PHILIPI 2:12 - Lacid Common Language Bible

¹² Houg: su" nghoid yoomo ngoo jheddab nyid bang: we"- nanu" yo' ngoo dage" nyid da" ayo, moo nanu" khanham we' nga" dang: ri tam" gyo: nyid boem yhang: ti"- akhid" nanu" yo' ngoo ve: gang: nyid da" ayo, moo we' nga" da" dang: ri tam" gyoo: wa zigi je" wigi yhoug: gyen: zeing nyang: nghoid nyid houg: yoomo nanu" da" khyoid yu khyoo: joeb, byeung" loo sho' gyoug nain" ziyo' cang pyeung nyid ge'.

PHILIPI 2:12 Iomraidhean Croise

EZRA 10:3

Ngoonu" gi he: myhi' zeing yi yo' nyangnu" zoo: du: yiri vi: khyoo: nhang: kaid pyam wa khyo" akhid" nyha" Mangsoo ri dangsoo" khoin" koid too" ca" wa zi nghoid. Ngoonu" gi nang yo' Mangso amyeing" dang: ri cang bang: tid kyo" phajhi' byid: khyo" cang koid wa zi nghoid. Ngoonu" gi Mangso da" tarha" dang: khyo" cang koid wa zi nghoid.

COUNG" NGHEI 119:120

Nang yoomo ngoo gi gyoug nain" nyid bye:- re" da" tarha" dang: phyed nyid khyoo: yoomo ngoo moo: gyoug phau" emyed byoug jo.

COUNG" NGHEI 2:11

Aseing ri gyoug phau" myang: ziyo' noku coung" nghei nyid ge'.

DANG: ZHOEM 10:16

Ge, lho, moo" zei: da" aphoug" jhungshug gi kangso' khyoo: nghoid nyid yooboo moo" zei: nyid su: gi je" no, thu: da" yooboo za dadoem loung: yu nyid.

DANG: ZHOEM 13:4

Nei" da" byu yigi da ja: ja: ri gye" myid vho: nyid nghoid loug- hau: ziri nyang: gi khanham we' yo" yu wa zi anghoid. Yoem: kaid thoug shang" nyid su: koem gi nyang: vho: nyid khyoo: ce" noem, ri we' shoug" yu wa zi nghoid.

ESAIA 66:2

Moug: gyab goin" ziri ngoo nyang: phain" so: to" zi nghoid. Nheigloem: nyhoem: khyo' mo, yo' nung myid yoo" bang:- ngoo ri gyoug phoug" bang:- nga" da" tid dang: gyoo: bang: ri ngoo vho: ngei da:.

ESAIA 66:5

Nyang: ri gyoug phoug" zi yo' tid dang: tam" gyo: da" bang: nanu" we"- Aseing tid ziri tam" gyoo: we'. «Nanu" ngoo ri jhug zug yoomo nanu" da" byu dayham" gi nanu" ri ngheing" wigi nanu" yo' ci: we' asen: da" khyo" koid loo goo" wa. Nyangnu" gi nanu" ri juang" wigi ‹Nanu" gau yi ziri ngoonu" shau" myang sho' Aseing gi nya: yoem: so' gyi: sheung: ziri ci: shug byid: wigi nanu" ri khyoid yu baja"› ga: tid ago". Nghoid loug we' nyangnu" nyang: ngi: yoem" ago".

MATHE 11:12

Baptisma sara: Yohan da" bidnyid mo wigi Akhid" nyid" ju" sho' Mougkhung: mungdain: gi agyoo: ayoid jhen" vang mo yo" zain: go" nyid yoomo yo" rhi, mo, za: hau mungdain: ri yo" yu sho' shakoid ago".

MATHE 11:29

Nga" da" kyoug: ri voin ge'. Nga" jang" mo jhau" yu ge'. Khasu" wim gari ngoo gi nu" nham' su: yo' nheigloem: nyhoem: su: nghoid. Houg: su" lang" nanu" doug shau" noo: wa zi nghoid.

ACTS 16:29

Thung: agyi phoo gi myedoem' mho' yu lho: gei, vang re" wigi Polu yo' Sila eig youg da" khyid: yang: moo ko, ko, nain" zi re" goeb, pid' to.

ACTS 9:6

Nghoid loug we' nang to' lho: voomoo" khyoo: vang loo" we' - houg: moo nang koid ca" da" moo" ri lhoem: tid kyoo" wa" - ga: tid.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

1Korinthians 15:58

Hougsu" nghoid yoomo- ngoo jheddab da" mang: nhung" yi we"- geing: geing: teing teing theung shang" yab, jo, ge'- hau: Aseing da" moozoo" moo- nanu" zei: lo" khyoo: gi amyid' aji anghoid ziri se' nyid boem yoomo- hau: Aseing shid re" zei: so' da" moozoo" moo- nanu" khanham we' yoem: phain" thoug shang" voin, vu, nyid ge' o".

1Korinthians 2:3

Houg: yoomo ngoo nanu" jang" moo: re" ju" nyid da" ayo, bain sho moo- yoem: nu: ziyo' gyoug nain" zoore" danyid nyid.

1Korinthians 4:14

Nanu" ri sho' thu' nhang: wa shid re"- ngoo he: da" moug soug" ri lhid" kaid zi anghoid. Ngoo jheddab da" zooshang: yi ri yhang: ti" ngoo nanu" ri tid poin" tid kyeung" da" khyoo: nghoid.

2~KORINTHU 7:15

Nyang: jhoug" byid: khyoo: ri-nanu' tam" gyoo: wa shid re" jen" nyid bye: ziri we' gyoug nain" ziyo' nanu" lhoem: tau yu da" khyoo: ri we' nyang: myid boin: nyid yomo- nanu" ri jheddab da" nya: emyid gi je wigi gyi: sheung:" yoem: bo lo nyid zi nghoid.

Ephesu 6:5

Join, yi we"- Khristu ri tam" gyo: phau" myang: nyid yhang: ti"- nanu" da" xangsu: yhoem: seing: yi ri gyoug phau" ziyo' nheigloem:" dain: khyo" tam" gyo: nyid ge'.

PHILIPI 1:27

Akhid" uri nanu" shid re" je" ca" thang da" khyoo; gi Khristu Yesu da" ngei bu: lu dang: yo' du veung" moin: yi" khyo" kangso' dei nyid boem ca"- hougsu" nghoid lang" gi ngoo nanu" jang" moo ju" re" uri nghoid loug we' aju" re" uringhoid loug we' nanu" gi nheigloem: sham: shoin" go" lho: theung shang" yab, jo, wigi myid to" khyoo; dakhaid za: yo,- hau" ngei bu: lu dang: da" loem" jeung" khyoo: shid re" dage" za: zain: shi" go" nyid da" khyoo: ri ngoo shaug" gyoo: wa zi nghoid.

PHILIPI 1:29

Khasu" wim ga: ri nanu" gi Khristu ri loem" jeung" khyo" za: we' anghoid shi"- nya: shid' re" shen" yhen jam jau kham khyo" we' Aseing: da" moo" ri voin vu, akhang" jeju" gam, byid: zi shau" abye: go.

PHILIPI 1:5

Khasu" wim gari ngeibu: ge: da" moozoo" ri ngoo voin, yu, shed" lo da" bidnyid mo akhid" nyid" ju sho' hau" ngei bu lu dang: kho" kyo" da" khyoo: moo ngoori bo pang" thoug voin, vu, lid lo boem bye.

PHILIPI 1:6

Hougsu" nghoid yoomo nanu" moohe: da" ge moozoo" ri zei: shed" too" byid: su: Mangsoo gi Khristu Yesu doem gyoo" loo wa bidnyid moo hau: moo" ri joeb byeung" sho' zei: too" goo" wa" ein: ngoo myid loem nyid.

PHILIPI 2:19

Ngoo gi nanu" jang" mo ludang: shau" gyo: wigi yoem: yo" yu baja"- Mangso da" myed, vho: khyoo: nghoid rigi Timothi ri khamyhang amyang" ri nanu" jhang khyoo: yo" nhang: kaid' abe ein: - ngoo myid byu nyid.

PHILIPI 4:1

Hougsu" nghoid yoomo mang nhung" yi we"- nanu" ri gye" jheddab nyid ziyo' gye" myid' boin: nheig nge nyid nanu" gi nga" da" gau yi joyoo yo' bidmug nghoid nyid ago- jheddab bang: we" hau" Aseing: yo' dayugza: bue" lho: wigi kangso' dei da" khyoo: moo geing: geing: dayab, jo, ge'.

PHILIPI 4:15

Philipi mo da" phung byu yi we"- Makedoni mung" mo ngoo thu lo wigi ngei bu: lu dang: kho" kyo" lo" da" xang: shed" ayo, moo nanu" Philipi phung daloem: za: ngoori pang" thoug kaid' da" khyoo: ri we' nanung" kyeing" ,, myaid' da" khyoo: yo' soem" lo" da" zhayen" moo ngoo yo' dage" bo kham, zoo: mo, nghoid ago" boem da" khyoo: joem ri nanu" nyang: goolhoo: se' nyid boem bye.

1THESALONI 1:3

Khasu" wim ga: ri nanu" da" loem" jeung" khyoo: moo zei: nyang: khasu" zei: yhe: lo" nyid boem ziri we' nanu" da" jheddab e" myed yo' khayhi' gyeing" - moozoo" ri zei: so' nyid boem bye: ziri we' Aseing Yesu Khirstu moo nanu" da"

2 TIMOTHI 2:10

Hougsu" nghoid nyid yoomo ngoo gi Mangso khyen: yu shau" nyid da" byu yi shid re" kyi" khyeug yau: khe" zi: kham' zo: nyid hougsu" kham, zo: nyid da" khyoo: gi nyang: nu" we' Khristu Yesu da" khoug: moo khyoid yu da" jeju" yo' hau: apyaid' atoo: mo da" myonhoo: phung yoeb, ri shau" kham: yu wa da" khyoo: nghoid.

HEBRE 12:1

Akhid" ngoonu" da" shid re" hid: myho, da" sagsi: joem gi ngoonu" ri jhoem: moug" su" thoem" lhoung too" bye. Houg: su" nghoid yoomo ngoonu" gi khyoo: moo lhu: phyo' lhu: keug lang" wa zi ja khang" moo" ri we' ngoonu" moo gye" geing: sho' kyen, dab, jo, da" yooboo joem ri we' shoem" shoung: pyam lho: ngoonu" gei, yhe: loo" wa soin' nyheung to" da" bain: zeing moo ju" sho' yoem: kaid' thoug shang" lho: gei, ju" lo" boem shang.

HEBRE 4:1

Akhid" Mangsoo gi ngoonu" ri ngei bu doug shau" no: khyoo: ri kham: yu nhang: wa ga: wigi byid: to" da" dang: theing khoin" jo, bye. Hau: dang: theung to" da" ngei bu doug noo: joyoo ri nanu" mo dayug we' ayo" yu mo, abui" goo" baja"- ngoonung" gung youg yau nyid boem.

HEBRE 4:11

Hougsu" nghoid yoomo nyangnu" aloem" ajeung" jang" mo wigi doug noo: jang: moo ayo" vang lo" da" Israela byumyu" yi yhang: ti"- ngoonu" hang" we' houg: su" abue" loo" baja"- hau" doug noo: joyoo khyoo: yo" vang loo" wa shid mo yha" da" yoem: vhoo" bain' sho' yoem: kaid boem shang.

HEBRE 5:9

Nyang: ri joeb, byeung" su: ga: bain koid yu thang: ri nyang: gi tam" gyo: nyid mo, dangain" shid re" apyaid' ato: da" khyoid yu khyoo: mo apoem: ayang: bue" loo" bye.

1PETERU 2:11

Ngoo jheddab da" bidnoem yi we"- nanu" ri he: da" mougmyid moo gyung: so" nyid da" tungboug yi yo' phang: yen" mo, ri yhang: ti"- ngoo nanu" ri mho' kaid, nanu" gi khanham we' kangso' ri meing: zain: nyid da" gung shoo" vho: khyoo: moo nanu' da" gung du: ri meing: zain: nyid da" gung shoo" vho: khyoo: moo nanu" da" gung du: ri ab, pyam' ge'.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men