PHILIPI 1:12 - Lacid Common Language Bible

¹² Hau: lho: mang: nhung" yi we"- ngoo moo bue" lo da" khyoo: joem gi hau: ngeibu: ludang: gyi: sheung: loung: loo wa shid re" gyeng" nyang: bo pang: thug byid: wa shid re" bui" lo khyoo: nghoid ziri nanu" ri si' nhang nau.

PHILIPI 1:12 Iomraidhean Croise

ESTHA 9:1

Khokham amyeing" khyo" lu dang: fu" to" da" bidnyid Adar lhammoo" khyab daxe: soem" nyid" nyid" moo Yuda byumyu" yi da" gyivoo yi wigi nyangnu" yoem so' yo' zei: pyam wa ga: myid lang" to" da" bidnyid ju" ri" bye:. Nghoid loug we' hau: gungthid Yuda byu yi wigi nyangnu" ri lhoem: zain: oung: pyam ago".

COUNG" NGHEI 76:10

Byu yi da" nheig yo: khyoo: gi nang ri: coung" nghei joyoo je" bui" nhang: nyid. Gyipui" moo: ashid: looza- deung dei nyid bang: gi re" da" pui" joem moo shoug" bo vang loem" wa zi nghoid.

THU' LO" MOUGSOUG" 18:11

Yu phara" dangain" tho' mo Aseing gi gyi: nyid ein: ziri akhid" ngoo si' bye:. Ciwim ga: ri nyang: gi Israela byumyu" dang moo anoug ashoo" zoem" khau: da" Egutu byumyu" yi dang moo hid: yhang: ti" koid pyam yoomo nghoid» ga: tid.

LUKA 21:13

Hid: su" bue" loo loug - nanu" gi ngei bu: lu dang: ri tid loo" wa shid re" amyeing akhang" ri yo" yu boem wa nghoid.

ACTS 8:4

Joyoo loem: khang" moo khyoo: byo, sain" loo" mo, gi ju" lo" da" joyoo loem: khang" moo" moo Mungdang: ri cang kho" kyo" boem ago".

Roma 8:28

Mangsoo: gi jheddab yoomo Aseing: myid vho: zi yo" dakhyoo" khe: khyen: yu shau" mo ri thoung" shau" zoo: wa da" moo" dangain" mo akyu" bo thu' loo wa shid' re" Aseing gi nyangnu" yo" dage" zei: so' khyoo: ri ngoonu" se'.

Roma 8:37

Nghoidloug we' agang: alain loo" nhang: tho' moo gootu: ngoonu" gi hau khyoo: dangain" yo" thoung" shau" goo" wa jang" moo ngoonu" ri jheddab da Aseing: khyo" wigi atho' tid oung: doid loo" bye.

PHILIPI 1:5

Khasu" wim gari ngeibu: ge: da" moozoo" ri ngoo voin, yu, shed" lo da" bidnyid mo akhid" nyid" ju sho' hau" ngei bu lu dang: kho" kyo" da" khyoo: moo ngoori bo pang" thoug voin, vu, lid lo boem bye.

PHILIPI 1:7

Ngoo nanu" da" atho' moo too" byid: da" myid' gi young" du nyid khasu" wim ga: ri nanu" ri jheddab nyid da" khyoo: gi nga" da" emyid moodabo jo. Nanu" dangain" bang: gi ngoo thung: loung" jo, uri nghoid loug we' ngoo ngei bu: lu dang: ri kho" kyo" zoore"- geung: teing jo, nhang: uri nghoid loug we' Mangsoo ngoori byid: da" akhang" jeju" ri bo kham zoo; mo, nghoid ago".

PHILIPI 2:22

Nya: zoo: gi nya: phoo ri bo pang" thoug yhang: ti"- hau: gau yingei bu: da" lu dang:- Kho" kyo" fu" pyo: lo" da" khyoo: moo ngoo yo' dage" moozoo" ri bo voin, vu, theung shang" nyid yoomo nyang: gi khayhi' phoug" dab, su: nghoid ziri nanu" nyang: si' bye.

PHILIPI 4:15

Philipi mo da" phung byu yi we"- Makedoni mung" mo ngoo thu lo wigi ngei bu: lu dang: kho" kyo" lo" da" xang: shed" ayo, moo nanu" Philipi phung daloem: za: ngoori pang" thoug kaid' da" khyoo: ri we' nanung" kyeing" ,, myaid' da" khyoo: yo' soem" lo" da" zhayen" moo ngoo yo' dage" bo kham, zoo: mo, nghoid ago" boem da" khyoo: joem ri nanu" nyang: goolhoo: se' nyid boem bye.

PHILIPI 4:3

Nga" da" bo pang" bo thoug da" loem ge" da" byen cang phoo we"- nang khyo" we' hau: myi: yi eig yug ri bo pang" thoug yu we' khasu" wim ga: ri hau: ngei bu: lu dang: kho" kyo" da" khyoo: moo ngoo yo' dage" moo" gye" bo zei: loo bye- nya: eig yug yo' dage" Klemen yo' Mangso kang: so' mougsoug" zhayen" pug moo nyangnu" da" myeing bo- nga" da" moo" voin byen cang" gootu: we' zheung: bo.

1 TIMOTHI 2:8

Phung: mo mo, da" akyu" mho' ayo, khang" moo" moo yug gi yi ri akyu" mho' nhang: nau- Mangso jhang khyoo: mho' ab, xoin" to' byid: da" yug gi yi gi nheig yoo: go" zi ngeung byo, go" zi aboo loo: za: gyeungshang: da" lo, ri tu: lho: akyu" mho' nyid goo" baja".

2 TIMOTHI 2:9

Khasu" wim ga: ri ngoo gi hau: ngei bu: lu dang: kho" kyoo" yoomo kyi" khyeug zi shau" nyid. youg: shau" jhen: bo nyid su: yhang: ti"- myheug tei" to" zilang" thoung" shau" nyid. Nghoid loug we' hau: Mangso da" mungdang: koem gi myheug tei" too" shau" nyid zi anghoid.

2 TIMOTHI 4:17

Nghoid loug we' Aseing: gi ngoo yo' dage" nyid nyid yoomo ngoori yoem: lung: byid: nyid wigi ngoo gi tungbau byumyu" yi dangain" bang: shaug" gyoo: sho' hau" ngei bu: lu dang: gi ri joeb joeb, byeung" byeung" yo" tid kyoo" baja"- said' pyam wa ga: dang: phyed' too" bye: jang" mo khyoid yu ziri ngoo shau" kham: yu bye.