" noku yhoem: moo" moo zeung: foem: phoung nyid lho: nyangnu" da" yhoem: khoug: mo da" zooyho' ri gau yi ziyo' phe, lho-khyo, nyhoem: da" nheigloem: yo' dage" za: shoin" zoo: shoin" shug nyid boem ago".

ACTS 5:12

Lagyoo: yi da" lo, khyo" wigi mung" byu yi da" mo, phung: moo mau" pho" moozoo" joem ri myoo" sho' zei: shug ago". Loem" jeing" bang: dangain" mo, gi Sholumon mug byam" khoug: moo dage" za: foem: phoung nyid boem ago".

Roma 12:16

Nyang: cang" nyang: myid so" nheig tei" go" nyid ge'. Phoug" ashoid' goo" - azhei: kyeing" moo" ri we' bo pang" zei ge'. Nanya: gung ri phajhi" bo ein: nghoid aboin: nyid goo.

1Korinthians 1:10

Mang nhung yi we"- ngoonu" da" Aseing Yesu Khristu da" amying" akhang" yo' nanu" dangain" bang: ri ngoo mho' sang: kaid. Nanu" moo: emyid, aveing" goo" wigi- byo, sain" lo" zi abue" loo wa shid re nanu" ji, sang: da" khyoo: moo- nyang: cang" nyang: sham" shoin" goo" ge'. Nanu" da" myid soin: lo" khyoo: moo- nheigloem: dadeing: dakhaid za: koid nyid ge'.

2~KORINTHU 13:11

Nga mang nhung" yi we"- akhid" ngoonu" vhu" kaid boem. Nanu" dangain" bang: ngei pyo: nyid goo" baja" o". Joeb joeb byeung" byeng" yo" bue" nyid sho' xo' lho: yoem: kaid thoug shang nyid ge". Nga" mho' nyhoem: dang: ri tam" gyo: wigi nanu" nyang: cang" ving" go" lho: ngei pyo: myen jham nyid ge'. Jheddab e" myed bo ziyo' ngei pyoo: nhang: da" Mangsoo gi nanu" yo' dage" danyid nyid baja" o".

2~KORINTHU 2:3

Ngoo ri gau yi ngei pyoo: nhang: wa da" byu yi yoomo ngoo myid apyo: khyoo: abue" loo baja" - ngoo nanu" jhang khyoo: anau ri loo. houg: yoomo xang: shid" lheung: mo mougsoug" ri nanu" jhang: khyoo: ngoo lhid" kaid zi nghoid. cenoem vim gari Ngoo gau yi ngei pyo: ri nanu" dangain" mo, we' gau yi ngei pyoo: wa ziri ngoo myid loem.

2~KORINTHU 7:7

Titu ju" ri " yoomo za: we' anghoid- nyang: ri nanu" khakhyo" yoem: lhoem: byid: da" khyoo: ri tid khyoo" yoomo we' ngoonu" myid pyo: khyoo: ri yo" kham: yu boem. Hau: tho' moo gootu: nanu" gi ngoo yo' khayhi' myang goo" nau khyoo: khayhi' nheig nge khyoo: ri nanu" khayhi' nheig koug nheig shu: nyid da" khyoo: joem- ngoori zung: lhoug goin coung: wa da" khyoo:- soin too" bye: khyoo: ri tid kyoo" byid: yoomo we' ngoo akhid" je" wigi gau yi ngeipyo: nyid.

PHILIPI 1:4

Ngoo nanu" shid mo, akyu" mho' da" ayo, khang" moo" moo gau yi nheug loem: yo' mho' byid: nyid.

PHILIPI 2:16

Nanu" hougsu" koid nyid boem nghoid rigi ngoo yoem: kaid' lho: voin, vu, khyoo: gi akoem: amyed anghoid loo: yoomo Khristu da" bidnyid moo nanu" yoomo ngoo gi gau yi phau: khuang joyoo nghoid.

PHILIPI 2:20

Timothi nyang: kyeing" za: ngoo yhang: ti"- nanu" da" ge, khyo: shid' re" bo ci' byid: su nghoid.

PHILIPI 4:2

Eodia yo' Suntuki eig yug we"- hau: Aseing: moo abi: anhung" nghoid nyid boem ziyo' dakhyoo" ti"- nheigloem: shikain" shoin" wa shid re" ngoo re" eig yug ri mho' kaid'.

KOLOSE 2:5

Khasu" wim gari ngoo nanu" yo' ngoo nya: gung du: nyang: dage" ashau" nyid nghoid loug we' Venyi khyo" nanu" yo' dage" nyid nyid zi nghoid yoomo nanu" da" geung: teung yoem: kaid' nyid da" nheigloem: yoem: vhoo" yo' Khristu ri loem" jeung" khyoo: moo dage" yab, jo, ziri ngoo yu" gau nyid.

2 THESALONI 2:13

Aseung: da" jheddab mang nhung" yi we"- nanu" yoomo ngoonu" gi Mangso da" jeju" ri khanham we' yo" coung" nghei nyid baja"- Khasu" wim gari mangsoo: gi ngoonu ri gyeungshang: da" byu yi bue" loo nhang: da" venyi yoem: so' khyo" we'-deing main" khyoo: ri loem" jeung da" nanu" laloem lakhoug: we' xang: shed" mo, khyoid yu shau" bang: khyo" wigi nanu' ri khyen: yu bye.

2 TIMOTHI 1:4

Re" da" ngoug byid' joem ri ngoo daboin: nyid wigi ngoo moo hau: gau, yi khyoo: byeung loo baja"- nang yo' shau" goo" wa shid mo, nheig gye" nge nyid.

PHILIMON 1:20

Hougsu" nghoid yoomo nga" mang: nhung" phoo we"- hau: Aseing; da' myonhoo: ri tu: lho: wigi jeju" yo' hid: ngoo mo, tid kaid da" khyoo: ri zei: bui" byid: we' Khristu moo mang: nhung nyang: cang" khyo" wigi nga" nheigloem: e" myed ri shangei shapyoo: byid: we'.

2 Yohan 1:4

Re" zooyi dayham" gi phoo Mangsoo gi ngoonu" ri amyeing" tarha" byid: too" bye: ziyo' dakhyoo" ti"- hau: deing main" da" khyoo: moo kangso' dei cang yhe: lo" boem yoo mo ngoo gyi" sho' gau yi ngei pyo: nyid.

3 Yohan 1:4

Nga" zooyi- hau: deingmain" da" khyoo: moo cang so" lo" nyid ga: da" lu dang: shau" gyo: da" tho' moo gootu: je gau yi jang: gi ajo, loo.