NEHEMIA 1:6 - Lacid Common Language Bible

⁶ Aseing we"- Ngoo ri yu" yu" we' Houg: lho: re" dei zoo: yi nghoid da" Israela byumyu" yi shid re" myen" ri nyid" ri ngoo akyu" mho' nyid da" uri nga" akyu" mho' dang: ri gyoo: byid: la. Ngoo gi ngoonu" Israela byumyu" yi yooboo shoid bye: khyoo: ri yhen: yu nyid. Nga" phoug" phyid" yo' ngoo gi yooboo shoid bye:.

NEHEMIA 1:6 Iomraidhean Croise

1 KHOKHAM 8:30

Nga" akyu" mho' dang: yo' re" byumyu" yi he: joyoo khyoo: shu: wigi mho' da" nyangnu" akyu" mho' dang: ri tam" gyoo: byid: we' o". Mougkhung: mungdain: mo re" yhoem: moo: ngoonu" da" akyu" mho' dang: ri tam" gyo: wigi ngoonu" yooboo ri khyoid byid: we' o".

1 KHOKHAM 8:47

Re" byumyu" yi da" akyu" mho' dang: ri tam" gyoo: byid: la o". Nyangnu" khayhi' yooboo koid wigi akhyeing" ashoeb bue" nyid nghoid loug we' hau: mung" moo nyangnu" nung myid yo" wigi re" jang" moo akyu" mho' uri o" Aseing we" nyangnu" da" akyu" mho' dang: ri tam" gyoo: byid: we' o".

2 KHOKHAM MHOOMYID: 28:10

Houg: lho: akhid" nanu" gi Yerusalem yo' Yuda mung" mo myiyi: yuggi yiri nanu" da" join koid pyam wa soin' ago". Nanu" we' nanu" da" Aseing Mangsoo ri yooboo shoid bye: ziri asi' goo" rhe".

2 KHOKHAM MHOOMYID: 29:6

Ngoonu" phoug" phyid" yigi ngoonu" da" Aseing Mangsoo ri jhug azug goo" nghoid da:. Houg: lho: Aseing ri avho: ngei nhang: da" moo" ri koid lo da:. Nyangnu" gi nyang: ri she: pyam pyam wigi nyang: nyid da" joyoo ri nyangnu" nungthang phug lo" byoug ago".

2 KHOKHAM MHOOMYID: 6:40

«O" nga" Mangsoo we"- akhid" ngoonu" ri yu" lho: he: joyoo moo akyu" mho' da" dang: ri tam" gyoo: byid: la.

EZRA 10:1

Ezra gi Noku Yhoem: Moo" shidkhoin" mo goeb pid wigi yooboo joem ri ngau lho: akyu" mho' tung bain: nyid uri Israela byumyu" byu phung: zeing yi myiyi: yuggi zooshang: dangain" gi nya: jhang zeung: re" wigi nheig khoo" sho' yoid ngau nyid ago".

EZRA 10:11

Akhid" thang: ri nanu" phoug" phyid da" Aseing Mangsoo ri nanu" yooboo toungbain: wigi nyang: vho: ziri koid nyid we'. Nyha" mung" moo nyid da" tungbau yi yo' ashoin" nyid goo". Nanu" da" tungbau yhoem: seing: myhi' ri we' kang" pyam ge'» ga: tid bye:.

NEHEMIA 1:11

Akhid" nga" akyu" mho' dang: ri tam" gyoo: byid: lho: nang ri ngi: shab byid: noug myid boo da" dei zoo: yi gooji da" akyu" mho' dang: ri we' tam" gyoo: byid: la. Akhid" nyid" ngoo ri oung: doid nhang: la. Khokham pho wigi ngoo ri nheig khyeug wa khyoo: koid byid: we'› ein: akyu" mho'. Hau: ayo, gu: moo ngoo gi khosen pho da" zabyid yhid: jang di" byid: yug nghoid.

COUNG" NGHEI 102:17

Nyang: gi she: pyam, to" zi shoug" nyid da- nya: mung" byu yi da" thui: ri shau" gyo: ziyo' Nyangnu" da" akyu" mho' thui: ri gyoo: byid: wa zi nghoid.

COUNG" NGHEI 106:6

Ngoonu" da" phoug" phyid" yi yhang: ti"- ngoonu" gi yooboo ri doem koid shoid boem bye:- ngoonu" gi akhyeung" bang: yo' ashoeb bang: bue" nyid bye:.

COUNG" NGHEI 130:2

Aseing we"- nga" ngau yoid thui: ri tam" gyoo: byid: we'. pang" thoug yu wa shid mo- nga" mho' sang: dang: ri tam" gyoo: byid: we'.

COUNG" NGHEI 32:5

Houg: yoomo ngoo gi ngoo nya: yooboo joem ri re" jang" moo: yhen: yu lho: ngoo shoid vhang: khyoo: joem ri azau" too" loo. Hau: shoid vhang: yooboo joem ri re" jang" moo: yhen: yu wa shid re" ngoo myid phyed pyam bye:. Houg: yoomo nang gi nga" yooboo joem dangain" ri khyoid pyam byid: we'.

COUNG" NGHEI 34:15

Aseing gi deing byeung" mo, tho' moo: yu" nyid wigi Nyangnu" da" ngoug thui: joem ri tam" gyo: nyid.

COUNG" NGHEI 55:17

Nab soin: ayo, nyid" khyoug ayo- myen" mo" ayo, joem moo nga" da" mho' yoid ziyo' nookyeing" thui: gi nya: jang" moo: kyang ju" do, lo" wigi nyang: gi nga" thui: ri tam" gyoo: byid: wa zi nghoid.

COUNG" NGHEI 88:1

Ngoo ri: khyoid yu Aseing Mangsoo we"- dangain" goin" ngoo nang ri yoid mho' nyid wigi myen" ri we' re" shidkhoin" moo: yu: re".

ESAIA 6:5

Ngoo gi «Nga" shid re" myid byu khyoo: ajo, ngoo gi joem bye:. Ciwim gari nga" nhoid mo thu da" dang: khoin" khang" moo" gi yooboo byeung" jo, da:. Houg: lho: ngoo gi yooboo dang: kyeing" tid da" byu phung: khoug: moo nyid nyid. Nghoid loug we' ngoonya: myojid" wigi nyang: myhang: thang Aseing khokham ri shau" myang bye:» ein: tid bye:.

NGOUG JI: 5:7

Ngoonu" da" phoug" phyid" yigi yooboo shoid vhang: boem wigi shid: loo" boem bye:. Nyangnu" da" yooboo yoomo ngoonu" kyi" khyeug kham zo: nyid.

DANIELA 9:15

O" Aseing ngoonu" da" Mangsoo we"- nang gi re" byumyu" yiri Egutu mo shu" thu yu lho: re" yoem: so' ri ci: shug byid: da:. Houg: lho: re" yoem: so' ri damyid boin: nyid boem ashi"- ngoonu" gi yooboo shoid boem bye:. Ngoonu" gi shoid vhang: zi koid boem bye:.

DANIELA 9:20

Ngoo gi nga" da" yooboo joem yo' nga" byumyu" yi da" yooboo joem ri yhen: yu zoo" re akyu" xo' mho' nyid. Houg: lho: Aseing nga" Mangsoo ri nya: da" gyeung" shang: Noku Yhoem: Moo" ri doem zhug too" wa shid re" mho' yoid nyid.

DANIELA 9:4

Ngoo gi Aseing nga" Mangsoo ri akyu" mho' lho: nga" byumyu" yi da" yooboo joem ri yhen: yu bye:. Ngoo mho' zigi «Aseing Mangsoo we"- nang gi gyi: sheung: wigi nang ri ngoonu" ngi: shab byid: da:. Nang gi dang: theing adang moo jhug zug zi we' nang wigi jheddab da" bang: ri jheddab myid ci: shug byid: lho: nang amyeing" khyo' to" ziri koid da:.

DANIELA 9:5

«Ngoonu" gi yooboo shoid boem bye:. Ngoonu" gi akhyeing" ashoeb loo. Ngoonu" gi shoid moo" koid lid lo boem bye:. Nang wigi ngoonu" ri koid ca" wa amyeing" byid: to" ziri ngoonu" ngeug pyam boem bye:. Nang ngoonu" ri jo da" khyoo: ci: shug byid: to" jang" mo nungthang lheing: phug lo" boem bye:.

DANIELA 9:8

Ngoonu" da" khokham yi ngoonu" da" vhoebkhang" bang: yo' ngoonu" da" phoug phyid" yigi asho' ashid: da" moo" koid lid lo lho: Aseing nang ri yooboo shoid boem abye:.

LUKA 18:7

Khyen: yu shau" nya: byu yi da" nyid" myen" bo pang" wa shid' re" yoid mho' ngau nyid boem nghoid rigi Mangsoo gi dang: akho: byid: loo: nyid wa la". nyang: gi houg: bang: ri pang" thoug byid: wa shid' re" nhe" nyid wa la".

Ephesu 2:3

Gyeung" nyang: ngoonu" dangain" bang: we' nyangnu" yhang: ti" ngoonu" nya: da" gung sho" aco' ajhoid da" khyoo: moo cang lo" lho: gung shoo" vho: ngei da" khyoo: yo' nheigloem: da" khyoo: ri cang zei: lo yu" boem bye. Ngoonu" da" nyid yab, khyoo: gi gootu: byu yi yo' dakhyoo" ti"- Mangsoo nheig khoo" yo: da" dam shau" moin: mo, nghoid nyid.

1 TIMOTHI 5:5

Lo, ti" phyeug lhoo: nyang: ri yu" goin, coung: wa byu hang" aboo lo: da" cougmoo" myhi, gi Mangsoo ri myid' loin" nyid ziyo' nyid" ri myen" ri akyu mho' nyid wigi Mangso pang" thoug wa ziri vho: ngei nyid.

2 TIMOTHI 1:3

Nga" phoug" phyid" yi koid yhang: ti" gyeungshang: da" e" myed yo' ngoo loemkhau: nyid da" Mangsoo ri ngoo coung" byid: nyid ngoo gi nyid" ri myen" ri akyu' mho' da" jang" moo nang ri ajang" daboin: so" nyid ziyo' Mangso jeju" ri boin: coung" nyid.

1YOHAN 1:9

Nghoid loug we' ngoonu" da" yooboo joem ri Mangso shid moo toin" shid' yhen: yu mho' tung" pain: boem nghoid rigi nyang: gi nya: da" dangsoo" khoin" ri ci: lho: wigi deingmain" da" moo" ri zei: nyid su: nghoid ziyo' dakhyoo" ti"- ngoonu" da" yooboo ri khyoid pyam byid: wa ziyo' shoid vhang: peig rhue, lo" khyoo: dangain" jang" mo ced" khyoid' ced" shang: yu byid: wa zi nghoid.

1 SAMUELA 15:11

«Ngoo Sholu ri khokham koid nhang: zi gye" nheig koug bye:. Nyang: gi nga" jang" mo nung phug lo" wigi nga" amyeing" ri we' atam" gyoo: nghoid da» ga: tid. Samuela gi nheigloem: yoin wigi damyen goin" Aseing jang" moo mho' yoid nyid da:.