NEHEMIA 1:11 - Lacid Common Language Bible

¹¹ Akhid" nga" akyu" mho' dang: ri tam" gyoo: byid: lho: nang ri ngi: shab byid: noug myid boo da" dei zoo: yi gooji da" akyu" mho' dang: ri we' tam" gyoo: byid: la. Akhid" nyid" ngoo ri oung: doid nhang: la. Khokham pho wigi ngoo ri nheig khyeug wa khyoo: koid byid: we'› ein: akyu" mho'. Hau: ayo, gu: moo ngoo gi khosen pho da" zabyid yhid: jang di" byid: yug nghoid.

NEHEMIA 1:11 Iomraidhean Croise

APOEM AYANG: 24:42

«Akhanyid" ngoo gyid thung" moo ju" uri ngoo gi ‹Nga" yhoem: seing: Abraham da" Aseing Mangsoo ri ngoo zei: wa da" moo" moo oung: doid khyoo: byid: we'.

APOEM AYANG: 32:11

Ngoo ri nga" mang: Eso jang" mo khyoid yu we' ngoo mho' nyid. Ngoo gyoug nyid. Nyang: gi ngoonu" ri re" zain: lho: myiyi: yo' zooshang: yiri we' ngoonu" dangain" ri said pyam loo wa ziri gyoug nyid o".

APOEM AYANG: 32:28

Yuggi phoo gi «Re" myeing Yaku anghoid loo wa. Nang gi Mangsoo yo' we' byu yo' we' thougtheung loo bye: wigi nang oung: abye:. Houg: yoomo re" myeing gi Israela nghoid bye:» ga: tid.

APOEM AYANG: 40:1

Gyisho' amyang" ri Egutu khokham pho da" zabyid yhid: dei su: yo' moug bung: su: tang: gi khokham ri yooboo shoid.

APOEM AYANG: 40:2

Khokham phoo gi moo" voin tang: ri nheig yo: lho:

APOEM AYANG: 40:21

Nyang: gi zabyid yhid: jang su: rigi xang: shi" mo nya: moo" moo doem zei: nhang:.

APOEM AYANG: 40:23

Nghoid loug zabyid yhid: jang su: gi Yoseb ri amyid boin:- nya: khyoo: ri dangain" to" myhed pyam da:.

APOEM AYANG: 41:9

Hau: thang: zabyid yhid: jang su: gi khokham ri «Ngoo zei: shoid to" da" khyoo: ri akhid" nyid" ngoo yhen: yu ba.

APOEM AYANG: 43:14

Myhang: thang Mangsoo gi hau: nheigboo phoo gi nanu" ri nheig khyeug shoo" myen: nyid baja". Nyang: gi Benyamin yo' nanu" mang: nhung" phoo Simun ri nanu" lo, khyoo: doem tau" ab kaid baja". Ngoo nya: shid re" koem' gi ngoo nga" zooshang: yiri ci: phyug pyam nghoid rigi byug loo" baja"» ga: tid.

2 KHOKHAM MHOOMYID: 6:40

«O" nga" Mangsoo we"- akhid" ngoonu" ri yu" lho: he: joyoo moo akyu" mho' da" dang: ri tam" gyoo: byid: la.

EZRA 1:1

Lapi: Yeremia khyo" wigi Aseing nyang: tid da" dang: gi Persi khosen Kuru khokham bue" da" xang: shi" zain ri deung loo bye:. Nyang: gi Kuru da" nheigloem: ri nhoug" byid: wigi nya: mungdain: goin" moo vhoo: mo amyeing" dang: ri lhid" foin: lho: damungdain: goin" shoug" gyoo: sho' nyho: nghab nhang: bye:.

EZRA 7:6

Ezra gi Israela byumyu" yi da" Aseing Mangsoo Moshe ri byid: da" joeb byeung" lasi laleug da" tarha" phajhi" seing: dayug nghoid nyid da:. Ciwim ga: ri Ezra gi Aseing Mangsoo da" mainkaid jeju" ri shoug" yu ziyo' nya: mho' gu: dangain" ziri khokham gi nyang: ri byid: da:. Artaxaxe khokham koid zi nyhed zain ein: zain ri Ezra gi Babelon mung" mo Yerusalem khyoo: Israela byumyu" daphung: we' khainjung yi we' Levi yi we' Noku Yhoem: Moo" mo music phung: we' Noku Yhoem: Moo" zung" mo, we' moo" zei: mo, we' shu" wigi thu loo bye: zi nghoid.

NEHEMIA 1:6

Aseing we"- Ngoo ri yu" yu" we' Houg: lho: re" dei zoo: yi nghoid da" Israela byumyu" yi shid re" myen" ri nyid" ri ngoo akyu" mho' nyid da" uri nga" akyu" mho' dang: ri gyoo: byid: la. Ngoo gi ngoonu" Israela byumyu" yi yooboo shoid bye: khyoo: ri yhen: yu nyid. Nga" phoug" phyid" yo' ngoo gi yooboo shoid bye:.

NEHEMIA 2:1

Lhammoo" myid: khyab myang" thang: danyid" nyid" ri khosen Artaxaxe voem: zo: nyid uri ngoo gi nya: jhang zabyid yhid: ci: yhi: byid: bye:. Nyang: gi lid: lo da" ayo, cang ngoo myonhoo: byo, nheig koug nyid ziri khanham we' amyang yu" yoomo

NEHEMIA 2:8

Ngoo gi Noku Yhoem: Moo" lhoug zung" mo, nyid wa gyikhoug: zung khoem" moo" joem koid wa shid re" we' voomoo" vang joem koid wa shid re" we' houg: lho: ngoo nyid wa yhoem: shid re" we' seig voo: pang" thoug byid: wa akhang" ri khokham da" seig moo" yoo lhoug zung" su: Asab mo yo" yu wa mougsoug" dakhyab ri mho' yu bye:. Mangsoo gi ngoo yo' dage" nghoid lho: khosen phoo gi ngoo mho' zi dangain" ngoo ri byid: da:.

COUNG" NGHEI 106:46

Nyangnu" ri shen" yhen pyi: sho: nyid bang- dangain" mo, da" nheigloem: ung: khoug: moo nyangnu" ri nheug yu" khyeug nyid.

COUNG" NGHEI 130:2

Aseing we"- nga" ngau yoid thui: ri tam" gyoo: byid: we'. pang" thoug yu wa shid mo- nga" mho' sang: dang: ri tam" gyoo: byid: we'.

COUNG" NGHEI 61:5

Mangsoo we"- nang gi nga" da" dang: theing khoin" joem ri shoug" gyoo: bye:. Nang ri phoug" tab ngi shab mo, ri byid: da" agyid asoo: joem nang gi: ngoo ri byid: abye:.

COUNG" NGHEI 86:6

Aseing we" nga" akyu" mho' da" dang: ri tam" gyoo: byid: we'. Pang" thug byid: wa shid re" ngoo mho' yoid thui: ri gyoo: byid: we'.

DANG: ZHOEM 1:29

Nanu" gi lasi phajhi" dajhi' rilang" khanham we' ase' yhoung: yu" ziyo' Aseing ri gyoug phau" myang: wa shid re" we' khanham we' atam" gyoo: nghoid ago".

DANG: ZHOEM 21:1

Aseing gi gyid lang ri khang" nyid ziyo' dakhyoo" ti" khokham nheigloem: ri we' lei lei, za: khang" byid: nyid.

YEREMIA 42:12

Ngoo gi nheig khyeug shoo" myen: yug nghoid yoomo nyang: nanu" ri nheig khyeug sho' ngoo koid wigi yhoem: khyoo: tau" loo" nhang: wa. Ngoo Aseing tid too" bye:›.

MALAKHI 3:16

Hau: thang: ri Aseing ri gyoug phoug" mo, nyang: cang" tid go" nyid da" dang: gi «Aseing gi shoug" gyoo: bye:- Aseing ri gyoug phau" myang: nyid mo, da" khyoo: ri Mangso shidkhoin" mo lhid" xoem" pug moo lhid" too" bye:.

HEBRE 13:18

Ngoonu" shid re" anoo: ayab, loo: akyu" mho' nyid ge'. ngoonu" gi ngoonu" nya: da' phug soo" lheig myid yu" e" myed gi gyeing" gyeungshang: shang: nghoid da" khyoo: ri loem" jeung" nyid boem. Khasu" wim gari ngoonu" gi ayo, loem: khang" moo" moo deingmain" da" moo" zei: nau nheigloem: bo nyid boem.