تیتوس 2:5 - کتاب مقدس به زبان لکی - گویش مرکزی

⁵ ئو نوا ووژو بِگِرِن ئو نجیم ئو کِنو ئو مِرِبون ئو فِربوبَر میردَه‌لو بوئن تاگَه کسی گَن نوشیَ کلوم خدا.

تیتوس 2:5 Iomraidhean Croise

کارَل رسولَل 9:36

اِنوم شیَر یافا شاگردی زِنِه‌یَ مَهَردی گه نُم طابیتا بیتی، گه وَه زوئو یونانیَ موشِن دورکاس گه میَنا آهوئَسی. ایی ژِنَ ووژ وَخمِ کارَل خو ئو دسگیری اژ ژارِلَ مَهَردی.

کارَل رسولَل 9:39

پطرس‌یش هیزگِرتی چیَ گَردو ئو وخدی رَسی اَر اورَه، بِردونِ طَوَقَه‌سر. بیوَه‌ژِنَل کُل جیَم بینی اَر دورا، وَه گیری‌گاو جِنِکَلی گه دورکاس وخدی زِنی بی دویروئیتی، نشونونَ ما.

رومیان 14:16

اِسَه نِیلِن گَن بوشِنَ اَ چیئَه گه هُمَه خوءَ مَذانینونی.

رومیان 2:24

اَرِیَگه هَرهُنَ گه اِنوم کِتاوَل پِخَمَرَل نُیسیاءَ: «وَه خاطر هُمَه، اِنوم خِرِیهودیَل کِفِرَ موشِنَ نُم خدا.»

اول قرنتیان 11:3

مِنتائای مِم بِذانینو گه سر هر پیای، مسیحَ، سر ژَن، میردَه‌سی ئو سر مسیح خداءَ.

اول قرنتیان 14:34

ژِنَل باس اِنوم کلیسا بی‌کِش بِمینِن. اَرِیَگه صِلا قصَه کِردِنون‌ئون نانَ، بلکِم هَراَ جورَ گه شریعتَ موشی، باس فِربوبَر بوئن.

اَفِسُسیَل 5:33

خلاصَه هرکُم اژ هُمِه‌یش باس ژَنتو اِجور ووژتو دوس داشدوئی، ئو ژَن‌یش باس حُواس بوتی گه عزّت بِنی اَر میردِه‌ی.

کولُسیَل 3:18

اِاِ ژِنَل، فِربوبَر میردَه‌لتو بوئن، هُنَ گه اِنوم خداون لائقَ.

اول تیموتائوس 5:10

ئو وَه کارَل خو بشتاسِنی، یانی آیلَل خو تربیت کِردوئیتی، هُن‌هاوو بو، پال ایمودارَل مسیح شورئیتی، دردَبارَل یاری دائیتی، ئو ووژ وَخم هر کار خوئی کِردوئیتی.

اول تیموتائوس 6:1

کُل اونَلی گه هانِ ژیر دارِبرگ بَنِه‌ی‌اِر، باس اَرباوَلو لائق عزّت کامل بِذانِن تا مردِم گَن نوشِنَ نُم خدا ئو تیَلیم ایمَه.

تیتوس 2:4

تاگَه بتونِن یاء ژِنَل جِهال دَن گه میردَه‌‌دوس ئو آویل‌دوس بوئن.