MATHE 8:8 - Lacid Common Language Bible

⁸ Houg: lang" gyizoug: phoo gi «Aseing we" nga" yhoem: khoug: moo nang vang ri" wa zigi amoin yi"- re" dang: dakhoin" za: tid kaid byid: we'. Houg: lang" nga" da" zooshang: gi ge loo" wam: bye.

MATHE 8:8 Iomraidhean Croise

COUNG" NGHEI 107:20

Nyang: gi: nya: da" amyeing" dang: yo' nyangnu" ri ze: gi byid: ziyo' loeb duang: khoug: mo nyangnu" ri: xue: yu bye:.

COUNG" NGHEI 33:9

Nya: mungdang: khyo" wigi mougmyid bue" loo bye:. Nya: amyeing" khyo" wigi jo, moo: jo, po thu' loo bye:.

MATHE 8:3

Nyang: gi lo, tu: lho: nyang: ri zang" tain" wigi «ngoo nau- ge san loo" we'» ga: tid. Houg: lang" hau: youg da" manggam: noo gi ge lo" byug bye.

YOHAN 1:27

Hau: yug gi nga" thang: moo da ju" ri" nghoid loug we' Ngoo gi nya: khyid: baid tei" phid: byid: wa zi lang" amoin: yi" su: nghoid- ga: tid.

LUKA 5:8

Hau: khyoo: Simun Peteru myang lang" gi Yesu da" khyid: yang: moo goeb no" lho: Aseing Yesu we"- ngoo gi yooboo shoid vhang: su: nghoid. Nga" jang" mo thu' loo" we' ga: mho' tid.

MATHE 3:11

Ngoo gi nheigloem: thid' goo" baja" ein: nanu" ri gyid moo baptisma ri byid: bye. Nghoidloug we' nga" thang: moo ju" ri" wa su: gi nga" tho' mo yoem: je boo su: nghoid wigi nya: da" khyid: baid' voin byid: wa zilang" ngoo amoin: yi. Hau: yug gi gyeungshang: Venyi: moo we' myi: moo we' nanu" ri baptisma byid: wa su: nghoid.

LUKA 15:21

Nya: zoo: tid zigi nga" phoo we"- ngoo gi Mangsoo: ri we' nga" phoo ri we' shoid vhang: bye. Houg: yoomo phoo nya: zoo: ein: we' myheing wa amoin: yi" loo. Za: nya: zoo: tid.

LUKA 15:19

Pho, da" nya: zoo: ein: myheing wa ngoo amoin: yi" loo:- vhu" kung: zoo: dayug khyo" soin: yu we' ein: ngoo lo" sang: wa.»

MATHE 3:14

Nyang: koem gi «ngoo loem: she' re" jang" mo baptisma yu wa ca" nyid da:. Nang loem: she' nga" jhangmoo dare" rhe"» ga: nyang: ri lhoem: tid da.

GYUNG: SOO" 20:8

«Dang: Theing Kuid: shid moo jo, da" lhamdung: ri yu wigi nang yo' Arun gi shava byu phung: goin" ziri khe: zheing" too" ge'. Nyangnu" dangain" da" shidkhoin" hau: joyoo mo jo, da" lug moo" zeing ri gyid yau thu ri" wa shid re" tid we'. He: khyoo: khyo" re" eig tang: gi byumyu" yi shid re" lug moo" zeing mo gyid yo" byid: wa zi nghoid. Nyangnu" yo' nyangnu" gougnyhoug shid re" shug gyid nghoid loo wa» ga: tid.

COUNG" NGHEI 10:17

O" Aseing we" nang gi nheigloem: nyhoem: khyo' khyo" mho' da akyu" mho' dang: thui: ri tam" gyo: nyid. Nang gi nyangnu" ri: yoem: foin: byid wa zi nghoid.

APOEM AYANG: 32:10

Re" dei zoo: phoo ngoo gi nang ngoo ri toin" shed wa da" nheig khyeug shoo" gyo: khyoo: yo' nheigloem: zung" khyoo: dangain" ri kham moin: su: ngoo anghoid loo:. Ngoo gi Yodan gyid lang ri gu: byed loo kho' uri lhamdung: daloem: yo' gung koem: danghoid. Nghoid loug akhid" ngoo gi hid: su" eig phung: kho' lho: doem tau" lo nyid bye:.

MATHE 8:7

Aseing gi «nyang: ri ge loo" nhang: wa shed re" ngoo ju" re"» ga: tid.

MATHE 8:9

Khasu" wim gari ngoo we' zau vhoo mo su: nghoid. Nga" vhoo: khyoo: we' gyizoo: yi myoo" sho' nyid shi. Dayug ri loo" we' ein: ri lo"- loo we' ein: lang" gi lo. Nga" deizoo: phoo ri we' hid: koid: we' ein: ri nyang: koid: nyid» ga: tid.