NEHEMIA 8:10 - Lacid Common Language Bible

¹⁰ Akhid" yhoem: khyoo: lo" wigi zoo: shug pui" lo" koid ge'. Atham: zoo: shug bang: ri nanu" da" zoo: noem yo' zabyid yhid: ri kaid byid: ge'. Akhid" nyid" gi ngoonu" da" Aseing shid re" gyeung" shang: da" bidnyid nghoid. Houg: lho: akug goo". Ngoonu" ri Aseing byid: da" ngei pyo: khyoo: gi nanu" ri yoem: boo nhang: ri" wa» ga: tid ago".

NEHEMIA 8:10 Iomraidhean Croise

1 KHOKHAM 8:66

Shed nyid" nyid" ri Sholumon gi byumyu" yiri yhoem: khyoo: nhang: kaid bye:. Nyangnu" dangain" we' nya: deizoo: David yo' nya: byumyu" Israela ri Aseing mainkaid byid: yoomo nyang: ri coung" lho: yhoem: khyoo: ngei pyo: tung" lo" boem bye:.

1 KHOKHAM MHOOMYID: 16:27

myonhoo: ngi lang: yo' phung" yoeb bugthu sheing" jhu" khyoo: gi Nyang: ri lheung khoem to" wigi yoem: zeing so, moo" yo' younglho' da" khyoo: joem gi Nya: da" Noku Yhoem: Moo" moo: dabyeung" jo.

NEHEMIA 8:11

Levi byu yigi mung" byu yi jang khyoo: sam: za: cang so" yen" wigi houg yhang: te" gyeung" shang: da" bidnyid moo akug: goo" wa shid re" cang tid kyo" da:.

NEHEMIA 8:12

Houg: yoomo mung" byu yigi yhoem: khyoo: lo" wigi ngei pyo: tung" zoo: shug pui" koid ago". Nyangnu" yo" ziri gootu: byu yi yo' gam zo: wigi nyid ago". Ciwim gari nyangnu" gi nyangnu" ri nghab kyo" ziri se' gyoo: yoomo nghoid ago".

ESTHA 9:19

Hougsu" yoomo voozoo: joem moo nyid da" Yuda byumyu" yigi Adara lhoo' xain" daxe: myid: nyid" nyid" ri ngei pyo: da" Dougno: Bidnyid yo' zoo: shug ayo, khyo" koid lho: nyang: cang" nyang: zooshug jhungshug gam byid: ago".

ESTHA 9:22

He: bidnyid gu: gi Yuda byumyu" yi nyangnu" da" gyivoo yi lo, mo loid byoin yu da" bidnyid nghoid da:. He: lhoo' khyab gi koug shui: ziyo' nheigloem: thang jang" mo ngei pyo: ziyo' myid pyo: da" bidnyid khyoo: phug lo" da" lhoo' khyab nghoid da:. Nyangnu" gi he: bidnyid gu: moo zoo: shug pui" koid wigi nyang: cang" nyang: yo' myung: shoo" bang: ri zooshug jhungshug gam byid: ca" ga: jhoug" shid" to" da:.

COUNG" NGHEI 149:2

Israela byumyu" yi we"- nanu" ri phain" so: to" da" Aseing yoomo gau, yi nyid we'. Ziun da" byumyu" yi we"- nanu" da" khokham phoo yoomo gau, yi phau: khuang: nyid we'.

COUNG" NGHEI 89:17

Nang gi nyangnu" shid re" gyi: thang oung: doid lo" khyoo: zeing ri byid: nyid da:. Re" da" jheddab nheigloem: khyo" ngoonu" ri oung: doid loo" nhang: nyid.

DANG: ZHOEM 17:22

Ngei pyoo: tung" za: se' nyid nghoid rigi yang" zain: nhang: nyid. Ayo, byeung" sho' myonhoo: shoem: khyoo: gi zo" re, shid: loo" wa zi nghoid.

PHAJHI" DANG: 11:2

Re" arang" ngei ri joyoo myoo: sho' khyi' khang" moo" moo kaid too" we'. Ciwim gari he: mougmyid dang moo nang joem: lo" khyoo: khasu" thung" shoug" phu" zoo: wa ga: ziri nang khanham ayo" se' too".

PHAJHI" DANG: 2:24

Byu dayug shid re" ge thang zigi nyang: nya: vhoo" kung: phoug" shau" yu to" ziri zo: lho: shug lho: ngei pyoo: tung" nyid zi nghoid da:. Nghoid loug we' hau: ziri lang" Mangsoo mo nghoid ziri ngoo myid boin: da:.

PHAJHI" DANG: 3:13

Ngoonu" dangain" ngoonu" zei da" moo" gi zoo: wa shug wa pyoo: wa shid re" nghoid ca" wa. Hau: zigi Mangso da" jhungshug nghoid da:.

PHAJHI" DANG: 5:18

He: ziri ngoo shoug" myang yu byu dayug shid re" ge thang khyoo: yo" koid zigi Mangso wigi nyang: ri byid: to' da" apyaid aleing" kyeing" da" ayo, moo ayo" ziri zo: lho: shug lho: pyoo: pyoo: yo" nyid zigi nghoid abye:. He: zigi byu xangsu: da" vhu" pi: lo, kyo' nghoid da:.

PHAJHI" DANG: 9:7

Shidkhyoo: xo' yhe: we' re" zoo: noem ri zo: lho: ngei pyo: nyid we' re" zabyid yhid: ri shug lho: pyo: nyid we' Hau: zi dangain" gi Mangsoo yo' nghoid da:.

SHOLUMON JIKHOIN" 5:1

Nga" nheig tei" nga" myhiseig we"- nga" khyam: khyoo: ngoo vang yhi: bye:. Nga" da" Mura yo' nam pyo: ja: ngoo khyau" zheing" too" bye:. Ngoo gi nga" byoo: yhid: yo' byoo: yho' ri zo: nyid bye:. ngoo gi nga" zabyid yhid: yo' nunoug" ri shoug nyid bye: zi nghoid. Jheddab bang: we" zoo: ge'. Nanu" gi jhed myid yo' yed: sho' shug nyid ge'.

ESAIA 49:5

Ngoo akhu: shi" re Aseing gi ngoo ri yoovoin foin: to" da:. Nya: byu yiri doem shu" tau" loo wa shid re" we' byo, sain" nyid da" Israela byumyu" yiri doem shu" tau" yu wa shid re" ngoo ri nya: dei zoo: koid nhang: abye:. Aseing gi ngoo ri ngi: shab byid: bye: nyang: gi nga" yoem: ajhung: nghoid da:.

ESAIA 61:10

Aseing koid bye: da" lo, moo" yoomo Yerusalem ngei pyo: da:. Nyang: gi nya: lo, xo' pui" shid re" soin' shoung: void ci: da" myhi' seig yo' du loo wa. Mangsoo gi nyang: ri khyoid yu ziyo' oung: doid zi wigi foid too" abye:.

YOELA 2:23

Ziun mung" byu yi we"- gau yi nyid loo: ge'. Nanu" shid re" nanu" da" Mangsoo koid byid: bye: da" khyoo: yoomo ngei bu nyid ge'. Nyang: gi nanu" ri lid jhen" moug: myoo" sho' voo byid: da:- nyang: gi shid phyang" yo' dakhyoo" ti"- xung" moug: yo' zain vang khoem" mo moug: ri voo byid: nyid.

ZEKHARIA 14:21

Yerusalem yo' Yuda mung" joem mo oug" dangain" gi yoem: moo" bo da" Aseing ri goeb noku jang" moo ci: yhung: wa shid re" khyen: nyheung too' wa nghoid. Said shugbyid: da" xoin" ci: ri" mo, gi oug" hau: ziri yu lho: xoin" to' shoo" yhung wa zi nghoid. Hau: da" bidnyid ju" lo ri myhang: thang Aseing da" yhoem: moo" khoug: moo phaga: koid mo, hang" we' anyid loo: wa nghoid.

LUKA 11:41

Houg: su" nghoid loug we' Nanu" da" bain khu, moo bo ziri sho" jhen: mo ri byid: pyam ge'. Houg: lang" zi dangain" gi Nanu" shid' re" dangain" gyeungshang: loo wa.

2~KORINTHU 8:2

Nyangnu" kham zo: lid loo bye: da" shid: gyoin, noogyoin, moo nyangnu" gi gye" kyi" khyeug jham" ca yu" shau" abye: go".Nghoid loug we' nyangnu" da" ngeibu: gau yi nheig loem: gye" gyi: jo, boem yoomo nyangnu" gi gye" asho" ajhen" bang: nghoid loug- nyangnu" byid gam khyoo: moo-laleig laki, aboo: loo: za: jheddab emyid, yo, byid: nyid ago".

PHILIPI 3:4

Datid shang ein: rigi houg: yhang: te" da" moozoo" moo ngoo we' loem, khoug: jang" yoo" su: nghoid nyid nanu" mo dayug gi nghe: shoid mo aved asam" da" moozoo" joem moo loem, khoug: jang: yo" ein: jho: nghoid rigi ngoo gi je" wigi loem, khoug: jang: yoo" su: nghoid.

Pang Shug 11:10

Moug: myid xang: su: byu yi gi Lapi: eig yug shid: yoomo gau, yi ngei pyo: pui" koid lho: nyang: cang" nyang: jhung: shug jhung: lang: foin: go" nyid boem wa zi nghoid. Khasu" wim gari hau: lape: eig yug gi moug: myed, xang: su: byu yi tho' moo yau: khe" jamjau gye" byid: yoomo nghoid.

1 SAMUELA 25:8

Nyangnu" ri myid: yu" we' nyangnu nang ri tid kyoo" wa zi nghoid. Ngoonu" gi zoo: shug pui" moo ju" bye: zi nghoid wigi Ngoonu" ri goolho' za: lhoem: tau yu wa shid re" we' nang ri David pyeing" kaid. Jeju" mo nang ge bue" yhi' re" dei dei bang: ri we' re" jheddab byencang" David ri we' byid: kaid wa shid re" pyeung: kaid» ga: tid ago".