تیتوس 3:6 - کتاب مقدس به زبان لکی - گویش مرکزی

⁶ گه خدا وَه‌سونگَ نجاددهندَه‌مو عیسی مسیح، وَه دولَمَنی روح‌القدس رِشونی‌ اَر سرمون‌اِرا.

تیتوس 3:6 Iomraidhean Croise

یوحنا 1:16

اژ پِری او کُل ایمَه بیَرَه‌مو بِردیَ، فیض اَر رُی فیض.

یوحنا 16:7

وَه ایی حالا، مِه راسیتونَ بینَ موشِم گه وَه نَفتونَ مِه بِچِم. اَرِیَگه اَرّ نَچِم، اَ هِنارَسَ نِمای اَرِه تک هُمَه؛ مِنتائای اَرّ بِچِم، او کِلَ‌مَهَم اَرِه تک هُمَه.

یوحنا 4:10

عیسی جوواو داتی: «اَرّ اژ چیئی گه خدا بی تِلافَتی پیشکَشیَ مِ، خَوَرِت داشد، ئو مَذِناسدِت کیَ گه اژ تو آوَ مِیتی، تو ووژِت اژ اوتَ مِهِست، تاگَه آو زِنیَ مَوئَشخیاتیَ بینِت.»

یوحنا 7:37

اِ روژ آخِر هفتَه عِد گه روژ کَلِنگ بیتی، عیسی هوسیا ئو وَه دَنگ کَلِنگ وِتی: «هر کی تینیئَسی، با اَرِه تک مِه ئو خُرّ دِ.

کارَل رسولَل 10:45

بِری اژ ایمودارَلی گه یهودی بین ئو وَه‌گَرد پطرس هاتوئین، بِلُجوئیو هات اَرِیَگه عطا روح‌القدس رِشیا اَر سر خِرِیهودیَل‌یش‌اِرا.

کارَل رسولَل 2:33

او ویرِ بِلِنگ بَریاءَ دس راس خداآ ئو روح‌القدسی گه باوَه آسمونی وَدَه دائیتی، گِرتیِ، ئو رِشونیَس اَر هُاراِرا، هَر یَگه اِسگَه موئینینون ئو مَشتوئینو.

رومیان 2:4

یاگَه مِرِبونی، صبِر ئو تیَمِل فِرَه خدا وَه هُیچَ مَذانین ئو نِمَذانین گه مِرِبونی خدا اَرِه یَسَ گه تو باری ویرِ توئَه؟

رومیان 5:5

ئو امید، ایمَه خجالتا نِمِهِه، اَرِیَگه مِحبت خدا وَه‌سونگَ روح‌القدس گه بَشخیاس‌ئونمو، رِشیاس اِنوم دلَلمو.

رومیان 8:2

اَرِیَگه اِنوم مسیحْ عیسی، شریعتِ روحِ ژییاین، مِن اژ قانون گنا ئو مرگ آزاد کِردی؛

اَفِسُسیَل 3:8

وَه‌یاآگه اژ کُل ایمودارَل مسیح کمتِرِم، مِنتائای ایی فیضَ بَشخیاءَ بینِم تا گنجَل مسیح گه حدِحساو نِری، اِلوم بِهَم اَر خِرِیهودیَل،

اَفِسُسیَل 4:2

اِ تاواضی کامل ئو مِلائمت، وَه صبِر ئو اِنوم مِحبت یَکتِری تیَمِل بِهَن.

اول تیموتائوس 6:17

حکِم بِهِه اَر ثرودمنَل ایی زمونَه گه قُرات نوئن ئو امیدون‌ اَر مال ایی دنیاءَ ناو گه نِمَمینی. بلکِم امیدون‌ اَر خدا بو گه کُل چی چَل‌چَل اَرِه ایمَه تیارِکَ موئینی تا اَژینو لَذت بیَریم.

تیتوس 1:4

وَه تیتوس، گه مِطابق ایمونی گه کُل اَژی بیَر دیریمونی کُر حَخمَ: فیض‌وسِلامتی اژ جونِم خداءِ باوَه ئو نجاددهندَه‌مو مسیح عیسی اَر تو بو.