PHILIPI 1:17 - Lacid Common Language Bible

¹⁷ Hau: lho" gootu: dayham" bang: gi gyeungshang: da" nheigloem: yo' anghoid loo: za: nyang: nya: da" akyu" sho: khyo" kho" kyo" ago- nyangnu" gi ngoo thung: moo loung jo, uri nga" tho' moo shid: gyoin noo gyoin je myo: loo wa shid re" myid soin' nyid ago".

PHILIPI 1:17 Iomraidhean Croise

LUKA 21:14

Houg: yoomo nanu" gi ce: khyo" phougtu" wa ziri agung youg wa shid' mo nanu" da" nheigloem: ri nyang: soin' too" ge'-

ACTS 22:1

Myhi, phoo mang: nhung" yi we" - nanu" da" shid' khoin" moo tid shed, yu" bye: da" dang: ri doem tam" gyo" yu" ge' ga: tid.

ACTS 26:1

Khokham" Agripa gi Polu ri Re" shid mo nang dang: tid wa da" akhang" yo" ga: tid. Houg: lang" Polu gi nya: lo, ri yoin" kaid' lho: nya: gung ri nyang: tid ve, yu da.

ACTS 26:24

Polu gi hid: su" nya: gung ri tid ve, yu nyid uri Phestu gi Polu we" «Nang ko" abye:. Nang gi phajhi" sung jhau" ci: wigi ko" lo" byug bye: nhung:» ga: nyho: tid kaid.

Roma 2:8

Nyang: nya: akyu" ri te: sho: lho: - jo, da" khyoo: ri she: pyam' wigi - shoid' da khyoo: moo cang loo" da" byu yi gi - Mangsoo: nheig khoo" yo: zi shau" boem wa.

PHILIPI 1:18

Kho" kyo" da" akhyoo" again joem gi ce: yhoug: gyen: khyoo: anghoid- anoug angei da" nheigloem: khyo" nghoid loug we' deingmain" da" nheigloem: khyo" nghoid loug we' khyoo: khaid khang" moo" Khristu da" khyoo: za: kho" kyo" nyid boem nghoid rigi hau: khyoo: moo ngoo gau yi nyid - gyeing" nyang: ngoo xo' lho: gau yi ngei bu: nyid shi" wa nghoid.

PHILIPI 1:7

Ngoo nanu" da" atho' moo too" byid: da" myid' gi young" du nyid khasu" wim ga: ri nanu" ri jheddab nyid da" khyoo: gi nga" da" emyid moodabo jo. Nanu" dangain" bang: gi ngoo thung: loung" jo, uri nghoid loug we' ngoo ngei bu: lu dang: ri kho" kyo" zoore"- geung: teing jo, nhang: uri nghoid loug we' Mangsoo ngoori byid: da" akhang" jeju" ri bo kham zoo; mo, nghoid ago".

PHILIPI 2:3

Phau: khuang nghoid boin: da" nheigloem:- nya: akyu" ri za: shoo: nau da" nheigloem: yo' ci" we' akoid nyid goo"- subi" gi nga" tho' re" je gi mo, nghoid ein:- khanham we' myid yu zoore"- sube" vhoo: moo khyo, nyhoem: zoem" khau: nyid ge'.

1 TIMOTHI 2:7

Hougsu" nghoid yoomo Aseing: gi ngori lagyoo: dayug khyo" we' tung: bau byu yi da" jhoug" byid: sara: dayug khyo" we' hau: loem" jeung" da" khyoo: yo' deingmain" da" mungdang: ri kho" kyoo" wa shid re" nhang: kaid' zi shau" bye. Ngoo mhau' tid zi anghoid- deingmain" da" dang: ri tid nyid.

2 TIMOTHI 2:9

Khasu" wim ga: ri ngoo gi hau: ngei bu: lu dang: kho" kyoo" yoomo kyi" khyeug zi shau" nyid. youg: shau" jhen: bo nyid su: yhang: ti"- myheug tei" to" zilang" thoung" shau" nyid. Nghoid loug we' hau: Mangso da" mungdang: koem gi myheug tei" too" shau" nyid zi anghoid.

2 TIMOTHI 4:16

Xang: shed" lheing: ngoo tarha" dang: phyed zi shau" nyid uri nga" da" gung ri ngoo tid goem, yu nyid uri nga" thang: khyoo: bo yab, lho: hang" we' abo tid byid: boem, byu dangain" bang: gi ngoori she: pyam' to". boem, bye- Mangsoo ri we' nyangnu" hid: su" koid boem yoomo latoo: aphug byid: baja".