PHILIPI 2:13 - Lacid Common Language Bible

¹³ Khasu" wim ga: ri Mangsoo gi nya: da" myid vho: khyoo: ri nanu" tam" gyo: cang loo" nau, da" myid yo' cang lo" nhang: da" yoem: vhoo" ri nanu" yo" yu goo" baja" ga- Mangsoo gi nanu" moo khanham we' moo" dazei: byid: nyid.

PHILIPI 2:13 Iomraidhean Croise

1 KHOKHAM 8:58

Nyang: ngoonu" da" phoug" phyid" ri byid: to" da" tarha" yo' amyeing" dang: dangain" ri cang nyid wigi nya: dang: ri tam" gyoo: wa khyo" nyhang" ri nyang: koid baja". Houg: lang" nyang: ngoonu" ri kangso' dei nhang: nau: khyo" ngoonu" kangso' yo" dei nyid wa zi nghoid.

2 KHOKHAM MHOOMYID: 30:12

Mangsoo gi Yuda mung" moo we' moo" zei: wigi khokham yo' nya: gyizoug: yi da" amyeing" dang: ri cang wigi nya: myid vho: ziri cang wa shid re" nyangnu" myid phyed jang" moo mung" byu yiri myid shoin" nhang: da:.

EZRA 1:1

Lapi: Yeremia khyo" wigi Aseing nyang: tid da" dang: gi Persi khosen Kuru khokham bue" da" xang: shi" zain ri deung loo bye:. Nyang: gi Kuru da" nheigloem: ri nhoug" byid: wigi nya: mungdain: goin" moo vhoo: mo amyeing" dang: ri lhid" foin: lho: damungdain: goin" shoug" gyoo: sho' nyho: nghab nhang: bye:.

EZRA 1:5

Hougsu" yoomo Mangso wigi nheig gyeing: yung gyeung" nhang: bye: da" Yuda byumyu" yi yo' Benyamin byumyu" yi akung: mo vhujhung: yi khainjung yi yo' Levi yo' dangain" mo, gi Yerusalem mo Aseing yhoem: moo" yhe: koid wa shid re" jen" jen" nghoid nyid boem bye:.

EZRA 7:27

Ezra tid zigi «Yerusalem moo jo, da" Noku Yhoem: Moo" ri koid wa shid re" Aseing gi khokham ri nheigloem: khoem" duang: phang byid: yoomo ngoonu" phoug" phyid" da" Aseing Mangsoo ri coung" nghei o".

NEHEMIA 2:4

Khokham phoo gi «Nang vho: zi ci: nghoid la"» ga: myid: boem. Ngoo gi mougkhung: mo Mangso jhang akyu" mho' lho:

YOBA 33:29

Mangsoo gi he: zi dangain" ri pug gi gi doem koid da:.

COUNG" NGHEI 110:3

Re" da" gyivoo joem ri: nang khaid zain: da" bidnyid moo re" da" byumyu" yigi yhoem: seung: myid khyo" bo vang pang" lo boem wa nghoid. Nab soin no' re khyo' da" nghain: jhu" yhang: ti" re" da" zoolu yigi nang nyid da" gyeung" shang: boem tho' khyoo: ju" lo boem wa zi nghoid.

COUNG" NGHEI 119:36

Yo" loo de, loo wa tho' moo re" da" tarha" joem ri tam" gyo: cang loo" wa shid re" vho: ngei nau da" emyed ngoo ri kaid byid: we'.

COUNG" NGHEI 141:4

Shoid vhang: da" moo" zei: nau nyid jang" mo we' ashoeb mo, nyangnu" da" akhyeung" moo" zoo" moo bo vang zei: nau nyid jang" mo we' ngoo ri ve: gang: loo" nhang: we'. Nyangnu" da" zoo: shug pui" moo: ngoo khanham we' abo vang loem" baja".

DANG: ZHOEM 21:1

Aseing gi gyid lang ri khang" nyid ziyo' dakhyoo" ti" khokham nheigloem: ri we' lei lei, za: khang" byid: nyid.

ESAIA 26:12

Aseing we"- nang gi ngoonu" ri jonu" byid: loo wa. Ngoonu" shoug" yu ja: ja: khang" moo" gi nang koid da" moo" zoo" athang: nghoid da:.

YEREMIA 31:33

Israela byu yi yo' ngoo koid wa da" dang: theing aseig gi hid su" nghoid da:. Nga" tarha" ri nyangnu" khoug: moo kaid byid: wigi hau: ziri nyangnu" nheigloem: khoug: moo lhid" tab too" wa. Ngoo gi nyangnu" Mangsoo bue" wigi nyangnu" gi nga" byumyu" yi bue" loo goo" wa.

YEREMIA 32:38

Houg: lang" nyangnu" gi nga" byumyu" bue" lho: ngoo gi nyangnu" da" Mangsoo nghoid loo wa.

LUKA 12:32

Yang" phung: zoo: we"- agyug goo. Khasu" wim gari nanu" da" nya: phoo gi Mungdain: byid: nau nyid.

LUKA 2:14

Mougkhung: moug: di moo Mangsoo gi myonhoo: phung" yoeb bo nyid baja"- Myidjang: tho' moo we' nyang: vho: ngei da" byu yi moo myen, jham" ngei pyo: khyoo: gi dajo, jo, baja" o"- ga: Mangso da" myeing khyang" ri coung" nghei boem ago".

YOHAN 3:27

Yohan gi ‹‹Mangso: wigi a ab byid: ri byu gi ce" moo" ri we' ayo" kham: yu›› ga: wigi phougtu.

YOHAN 6:45

Lapi: yi da" jhoem: dang: moo Houg: bang: dangain" gi Mangso da" jhoug" myeing" jhoug" thui: ri kham: yu boem wa ga: bo. Houg: su" nghoid yoomo Phoo Mangso da" jhoug" myeing" ri shau" gyo: lho: phoo jang" mo, thung" lid kham: yu mo, dangain" gi nga" jang" moo jure" boem bye.

YOHAN 6:65

Houg: su" nghoid yoomo Yesu gi Nga" jang" moo ayo" juri"- ein: ngoo nanu" ri tid lid: loo bye ga: tid.

ACTS 11:21

Aseing: da" yoem: gi nyangnu" yo' dage" nghoid yoomo byu myoo" sho' mo, loem" jeung" lho: Aseing: jhang khyoo: phug lo ago".

Roma 12:3

Nanu' gi nyang: nyang: te: nghoid da tho' mo jain" lho: nghoid aboin: goo" wa shid' re" - ngoori Mangsoo: byid da" Venyi jhe" ju" jhung: shug ri yu" lho: - nanu" dangain" mo jhang khyoo: ngoo tid pyeing: kyo" kaid'. - Nanu" yug khang" moo" gi nyang: nya: gung doem: ri phung yau shang apyang: wa khyo" myid yu" nyid boem ge'.

Roma 9:11

Houg: yoomo nya: eig yug akhu: loo shi" da" uri - ge da moo" - akhyeing" ashoeb' da moo" ci: akoid' shi" re nyang: -Mangsoo: gi Rebedkha: ri - re" zoo mang: moo" gi nya: nhung" ri shau" zei: zhoo" wa - ga: tid too" bye. Mangsoo: hid: su" ga: tid to" khyoo: gi - Aseing nyang myid to" zi yo" dakhyoo" ti" Mangmoo" ri akhyen: yu looza: nya: nhung" ri khyen: yu da" khyoo: toin" shid' wa shid' re" nghoid.

Roma 9:16

Houg: yoomo Mangsoo da khyen: yu khyoo: gi byu yi vho: da" khyo" anghoid. Byu xangsu: yi yoem yo" kaid' jang" khyo" we' anghoid. Mangso: nheig khyeug jang" mo za: danghoid.

1Korinthians 12:6

Moozoo" jid: zoo" zei: loo" wa da"- yoem: so' myoo" sho' ja: boo nghoid loug we'- dangain" ziri: pang" thoug voinvu, nyid da- gooki" lid' da" moo" zo" shid re" yoem: so' kaid byid: nyid su gi Mangsoo dayug za: danghoid.

1Korinthians 15:10

Hougsu" nghoid loug we'- Mangso jeju" yoomo- ngoo gi he: yam" nghoid nyid. Nyang: ngoori: byid: da" jeju" gi akoem: anghoid loo-gootu: lagyoo: yi tho' moo: ngoo moo" ri je" voin, vu, bye. Hougsu" yo" koid da" khyoo: gi nga" da" yoem: so' khyo" anghoid- ngoo yo' dage" moo" zei: nyid da"- Mangso jeju" yoomo za: date: nghoid.

2~KORINTHU 3:5

Ngoonu" gi he: da" moo" ri yo" zei: ein: yo" tid wa ngoonu" moo ce" yoem: so' we' abo boem› Ngoonu" yo" yu da" yoem: so' gi Mangso jang" mo za: nghoid nyid.

Ephesu 1:11

Jo, moo jo, koem gi Mangso da" myid soin nyheung lo" da" khyoo: yo' myid phyed' to" khyo" bue" loo bye- hau: lho: xang: shid" mo myid soin to" da" khyoo: moo ayang: qei" lho: Khristu moo dadeing: daloem: za: nghoid nyid khyo" wigi nyang: myid soin to" khyo" nyangnu" ri nya: da" byumyu" yi bue" loo wa shid mo khyen: nyheung too" bye.

Ephesu 1:5

Hau: khyoo: gi nyang: myid soin: ziyo' vho: ngei khyoo: nghoid.

Ephesu 1:9

Mangsoo gi nyang: myid soin: to" khyoo: ri koid lho: Khristu khyoo" wigi joeb, byeung" loo nhang: wa shid re" myid phyed' too" bye: da" nyang: yhoem" too" zau" to" da" soin' nyheung to" khyoo: ngoonu" ri si' nhang: bye.

Ephesu 2:8

Khasu" wim gari loem" jeung" khyoo: yoomo nanu" gi Mangso da" jeju" khyo" za: khyoid khyi: yu zi shau" khyoo: nghoid. Hau: zigi nanu" yoem: kaid' yoomo yo" yu da" akyu" anghoid - hang" we' phau: khuang jang: ajo, baja"- Mangso da" jeju" jhung: shug za: danghoid.

2 THESALONI 1:11

Khyoo: he: khaid yoomo nanu" da" shid' re" ngoonu" khanham we' akyu" dabo mho' nyid boem- nanu' gi mangsoo khe: yu shau" bang: da" kangso' dei khyoo: yo' moin: yi" khyo" kangso' dei nyid goo" baja"- ngoonu" gi Mangso jang" mo akyu" bo mho' nyid boem- nyang: gi nya; da" myonhoo: phung" yoeb, zeing yo' nanu' da" ge, lho khyoo; ri bui" nhang: nau, da" nheigloem: boo moo boo ri joeb, byeung" loo nhang: wigi nanu" da" loem" jeung" moozoo" jid: zoo" joem ri zei: pain' byid: baja".

2 TIMOTHI 1:9

Mangsoo gi nyhang" koid bye: ge, da" moozoo" aja: ja: yoomo anghoid loo: za: nyang: myid nyeung soin' to" khyoo: yo' jeju" khyo" ngoonu" ri khyoid yu lho: nya: da" byumyu" bue" loo wa shid re" khe: yu to" zi nghoid bye. Nyang: gi moug: aphain" myid' aphain" shi" mo nyang:- Khristu Yesu khyo" wigi hau: jeju" ngoonu" ri byid: too" bye.

1PETERU 1:3

Ngoonu" gi ngoonu" Aseing Yesu da" nya: phoo Mangsoo ri jeju" boin: nyid boem shang- khasu" wim gari Mangsoo gi atho' tid da" nheig khyeig shoo" myen: si su: nghoid yoomo Aseing Yesu Khristu ri shid: jang" mo doem dei to'' loo nhang: khyo" wigi ngoonu" ri kangso' aseig byid: bye- houg: yoomo ngoonu" moo dei nyid wa da" nheig byu joyoo ri yo" yu boem bye.