MIKHA 4:1 - Lacid Common Language Bible

¹ Lo" thang da" bidnyid ayo, moo gi Noku Yhoem: Moo" jo, da" boem gi bouggung dangain" atho' moo myhang: thang boem nghoid wa byumyu" yi myoo" sho' bang: gi houg: khyoo: lo" boem wa zi nghoid.

MIKHA 4:1 Iomraidhean Croise

APOEM AYANG: 49:1

Yaku nya: zoo: tang: yiri khe: yu lho: «Zeing: loo ge'. he: thang: nyid" nanu" cisu" bue" loo wa khyoo: ngoo nanu" ri tid wa.

APOEM AYANG: 49:10

Yuda gi khokham lhamdung: ri ci: su: nghoid. Houg: lho: nya: amyed ashen gi ajang" davhoeb khang" nyid wa bye:. Byumyu" yigi nyang: ri kheing" di" byid: wigi Nya: shidkhoin" moo tam" gyo: vhu" nghuid" nghuid" boem wa bye:.

COUNG" NGHEI 110:3

Re" da" gyivoo joem ri: nang khaid zain: da" bidnyid moo re" da" byumyu" yigi yhoem: seung: myid khyo" bo vang pang" lo boem wa nghoid. Nab soin no' re khyo' da" nghain: jhu" yhang: ti" re" da" zoolu yigi nang nyid da" gyeung" shang: boem tho' khyoo: ju" lo boem wa zi nghoid.

COUNG" NGHEI 22:27

Byumyu" yi bain sho mo, gi Aseing ri boin: so" loo wa. Mougmyid gyab, goin" mo mo, gi re" jhang khyoo: doem tau" lo boem wa nghoid. Byukung: byuko' dangain" gi nyang: ri noku coung" pid lo boem wa nghoid.

COUNG" NGHEI 48:1

Aseing gi gyi: sheung:- myhang: thang su: nghoid khyoo: ri: nya: gyeung" shang: da" boem tho' moo: jo, da- ngoonu" Mangso da" voogung moo coung" nghei nyid ge'.

COUNG" NGHEI 86:9

Nang phain" so: to" da" byumyu" dangain" mo, gi re" jang" moo: re" lho: poid thoug lo boem wa nghoid. Nyangnu" gi re" da" nghoid thang khyoo: ri coung" byid: lo boem wa zi nghoid.

ESAIA 27:13

Hau: bidnyid ju" lang" Asuri yo' Egutu mung" moo yhe: pyoung" shu" nyhid: too" shau" da" Israela byu dangain" ri doem khe: tau" yu wa laboo" ri moid loo goo” wa. Nyangnu" gi Aseing da" gyeung" shang: bouggung tho' mo jo, da" Yerusalem mo Aseing ri lo noku byid: loo goo" wa.

ESAIA 43:6

Ngoo gi mougzhung: we"- houg: bang: ri nhang: kaid byid: we'. Mougpyi: we"- houg: bang: ri atoem' too" ein: tid wa. Nga" byu yiri ve: da" mungdain joem mo mougmyid khyi khang" moo" mo thu loo nhang: wa.

ESAIA 49:6

Aseing gi ngoo ri «Nga" dei zoo: we"- re" shid re" je gyi: da moo" nga" jang" moo jo,. Nyid deing nyid da" Israela byumyu" yi gyi: sheung: wa shid re" nang ri nyhid: too" wa zi za: anghoid. Mougmyid dangain" khyoid yu zi shoug" wa shid re" ngoo gi nang ri byumyu" yi da" bidbang ri we' bui" nhang: wa» ga: tid da:.

ESAIA 54:2

Re" zoem" ri je gyi: sho' koid we'. Hau: da" tei" joem ri je sheing: sho' koid lho: doung" zeing joem ri teing sho' koid we'.

ESAIA 56:7

«Ngoo gi nanu" ri nga" gyeung" shang: bouggung Ziun khyoo: shu" yhe: wigi nga" akyu" mho' yhoem: moo nanu" ri ngei pyo: khyoo: byid: wa. Houg: lho: nga" phoin: adang moo nanu" ngei" byid: da" xoin" joem ri khab yu byid: wa. Nga" Noku Yhoem: Moo" gi byumyu" dangain" da" akyu" mho' yhoem: ga: myheing loo goo" wa» ga: tid da:.

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

YEREMIA 26:18

«Hezekia Yuda khokham koid nyid uri Moreshed mo lapi: Mikha gi Myhang: thang Aseing tid da" khyoo: ri byumyu" yiri tid kyo". Hau: zigi ‹Ziun gi yoothung" yhang: ti" phug se: pyam zi shoug" wa. Yerusalem gi byo, yoin" jo, boem wa Houg: lho: Noku Yhoem: Moo" gi seig moo" yoo bue" byug wa› ga: tid.

YEREMIA 3:17

Hau: ayo, ju" loo lang" Yerusalem ri ‹Aseing da" zhungtang› ga: myheing loo goo" wa. Houglho byumyu" yigi hau: joyoo moo ngoo ri noku wa zeing: foem: loo goo" wa. Nyangnu" gi nyangnu" da" nheigloem: thain: ziyo' akhyeing" da" nheigloem: wigi tid da" khyoo: ri kha nham' we' acang koid loo goo" wa.

YEREMIA 31:12

Nyangnu" re" wigi Ziun boem tho' moo ngei pyo: jikhoin" khoin" boem wa. Houg: lho: nga" jhungshug joem yoomo gau boem goo" wa. Hau: jhungshug joem gi shivoo- zabyid yhid:- zhainloin: xu: Yang yo' nu: jhungshug joem nghoid da:. Nyangnu" gi gyid goolhoo' za: shoin" da" khyam: yo' du loo goo" wa. Nyangnu" ca" ja: ja: khang" moo" yo" yu loo goo" wa.

YEREMIA 48:47

Nghoid loug we' doem ju" loo wa da" ayo, moo Aseing gi Moba ri doem nyid de: nhang: wa. Aseing tid to" gu: dangain" gi Moba dang moo bue" loo wa.

EZEKIEL 38:16

Nang gi mougmyid moo hau' lid: lo" da" uglid yhang: ti" nga" byumyu" Israela ri khaid zain: loo wa. Hau: ayo, ju" loo lang" ngoo gi byumyu" yiri ngoo hang" nghoid ziri ci: shug byid: wa yo' nang khyo" wigi ngoo koid lo" da" moo" moo nga" gyeung" shang: ziri ci: shug byid: wa shid re" nang ri nga" da" mougmyid khyoo: jhen" vang yhi: nhang: kaid wa.

EZEKIEL 40:2

Yoeb myang daloem: moo: Mangsoo gi ngoo ri Israela mougmyid khyoo: shu" lo" lho: ngoo ri myhang: da" boem daloem moo lo" nyhid: to" da:. Ngoo gi nga" shidkhoin" mo voomoo" yo' du da" yhoem: joem ri shau" myang.

EZEKIEL 43:12

He: zigi Noku Yhoem: Moo" da" tarha" nghoid da:. Boem gung lheing khoem mo joyoo dangain" gi younglho' wigi gyeung" shang: da» ga: tid.

DANIELA 10:14

Ju" loo wa da" ayo, moo re" byumyu" yi ce: noem thung" shau" wa ziri nang ri se' gyo: nhang: wa shid re" ngoo ju" re" zi nghoid. He: zigi ju" lo wa da" ayo, yo' sen da" yoeb myang nghoid» ga: tid da:.

DANIELA 2:28

Nghoid loug we' yau: da" mau" pho" khyoo: joem ri yo" pang shug su: mougkhung: mo Mangsoo dayug koem' nyid da:. Nyang: gi ju" loo wa da" ayo, moo bui" wa ziri aseing: khokham nang ri ci: shug byid: abye:. Nang yhoeb jo, uri mo, da" yhoebmo, yhoeb myang ri akhid" ngoo nang ri tid kyoo" ba.

DANIELA 2:35

Houg: jang: joto'- zhoo" nhau:- gyid: mid"- ngei yo' sheing: joem gyoeb gyo" wigi xung" gung gug nang: jang: mo pheilhoug: yo' dakhyoo" ti" bue" lo ago". Houg: zi dangain" ri lid hau' wigi moid tang" pyam lho: ce: khoo: we' ateing too" khoo' nghoid da:. Nghoid loug we' hau: lugzeing gi gyi: re" lho: mougmyid dangain" ziri nghoeb pyam da" boem bue" lo da:.

DANIELA 2:44

Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.

DANIELA 7:14

Nyang: ri akhang" aya- ngi: shab khyoo: yo' khokham yoem: so' byid: to" zi nghoid yoomo mungdain: dangain" byumyu" yi myeing" cang: joeb bang: wigi nyang: ri dei byid: ago". Nya: da" amyeing" akhang" gi apyaid atoo: jo, jo, wigi nya: mungdain: gi khanham we' byo, thang loo" wa zi anghoid.

DANIELA 7:18

Houg: lho: gyi: sheing: myhang: thang Mangso da" byu yigi khokham yoem: so' ri shoug" yu wa wigi hau: ziri apyaid atoo: moo zoem: ci: loo goo" wa» ga: tid da:.

DANIELA 7:22

Hau: thang: apyaid atoo: moo dei nyid yug re" lo lho: gyi: sheung: myhang: thang Mangso da" byumyu" yi shoid bo dab wigi dang: phyed zi tid kaid da:. Mangso da" byumyu" yi khokham yoem so' yo" yu wa yo, ju" loo bye:.

DANIELA 7:27

Mougmyid tho' moo mungdain: dangain" da" yoem: so' yo' gyi: sheung: ziri gyi: sheung: myhang: thang Mangso da" byumyu" yiri byid: pyam wa. Nyangnu" da" khokham yoem: so' gi khanham we' thang byug wa anghoid. Houg: lho: mougmyid tho' mo vhoebkhang" bang: dangain" gi nyangnu" ri coem' dei byid: ziyo' tid dang: gyo: loo: goo" wa.

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.

MIKHA 3:12

Hougsu" wigi nanu" yoomo Ziun gi yoothung" yhang: ti" phug sain" pyam zi shoug" wa. Yerusalem gi byo, yoin" jo, wa gyeung" shang: da" Noku Yhoem: Moo" bouggung we' yooyang" no, bue" loo" wa.

ZEKHARIA 14:10

Mougzhung: shoid mo Geba moug: mo wigi mougpyi: shoid Rimon joyoo ju" sho' damung" goin" pa: dam bue" loo wa zi nghoid. Yerusalem gi ayam aqei: moo jo, da" mungdain: dangain" tho' moo je" myhang: da" myid byu jang: bue" loo wa zi nghoid. Hau: da" vang gi Benyamin khoem" duang: mo zi xang: shi" mo vang nghoid da" vang jhoin: mo khoem" duang: moo ju" loo" sho' Hanaela gyipyu zung mo wigi khokham yi da" zabyid pyeig jang: moo ju" sho' gyi: sheung: loo" wa zi nghoid.

ZEKHARIA 2:11

Hau: da" bidnyid ri byumyu" myoo" sho' bang: gi Aseing ri loem khoug: lo boem wigi nya: mung" byu yi bue" lo boem wa nghoid lho: ngoo gi nanu" akhoug: moo nyid wa nghoid. Nyang: yoem: moo" bo Aseing gi ngoo ri nanu" jhang khyoo: nhang: kaid su: nghoid ziri nanu" se' lo boem wa nghoid.

ZEKHARIA 8:3

Ngoo gi nga" younglho' voomoo" khyoo: doem tau" lo lho: houg: moo nyid nyid wa zi nghoid. Hau: voomoo" gi dang: zung" voo yo' yoem: moo" bo Aseing da" bouggung gi gyeung" shang: da" bouggung ga: myheing byid: zi shoug" wa nghoid.

MALAKHI 1:11

Bid thu shoid mo zi bidvang shoid khyoo: ju" loo" sho' moo nyid da" nga" mung" byu ja: khang" moo" gi ngoo ri phoug" tab ngi: shab byid: lo boem wa joyoo khyi' khang" moo" moo nyangnu" gi ngoo ri nam pyo: da" shoem: nghe' ngei" byid: boem wigi nyangnu" xoin" joem dangain" ngoo ri phoug" tab ngi: shab byid: lo boem wa zi nghoid.

ACTS 2:17

Mangsoo hid: su" ga: tid- Ngoo gi lo" thang da" bidnyid ri byu yug khang" mo" da" atho' moo-nga" Venyi foid shoin" byid: wa nghoid- nyangnu" da" nya: zoomyi: nu" yi: yo' yug gi nu" yi gi Nga" mungdang: ri kho" kyo" lo boem wa zi nghoid. Nyangnu" da" zoolu: yi gi-yoeb myang gi ri myang goo" wa hau: lho: nyangnu" da" mang: zoo: yi gi-yhoeb, mo, myang goo" wa nghoid.

HEBRE 1:2

Nghoid loug we' he: da" lo" thang apyaid' ayo, moo koem gi nya: zo: nhoid mo wigi ngoonu" ri nya: mungdang tid too" byid: bye. Hau: nya: zoo: yo' nyang: jo, moo jo, ri phain" so: too" byid: bye. Lo" thang jang" moo gi mougmyid jo, moo jo, ri vhoeb khang" wa nyang: ri Aseing bui" wa shid re" khyen: nyheung too" bye.

2PETRU 3:3

Hau: da" lo" thang bidnyid joem moo gi nyang: tu: nya: gungshoo" aco' ajhoid da" nheugloem: vho: khyo" cang wigi kangso' dei bang: thu' loo wa ziri dangain" da" shid moo se' too" ge'. Nyangnu" gi nanu" ri juang" yi zoore"- Hau: Aseing: doem ju" ri" wa ga: dangsoo" khoin" byid: to" anghoid goo" la". akhid" nyang: khayoo: lo" lha".

Pang Shug 11:15

Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.

Pang Shug 15:4

Aseing: we"- Nang ri agyug phau" zi hang" yo" nyid wa lha". Re" da" gyi: myhang: khyoo: ri tid fu" wa shid re" hang" voem" ngeug pyam wa lha" Nang za: date: gyeungshang: nyid yoomo byumyu" cang: joeb, bain' sho' mo, gi nang koid da" moozoo" dangain" deing byeung" jo, da" khyoo: ri byumyu" cang: joeb, bang: myang loo: yoomo Nang ri phau" myang: noku lo boem wa"- ga: wigi jikhoin" khoin" nyid boem ago".

Pang Shug 20:4

Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: Aseing Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.