DANIELA 1:4 - Lacid Common Language Bible

⁴ Nyangnu" gi gung doem we' younglho': vhu" nug gi bang:- nyeing" jhau" too" bang:- jhau" ri se' gyoo: lei bang: gung doem yo' sen: wigi ca" zi aboo bang: nghoid ca". Houg: lang" za: khokham vang" moo dei byid: moo" ri nyeing" jang jang yo" zei: wa zi nghoid. Ashapena gi nyangnu" ri Babelon mougsoug" se' nghab se' lhid" sho' jhau" byid: ca" da:.

DANIELA 1:4 Iomraidhean Croise

2 SAMUELA 14:25

Israela byumyu" yi moo Absalom yhang: te" younglho' myeing gyi: da" byu hang" anyid nghoid da:. Nyang: gi vhuloem mo zi khyid: vhu" ju" sho' ca" zi ci aboo su: nghoid da:.

DANG: ZHOEM 22:29

Ngoo ri: ge da" moo" zei: su: dayug toin" shed we'. Houg: lang" khokham yi myoo" sho' mo, mo ge thang phoug" dab, thang re" je" gi su: ri ngoo nanu" ri toin" shed byid: wa.

PHAJHI" DANG: 7:19

Mung" vhoeb zoug: daxi: yug wigi voomoo" daloem ri yo" koid tho' byu dayug shid re" phajhi" juyhi: gi je akyu" yo" koid byid: da:.

ESAIA 36:11

Hau: thang: Eliakim- Shebna- Yoa bang: gi gyizoug: phoo ri «Ngoonu" ri Aramid myeing" khyo" tid ge'. Ngoonu" hau ziri se' gyo:. Hebre myeing" atid goo". Vang khyam: dang moo nyid boem da" voobyu yi tam" gyo: nyid ago"» ga: tid ago".

YEREMIA 5:15

Israela byumyu" yi we"- Aseing gi nanu" ri khaid zain: wa shid re" moug: vi: mo byu damyu" ri shu" lo loo wa. Hau: byumyu" gi yoem: bo wigi nyangnu" myeing" ri nanu" ase' gyo: da" goonham' mo byumyu" damyu" nghoid ago".

DANIELA 2:10

Phajhi" byid: mo, gi «He: mougmyid dang moo aseing khokham nang vho: ziri yo" tid kyoo" wa byu hang" dayug we' anyid. Khokham khayug we' gyi: thang ziyo' yoem: so' gyi: thang bang: lang" nya: da" boid phyed mo, main tain fa" mo, yo' join: zei: mo, ri hougsu" mho' zi akoid yu"» ga: tu" ago".

DANIELA 2:2

Houg: yoomo nyang: gi nya: da" boid phyed bang:- main: tain: fa" bang: yu join: khu: bang: yo' join: zei: bang: khe: to" wigi nyang: ri hau: yhoebmo, ri phuid: kyoo" nhang: da:. Nyangnu" re" wigi khokham pho da" shidkhoin" mo yab jo, boem lang"

DANIELA 3:8

Hau: ayo, moo Babelon byu dayham" gi Yuda byumyu" yiri myonhoo: shoem: nhang: wa akho: akhang" yu da" ayo, nghoid da:.

DANIELA 4:7

Hau: thang: boid phyed bang:- main tain fa" bang:- join: zei: bang: yo' lo, kyoo' yu" bang: dangain" ri khe: shu" vang lo" ago". Ngoo gi nyangnu" ri nga" yhoebmo, tid kyoo" nghoid loug we' nyangnu" hau: dang: kang: ngoo ri ayo" tid kyoo" nghoid ago".

DANIELA 5:11

Re" mungdain: khoug: moo gyeung" shang: da" yu phara" yi Venyi: bo da" byu dayug nyid da:. Re" phoo khokham bue" nyid uri he: yug gi myid lasi ge'- Lasi phajhi" bo lho: yu phara" joem da" phajhi" juyhi: yhang: ti" phajhi" juyhi: yo" ci: shug lid loo bye:. Houg: lho: re" phoo khokham Nebukhadneza gi nyang: ri boid phyed bang:- maindain si' bang:- join zei: bang: yo' lo, kyo' yu" bang: adang moo vhujhung: khyo" aya: byid: to" da:.

DANIELA 5:7

Nyang: gi main tain sara: yi join: zei bang:- lo, kyoo' yu" bang: ri khe: fang kaid wa shid re" byu dayug ri nyho: tid da:. Nyangnu" vang lo boem lang" khokham phoo gi nyangnu" ri «He: mougsoug" joem ri se' nghab lho: ngoo ri hau: joem da" dang: kang: ri yo" tid kyo" da" yug hang" ri nghoid loug we' khokham da" khalham" poo" void byisheing: foid byid: wa. Ngi: shab da" sheing: yiri we' nya: leung zeung: moo foid byid: lho: he: mungdain: da" soem" zang ein: da" joyoo moo too" wa» ga: tid da:.

DANIELA 9:1

Ahasuru da" yuggi zoo: Medi byu Dari gi Balelon mungdain: ri vhoeb da:.

ZEKHARIA 2:4

Moug: lagyoo: thang: moo ju" re" yug ri xang: shi" yug lhoem: tid zigi «Nang gei yhe: lho: hau: laki' yang: ci: su: ri hid su" ein: tid we'. Yerusalem voomoo" vang khyam: gi atho' koem" yu" loo: sho' gyi: lam: lo wigi byu yo' gougnyhoug myo: je: loo wa.

ACTS 7:20

Hau: ayo, moo gye" young" da" zoonu" Moshe gi khu: loo bye. Nyang: ri yhoem: moo lham" moo" soem" khyab, za: khu: nyid lho:

ACTS 7:22

Hau: lho: Moshe gi Egutu byu yi da" phajhi" dangain" ri jhau" yu wigi nhoid khoin" thui: yo' lo, moo" boo su: bue" loo bye.

Ephesu 5:27

Hougsu" nyang: gi hau" phung: ri yung" lho' gyeungshang: nhang: ziyo' ca" yo da" khyoo: ci" we' aboo- atug atuang akoin: ajoeb, zi anghoid loo: za: joeb byeung" ce" yoo, aboo loo: sho' nya: shid re" ced" young" kyeung shang: yu da" khyoo: nghoid.

TARHA" AGYI 8:18

Hau: thang: Gideon gi Zeba yo' Zalmunna eig tang: ri «Tabora moo re" eig yug said pyam bang: da" khyoo: gi khasu"» ga: myid:. Nya: eig yug gi «Nyangnu" gi nang yo' du da:. Yugkhang" moo" gi khokham nu" yo' du ago"» ga: tid boem.