MIKHA 4:4 - Lacid Common Language Bible

⁴ Byu yugkhang" moo" gi nyang: nya: da" zabyid khyam: yo' lafoem' khyam: khoug: moo yug yo myenjham" za: yo" nyid loo" goo" wa. Nyangnu" ri kyoug: nhain wa byu aboo loo. Yoem: moo" bo da" Aseing gi he: da" dangsoo" khoin" ri byid: too" bye:.

MIKHA 4:4 Iomraidhean Croise

1 KHOKHAM 4:25

Nyang: nyid nyid da" ayo, dangain" moo Yuda yo' Israela byumyu" yi goug: nyu: tung" shoug" nyid boem wigi yhoemkhung: khang" moo" nyang: yug nya: zabyid nei joem yo' lafoem gam joem ri seing: nyid boem bye:.

1 KHOKHAM 5:5

Aseing gi nga" phoo David ri dangsoo" byid: to" zigi «Re" thang: moo ngoo khokham aya: byid: to" da" re" zoo: gi nga" shid re" Noku Yhoem: Moo" koid wa zi nghoid ga: yoomo akhid" ngoo nga" Aseing Mangsoo ri noku wa shid re" Noku Yhoem: Moo" koid wa khyo" myid phyed too" bye:.

YOBA 11:19

Nang gi re" gyivoo joem ri agyug ca". Byu myoo" sho' bang: gi pang" thoug yu wa shid re" nang ri re" mho' boem wa.

COUNG" NGHEI 72:3

Mougmyid yoosoo" gi yo" loo de lo da" khyoo: ri goug goug yi yi shoug" kham: yu goo" baja"- deing: byeung" khyoo: moo: cang lo" nyid goo" baja".

DANG: ZHOEM 3:25

Akhyeing" ashoeb bang: da" atho' moo: gi uglid moo" hau, lid lo" yhang: ti"- dalheing: dam nyid dain, tung"- shid: gyoin' ju" lo ziri nang agyug noo".

ESAIA 1:20

Nghoid loug we' nanu" ngoo ri aphoug" thougtheung boem nghoid rigi nanu" shid: doem goo" wa. Ngoo Aseing tid too" bye:» ga: tid da:.

ESAIA 17:2

Suri voomoo" joem gi apyaid atoo: moo jham" coug: youg bue" jo, wa. Hau: joem gi yang yo' nu: joem shid re" coung" yoo bue" byug wa. Hau: joem ri hang" we' akhaid pyam goo” wa.

ESAIA 22:25

Hau: zi bui" lang" teing za: tei" tab to" da" dung" zeing gi shui: wigi gyo" loo" wa. Hau: zigi hau: adang moo lhang" to" da" gu: ja: khang" mo" da" lo" thang zi nghoid wa» ga: tid da:. Aseing gi tid too" bye:.

ESAIA 26:16

Aseing we"- nang gi re" byumyu" ri yooboo dam byid: wigi yau: khi" moo nyangnu" nang ri akyu" mho' ago".

ESAIA 32:17

Yugkhang" moo" gi jo ziri koid loo wa yoomo ngei pyo: yug yo ziyo' goem loem zigi apyaid atoo: bui" jo, wa.

ESAIA 36:16

Hezekia dang: atam" gyoo: goo". Asuri khosen gi nanu" ri voomoo" mo thu re" lho: asoem" byid: lo, tu: goo" wa shid re" nanu" ri amyeing" byid: kaid da:. Nanu" dangain" gi nanu" nya: da" zabyid nei mo zabyid shi" ri we' nanu" nya: da" lafoem' gam mo lafoem' shi" ri zo: nhang: wa. Houg lho: nanu" nya: gyid thung" mo gyid ri we' shug nhang: wa.

ESAIA 40:5

Hau: thang: Aseing da" phung" yoeb ri toin" shid wa wigi xangsu: byu dangain" hau ziri shau" myang loo wa. He: ziri Aseing nyang: nyang: dangsoo" byid: to" abye:» ga: nyho: nyid da:.

ESAIA 54:14

Tarha" deingmain" ziyo' jo zigi nang ri yoem: boo nhang: loo wa. Nang gi zeig zo: ziyo' gyoug ci' jang" mo goem loem zi shoug" yu wa.

ESAIA 58:14

Ngoo ri dei byid: da" khyo" wigi ju" re" da" ngei pyo: ziri nanu" shau" yu loo goo" wa. Ngoo gi damougmyid goin" mo bang: wigi nanu" ri ngi: shab byid: nhang: wa. Houg: lho: nanu" phoug" phyid" ri ngo wigi byid: to" da" mungdain: moo nanu" ri ngei pyoo: nhang: wa. Ngoo Aseing da" nhoid mo nyang: tid too" bye:» ga: tid.

YEREMIA 23:4

Nyangnu" ri goin coung: byid: wa shid re" vhoebkhang" bang: ri ngoo moo" foin: too" wa. Nga" byumyu" yigi gyoug zi dain zi khanham we' ashoug" loo goo" wa. Ngoo nyangnu" ri yooboo dam adoem byid: loo wa. Ngoo Aseing tid too" bye:» ga: tid da:.

YEREMIA 30:10

Nga" byumyu" yi we"- agyug goo"- Israela byumyu" yi we"- agyug goo"- adain goo". Ngoo gi nanu" ri hau: ve: da" mungdain: mo nanu" thung: byu bue" nyid boem da" mungdain: mo nanu" ri khyoid yu wa. Nanu" yhoem: khyoo: tau" lo wigi ngei pyoo: yug yoo tung" shoug" nyid loo goo" wa. Nanu" goem loem khyoo: shoug" yu wigi hang" dayug we' nanu" ri kyug nhain' wa zi anghoid.

EZEKIEL 34:25

Ngoo gi nyangnu" da" goem loem khyoo: shid re" loem ge" da" dang: theing daloem: ri nyangnu" yo' koid too" wa. Ngoo gi hau: mougmyid mo gyoug ca" ja: gougnyhoug joem dangain" ri shoem" yu pyam wa. Houg: lang" nga" yang joem gi coung" yoo moo goem loem tung" yo" nyid wigi siyoo khoug: moo yo" yhoeb loo wa.

EZEKIEL 34:28

Yu soolhoo: no' bang: gi nyangnu" ri alhoid zoo: loo goo" wa. Houg: lho: gougnyhoug lam" joem gi nyangnu" ri angaid said zoo: loo goo" wa. Nyangnu" gi goem loem tung" yo" nyid wa. Nyangnu" ri hang" wigi we' akyug tain' loo goo" wa.

EZEKIEL 38:11

Nang gi gyikhoug: zung ajo,- vang khyam: abo da" voomoo" joem moo yug yoo myenjham" ziyo' goem loem tung" nyid boem da" byumyu" yi joyoo' khyang: khyang: de: de: mungdain: khaid jhen" vang seing: yu wa shid re" myid phyed loo goo" wa.

EZEKIEL 39:26

Nyangnu" gi nyangnu" da" mougmyid moo hang" wigi we' akyug nhain' loo: goem loem tung" dalheing: doem" lo" nyid boem uri nyangnu" gi ngoo mo phug lo" byug boem yoomo nyangnu" ngi: yoem" shoug" khyoo: ri yo" to" myhid pyam boem goo" wa.

XOIN" NGEI" 26:6

Ngoo gi nanu" mungdain: ri ngei pyoo: yug yoo nhang: wigi nanu" gi hang" ri we' agyug ca" loo: yo" yhoeb wa zi nghoid. Ngoo gi nanu" mungdain: khoug: mo gyoug ca" gougnyhoug joem ri yu pyam byid: wa wigi houg moo meing: byo, zi ajo, loo: wa.

MIKHA 5:3

Hougsu" nghoid wigi myhi' zeing gi zoo: khu: re" jang" moo ju" sho' Aseing gi nya: byumyu" yiri nyangnu" da" gyivoo joem lo, khoug: moo she: pyam too" wa zi nghoid. Hau: thang: ri tungbau moug: moo pyoung" to" zi shau" da" Israela byumyu" yi gi nya: da" moug: moo nyid yam: cang" yi yo' dage" doem shoug" shoin" nyid wa nghoid.

ZEPHANI 3:13

Deung nyid da" Israela byumyu" yigi age da" akhyeing" ashoeb khyoo: ri akoid boem loo: za: mhoug" we' amhoug boem loo:- eig phug eig shoid we' akoid boem loo:. Nyangnu" gi nyid gi yab ge lho: gau: nyu: goem loem nyid boem wigi hang" ri we' gyoug anoo" boem loo.

ZEKHARIA 3:10

Hau: da" bidnyid moo nanu" yugkhang" moo" gi nanu" da" zabyid khyam: joem yo' lafoem' gam joem lheung khoem to" da" jang" moo myenjham" khyoo: yo' gau: nyu: khyoo: ri re" bo kham zoo: wa shid re" nyang: nya: da" yhoem: kyoo" cang" yiri khe: boem wa nghoid» ga: Aseing tid nyid.