PHILIPI 1:13 - Lacid Common Language Bible

¹³ Hau: khokham" da" yhoem: moo" ri zung" lhug da" gyizoo: yi dab, goin" yo' hid: moo nyid bang: gootu: dangain" ri ngoo thung: loung" zigi Khristu da" dei zoo: koid yoomo nghoid khyoo: ri se' lo" boem bye..

PHILIPI 1:13 Iomraidhean Croise

ACTS 26:29

Polu doem tid zigi daso' dadam ga: nghoid loug we' - myang" sho' nghoid, nghoid hau: zigi yhoug: gyen: khyoo: anghoid - Khokham" phoo Nang yo' dage" akhid" nyid nga" dang: ri tam" gyo: nyid bang: dangain" gi Hid: nga" jangcoo" doem' ri atid noug- ngoo yo' dakhyoo" ti" bue" lo boem wa shid re" Mangsoo ri ngoo akyu" mho' nyid ga: phoug tu.

ACTS 26:31

Nyang: nu" gi hau: joyoo mo thu' yhe: lo" boem thang: ri Byu he: yug gi shid: moin: da" yooboo anghoid lang" myheug lhoung too" wa da" yooboo gi ci: ashoid nghoid da- ga: nyang: cang" nyang: tid go" nyid ago".

ACTS 28:17

Soem" nyid" kyo: lo" thang: ri Polu gi hau: voogung mo Yuda ludaid' vhu" jhung: yi ri khe: yu da- nyangnu" gi zheung: zeung: ri lang" Nga" Israela mang: nhung" yi we"- ngoo gi ngoonu" da" byumyu" yi ri we' ngoonu" phoug" phyid" yi mo xo' kham: yu lo da" thung: ri joem ri we' - shoid vhang: da" moozoo" ri ngoo gi daja" we' akoid nghoid loug we' Yerusalem voomoo" moo ngoori thung: lhoung wigi Roma byu yi da" lo, moo ab, byid: pyam' boem ago".

ACTS 28:20

Houg: yoomo ngoo gi nanu" yo' shau" doem, goo" wa shid mo khe: yu zi nghoid. Gyeing" nyang: ga: rigi ngoo hidsu" jang coo" doem, wigi tei" zi dashau" rigi Israela byumyu" yi myid byu nyid su: gang mo nghoid da- ga: tid.

ACTS 28:30

Polu gi eig zain' loem: lei:- nyang: ngho" to" da" yhoem: moo nyid nyid lho: nya: jhang ri" bang: ri being" lhoem: tau, yu nyid.

Ephesu 3:1

He: da" khyoo: yoomo nanu" ngi zain byumyu" yi shid re" Khristu Yesu da" thung: byu ngoo Polu gi Mangso jang" moo akyu" mho' nyid.

Ephesu 4:1

Hougsu" nghoid yoomo hau: Aseing: da" moo" voin vu, da" gang mo thung: oung" jo, su: ngo Polu gi Mangso wigi nanu" ri nyang: khe: yu da" bidnyid moo nyang: ke' too" byid: da" laleig laki, azhang myhi: da" kangso dei khyoo: moo kangso dei so" loo" wa shid re" ngoo nanu" ri joug jhoin" nyid.

Ephesu 6:20

akhid" ngoo gi thung: loung" jo, su: danghoid loug we' hau" ngei bu: lu dang: ge shid re" lagyoo: zeing dayug nghoid- hau: ngei bu: lu dang: gi ri kho" kyoo" wa shid' re" ngoo kho" kyoo" eung: ziyo' dakhyoo" ti"- seing" yang" ziyo' yo" tid kyoo" baja"- akyu" bo mho' byid: nyid ge'.

PHILIPI 1:30

Akhui" nanu" gi ngoo yo' we"- meing: zain: jang: moo shau" vang yhe: boem abye: go"- hau: khyoo: gi lid: loo bye: da" ayo, moo ngoo thoung" shau" nyid da" meing: zain: khyoo: ri nanu" myang yu" wigi akhid" ngoo thoung shau" nyid da" khyoo; ri nanu" shau" gyo: nyid da" meing: zain: khyoo: nghoid nyid.

PHILIPI 1:7

Ngoo nanu" da" atho' moo too" byid: da" myid' gi young" du nyid khasu" wim ga: ri nanu" ri jheddab nyid da" khyoo: gi nga" da" emyid moodabo jo. Nanu" dangain" bang: gi ngoo thung: loung" jo, uri nghoid loug we' ngoo ngei bu: lu dang: ri kho" kyo" zoore"- geung: teing jo, nhang: uri nghoid loug we' Mangsoo ngoori byid: da" akhang" jeju" ri bo kham zoo; mo, nghoid ago".

PHILIPI 4:22

Hid: moo nyid da" Mangso byu yi dangain" bang: gi nanu" ri vhu" kaid' ago- je" wigi Ketha Khokham" vang" mo bang: gi gooki" lid' khyo" vhu" kaid' ago".

2 TIMOTHI 2:9

Khasu" wim ga: ri ngoo gi hau: ngei bu: lu dang: kho" kyoo" yoomo kyi" khyeug zi shau" nyid. youg: shau" jhen: bo nyid su: yhang: ti"- myheug tei" to" zilang" thoung" shau" nyid. Nghoid loug we' hau: Mangso da" mungdang: koem gi myheug tei" too" shau" nyid zi anghoid.