MIKHA 6:3 - Lacid Common Language Bible

³ Aseing tid zigi «Nga" byumyu" yi we" ngoo gi nanu" ri cikoid byid: bye: la". Ngoo gi nanu" shid re" yoolid: bue" lid loo bye: la". Phuid: kyo" yu" shi" we'.

MIKHA 6:3 Iomraidhean Croise

COUNG" NGHEI 50:7

Nga" da" byumyu" yi we' tam" gyoo: ge' ngoo dang: tid wa. Israela we' ngoo nang ri yooboo foin: da" sagse: kham' kyoo" ba. Ngoo gi Mangsoo- re" da" Mangsoo nghoid.

COUNG" NGHEI 51:4

Ngoo gi nang ri yooboo koid shoid bye:- nang ri za: shoid bye:. Nang myid yu" da" akhyeing" ashoeb khyoo: ri ngoo zei: shoid pyam bye:. Houg: yoomo ngoo ri tarha" dang: phyed khyoo: moo nang gi deungbyeung" nyid da:.

COUNG" NGHEI 81:13

Nga" byumyu" yigi ngoo tid da" dang: ri tam" gyoo: byid: wa zi ngoo khayhi' gyeing" myid vho: nyid lha". Nyangnu" gi ngoo moo: tam" gyo: cang loo wa zi ngoo khayhi' gyeing" nheug byu nyid la".

COUNG" NGHEI 81:8

Nga" byumyu" yi we' ngoo tid poin" nyid da" dang: ri tam" gyo: yu ge'. Israela byumyu" yi we' nga" dang: ri nanu" tam" gyoo: wa shid mo ngoo khayhi' vho: ngei nyid lha!

ESAIA 5:4

Hau: khyam: shid re" ngoo daja: ja: akoid loo: to" too" kho' rhe". Houg ri ciwim yoomo ngoo myid lang" nyid da" cau: da" zabyid shi" azei: loo: za: zabyid shi" jhen: joem za: zei: thu lo la".

YEREMIA 2:31

Israela byumyu" yi we"- ngoo tid nyid ziri tam" gyoo: we'. Ngoo gi dain" pyoid yoo yhang: ti" moug coid yhang: ti" yo' gyoug ca" da" mougmyid yhang: ti" bue" lo" zi shau" yu" la". Hougsu" nghoid ri ciwim yoomo nanu" gi nga" jhang khanham we' atau" phang: loo" loo wa ga: nanu" nyang: vho: khyo" koid wa ein: tid boem go" la".

YEREMIA 2:5

Aseing «Nanu" da" phoug" phyid" yigi ngoo ri ce: yooboo zhug wigi thougtheung bye: go" la". Ce: wigi nyangnu" ri ngoo mo lheing: phug loo" nhang: la". Nyangnu" gi ce: phoug" adab da" soolhoo: joem ri no' wigi Nyangnu" nyang: we' ce: phoug" adab bue" da:.

MIKHA 6:5

Nga" byumyu" yi we"- Moba khokham Balag wigi nanu" ri khasu" koid wa ga: soin' bye: ziyo' Beora da" nya: zoo:- Balam wigi nyang: ri khasu" phuid: kyo" ziri myid boin: ge'. Shug theung: jang: mo zi Gilgala ju" sho' khyoo: moo bue" lo da" gyung: khyoo: ri we' myid boin: we'. He: gu: ri myid boin: nghoid rigi nanu" ri khyoid yu wa shid re" ngoo ce: noem koid loo bye: ziri nanu" boin: so" boem wa zi nghoid»

Roma 3:19

Tarha" moo bo da" zi dangain" gi - tarha" khoug: moo nyid mo shid' re" za: danghoid da" khyoo: - byu yi da" kyiyang myeing da" nhoid' joem ri nghoeb' pyam' byid: wa zi yo" - xangsu: byu dangain" gi - Mangso: da" tarha" dang: phyed' da khyoo: ri kham nhang: wa shid' re" nghoid. da" zi ri akhid" ngoonu" se boem bye.