PHILIPI 1:8 - Lacid Common Language Bible

⁸ Ngoo gi Khristu Yesu nyang: myid moo bo da" ashoem: apyang: da" myid yo' nanu" ri myid boin: nheug nge nyid ein: ngoo tid nyid da" dang: deung nyid da" khyoo: gi Mangsoo gi nga" sagsi: nghoid.

PHILIPI 1:8 Iomraidhean Croise

YOBA 16:19

Nga" thang: dab wigi nga" shoid yab byid: wa mougkhung: moo dayug nyid da:.

ESAIA 16:11

Ngoo gi Moba shid re" nheig koug ziyo Kira Heresa shid re" koug ngau ziyo noo kyeing" kyeing" da:.

ESAIA 63:15

Aseing we"- re" gyeung" shang: ziyo' phung" yoeb moo nang nyid nyid da" joyoo mougkhung: mo wigi ngoonu" ri yu" byid: la. Ngoonu" shid re" re" da" gyi: sheung: myid gi khayoo: nghoid la". Re" yoem: so' gi khayoo: nghoid la". Re" da" jheddab myid yo' nheig khyeug myid gi khayoo: nghoid la". Ngoonu" ri cishu: anhang: akoid.

YEREMIA 31:20

Israela we"- nang gi nga" da" jheddab thang da" yuggi zoo: Nga" jheddab thang da" zooshang: nghoid da:. Re" myeing ri ngoo tid khang" moo" jheddab myid yo' ngoo nang ri myid da:. Nga" nheigloem: nang yo' dage" nghoid wigi nang ri ngoo nheig khyeug byid: wa.

LUKA 1:78

Ngoonu" da" Mangsoo: gi nheig khyeig shoo" myen: da" nheigloem: yo" byeung" joeb su: nghoid. Aseing: khyoid khyu: yu da" jeju" ri Mougkhung: tho' mo wigi Bid moo" khyab yhangti" ngoonu" tho' moo doug bang gyoo" loo bye.

Roma 1:9

Nya: zoo: da" khyoo: ngei bu lu dang: gi ri tid fu" lo" khyo" wigi - ngoo gi Mangso: moozoo" voin vu nyid. Ngoo gi akyu" mho' khang" moo" moo nanu" ri ajang" myed boin nyid da" khyoo: ri Mangsoo: nyang si gu nghoid bye.

Roma 9:1

Ngoo gi Khristu yo' nyid. Ngoo amhoug - main" da" dang: ri tid. Ngoo main: da" dang: ri da tid da" khyoo: gyeungshang: da" Venyi: vhoeb' khang" khyo" wigi nya: ung: jeung" nheigloem: gi thangcab nghoid.

2~KORINTHU 13:9

Hougsu" ngoonu yoem: neung: nyid wigi nanu" gi yoem: bo nyid rigi ngoonu" gye" ngeibu gau yi boem. Houg: yhang: ti" nanu" joeb byeung" bang: bue" loo wa shid re" we' ngoonu" akyu" damho, nyid.

2~KORINTHU 6:12

Nanu" loem: she' ngoonu" da" jheddab e" myed ri-nanu" jhang aju: sho' khoem" myhed" to" ago".

2~KORINTHU 7:15

Nyang: jhoug" byid: khyoo: ri-nanu' tam" gyoo: wa shid re" jen" nyid bye: ziri we' gyoug nain" ziyo' nanu" lhoem: tau yu da" khyoo: ri we' nyang: myid boin: nyid yomo- nanu" ri jheddab da" nya: emyid gi je wigi gyi: sheung:" yoem: bo lo nyid zi nghoid.

GALATI 1:20

Akhid" ngoo lhid" kaid' da" khyoo: gi deingmain" da" khyoo: nghoid- mhau' fain" da" dang: atid nyid ziri Mangsoo se' nyid.

GALATI 3:26

.Khasu" wim gari Khristu Yesu khoug: moo loem" jeung nyid boem bye: yoomo nanu" dangain" bang: gi Mangso da" nya: myid: nya: zoo: yi nghoid boem bye.

GALATI 4:19

Jhiddab, da" myi yi: yug gi nu" yi we"- Khristu da" gung du: avoid nanu" moo joeb, byeung" lo da" ayo, moo ju" sho' ngoo gi zoonu" co' phyed da" myhi' zeing yhang: ti" nanu" shid re" zoo khu: noo dalheing doem no nyid.

PHILIPI 2:1

Nanu" gi Khristu yo' dage" kangso' dei nyid boem yoomo yoem: so' byeung" lo boem ziyo' - nya: jheddab nheigloem: gi nanu" ri nheig teing ung: teing byid: ziri shau" yu boem bye- hau: tho' moo venyi: moo zoem" khau: zi shau" ziyo' nyang: cang" nyang: athang agoin khyoo; ri shau" kham: yu nyid boem.

PHILIPI 2:26

Nyang: gi nanu" dangain" bang: yo' gye" shau" goo" nau nyid khasu" wim ga: ri nyang: yhe: no da" khyoo: ri nanu" shau" gyo: boem yoomo nghoid.

PHILIPI 4:1

Hougsu" nghoid yoomo mang nhung" yi we"- nanu" ri gye" jheddab nyid ziyo' gye" myid' boin: nheig nge nyid nanu" gi nga" da" gau yi joyoo yo' bidmug nghoid nyid ago- jheddab bang: we" hau" Aseing: yo' dayugza: bue" lho: wigi kangso' dei da" khyoo: moo geing: geing: dayab, jo, ge'.

KOLOSE 2:1

Ngoo gi nanu" shid re" we' Ladoki byu yi shid re" we' ngoo yo' myonhoo: ashau" myang go" yu" da" gootu: byu yi shid re" we' ngoo khayhi' yoem: kaid' voin, wu, lid loo: bye: da" khyoo: nanu" ri ngoo tid kyoo" ba.

KOLOSE 3:12

Nanu" gi Mangso byu yi nghoid boem bye: yoomo nyang: gi nanu" ri jheddab wigi nya: shid re" khyen: yu shau" bang: nghoid- houg: yoomo nanu" gi jhed' thang kang: athang- nheig khyeig shoo" myen: zi nheigloem: nyhoem: zi sam" dab, nu" nham, ziyo' nheigloem: gyi: sheung: ziri void. ci: ge'.

1THESALONI 2:5

Khasu" wim ga: ri nanu" goo" lhoo: za: se' nyid boem bye: ziyo' dakhyoo" ti"- ngoonu" gi nanu" jhang khyoo: adeung amain" khyo" mhau' mhoin" da" dang: tid zoore"- houg: su" anghoid lang" gi vhoo: boo myo, no, khyoo: ri nghoeb, to" lho: ju" re" boem, zi anghoid- hau: khyoo: moo Mangsoo nyang: sagsi: nghoid nyid.

1THESALONI 2:8

Nanu" gi ngoonu" da" atho' tid loo: sho' jheddab bang: bue" lo boem bye- Mangso jang" mo ngei bu: lu dang:- we' anghoid- ngoonu" da" kangso rilang" gam byid: pyam wa zigi jen" jen" nghoid nyid boem.

2 TIMOTHI 1:4

Re" da" ngoug byid' joem ri ngoo daboin: nyid wigi ngoo moo hau: gau, yi khyoo: byeung loo baja"- nang yo' shau" goo" wa shid mo, nheig gye" nge nyid.

PHILIMON 1:12

Akhid" ngoo nyang: ri re" jhang khyoo: nhang: kaid' bye- nga" jheddab myid we' nyang: yo' dage" bo re" loo bye.

PHILIMON 1:20

Hougsu" nghoid yoomo nga" mang: nhung" phoo we"- hau: Aseing; da' myonhoo: ri tu: lho: wigi jeju" yo' hid: ngoo mo, tid kaid da" khyoo: ri zei: bui" byid: we' Khristu moo mang: nhung nyang: cang" khyo" wigi nga" nheigloem: e" myed ri shangei shapyoo: byid: we'.

1YOHAN 3:17

Soid gain ziyoo yoo" su: nghoid nyid lho: wigi nya: da" nheig khyeug nheigloem: ri khyoo jhed' pyam byid su: gi Mangsoo ri jheddab ein: khasu" se tid wa lha".