تیتوس 2:2 - کتاب مقدس به زبان لکی - گویش مرکزی

² ریش‌اَسبیَل باس هوشیار ئو سنگین بوئن ئو نوا ووژو بِگِرِن ئو اِنوم ایمون ئو مِحبت ئو پایاری دُریس رفدار بِهَن.

تیتوس 2:2 Iomraidhean Croise

مَرقُس 5:15

اونَل هاتِن اَرِه تک عیسی ئو وخدی دییو اَ پیا مِلاکَت‌دارَ گه وِرِکار کَتوئیِ گیر قُشون، اِسگَه جِنِکی کِردیَسِ وَر ئو عاخل نیشتیَس اَر اورَه، زِلَ‌تِراقا بین.

لوقا 8:35

اَسَه مردِم هاتِنَ دِریر تاگَه اَ چیئَه گه اتفاق کَتوئی بوئینِن، وخدی رَسینَ اَرتَک عیسی ئو دییو اَ پیاءَ گه مِلاکَتَل اژ او هاتوئینَ دِریر، کِراس کِردیَسی‌ِ وَر ئو عاخل نیشتیَس اَر وَر پال عیسی، زِلَ‌تِراقا بین.

کارَل رسولَل 24:25

وخدی پولُس اژ صالح‌بیئین، پیَریزگاری ئو داوری گه میا بای، قصَه کِردی، فِلیکْس هِراسونا بی ئو وِتی: «دیَر بسَ! اِسگَه بِچُ. وخدی مِجالی پیا کَم، هِناتَ مَهَم‌اِر.»

رومیان 12:3

اَرِیَگه وَه‌سونگَ فیضی گه بیَسَ نَصُی مِه، موشِمَ هر کُم اژ هُمَه گه ووژتو ویشتِر اژ اَ چیئَه گِ باس، نَذانِن، بلکِم هر کُم چَن ایمونی گه خدا بَشخیَسی‌ئونتو، وَه قضاوت دُریس فگِر بِهَن.

اول قرنتیان 15:34

اژ ایی گیژی مَسیَ بورنَ دِریر ئو دیَر گنا نَهَن؛ اَرِیَگه بِری هَن گه خدا نِمَشتاسِن. یَه موشِم تاگَه خجالتا بوئینو.

اول قرنتیان 9:25

هر کی مِسابقَه مِ سزاءَ مِ اَر ووژ گه اِ کُل چی نوا ووژ بِگِری. اُوُ اَرِه یَه هُنَ مَهَن تاگَه تاجی گه اژ بِنَ مَچو، بارنَ دس؛ مِنتائای ایمَه اَرِه تاجی گه اژ بِن نِمَچو، هُنَ مِهِیم.

دوئِم قُرَنتیان 5:13

اَرِیَگه اَرّ ایمَه عَخِلمون اژ دس داءَ، وَه خاطر خداءَ؛ اَرّ عاخِلیم وَه خاطر هُمِئَه.

غَلاطیَل 5:23

مِلائمت ئو نوا ووژ گِرتِنَ. هُیچ شریعتی اَرضد یوئنَ نیَ.

فیلیپیَل 4:8

دُماخِرِ، اِاِ بِرال، هر چی گه راسَ، هر چی گه عزّت دیری، هر چی گه دُریسَ، هر چی گه پاکَ، هر چی گه باوِ دلَ، هر چی گه لائق شگِر کِردِنَ، اَرّ فِرَه خوءَ، اَرّ لائق شگِر کِردِنَ، وَه ایی چیئِلَ فگِر بِهَن.

اول تِسالونیکیَل 5:6

اِسَه باس اِجور باقی، نِئسیم، بلکِم بِمینیمَ خَوَر ئو وَه سر ووژمونا بوئیم.

اول تِسالونیکیَل 5:8

مِنتائای اَرِیَگه ایمَه هِن روژیم، باس وَه سر ووژمونا بوئیم، ئو ایمون ئو مِحبت اِجور زِری‌ای بوئنیم اَر وَر سینَه‌مونا ئو کِلاوخور امید نجاد بنیمِ سر.

اول تیموتائوس 1:10

اَرِه زِنهاکارَل ئو پیالی گه وَه‌گَرد هُم‌جنس ووژونَ مِئسِن؛ اَرِه تاجرَل بردَه، دِروزِنَل ئو کسَلی گه شاتی دِروءَ میَن ئو هَمیش اَرِه هر کاری گه اَرضد تیَلیم دُریس بو،

اول تیموتائوس 1:14

ئو فیض خداونمونَ گَرد ایمون ئو مِحبتی گه ها نوم مسیحْ عیسی‌اِر، چَل‌چَل رِشیا اَر سر مِن‌اِرا.

اول تیموتائوس 1:2

وَه تیموتائوس، آویل حَخِم اِنوم ایمو: فیض ئو ریَمَت ئو سِلامتی اژ جونِم خداءِ باوَه ئو خداونمو مسیحْ عیسی اَر تو بو.

اول تیموتائوس 1:5

مصقود ایی فِربون ایمَه مِحبتَ، گه اژ دل پاک، وِژدان خو ئو ایمو رُی‌راسَ مای.

اول تیموتائوس 3:11

هَرِ ایی جوریشَ ژِنَلو باس سنگین بوئن، بُختِم‌چی نوئن، بلکِم وَه سر ووژونا بوئن ئو اِ کُل چی وفادار بوئن.

اول تیموتائوس 3:2

اِسَه، یِه اُسقُف باس چیئی اِ زِنِه‌ی ناوتی تا وَه‌سونگَ اَوا لارَه بوتی اَری، میردَه یِه ژَن بو ئو وَه سر ووژا بو، بتونی نوا ووژ بِگِری، آوِری‌دار ئو هُن‌هاوو بو ئو بتونی تیَلیم بِ؛

اول تیموتائوس 3:4

هَمیش باس عتِ‌عیال ووژ خو ادارَه بِهِه ئو آیلَلی جوری باریَ عمل گه وَه عزّت کامل اَژی فِربو بیَرنی.

اول تیموتائوس 3:8

هَمیش شمّاسَل کلیسا باس سنگین بوئن؛ نه وَر آینَه پِشت مخِراض یا شِراوی ئو یا اِ تَما نفع نادُریس.

اول تیموتائوس 5:1

خِض اَر پیا رُی‌چَرمین نِهَه، بلکِم اِجور باوَه ووژِت تشویق کِیتی، ئو جِهالَل اِجور بِرال ووژِت،

تیتوس 1:13

ایی شاتیَ راسَ. اِسَه سخد خِض بِهَه اَرینو تا اِ ایمو دُریس بوئن،

تیتوس 1:8

بلکِم هُن‌هاوو ئو دوسدار خوئی بو ئو نوا ووژ بِگِری ئو آم دُریس ئو مقدّس ئو مِنظمی بو.

تیتوس 2:7

اِ کُل لِحاظی اَرِه کارَل خو سرمقش بو، ئو اِ تیَلیم ووژِت رُی‌راسیِت داشدوئی ئو سنگین بو،

فیلیمون 1:9

وَه ایی حالا وَه خاطر مِحبت، بیتِرَ مَذانِم گه خواهشد اَژی بِهَم. اِسَه مِه، پولُس، گه ریش‌اَسبی‌ای کِم ئو اِسگِه‌یشَ وَه خاطر مسیحْ عیسی هامِ زندون‌اِر،

اول پطرس 1:13

اِسَه فگِرَلتو اَرِه عمل آمادَه بِهَن، هوشیار بوئن ئو امیدتو کامل اَر فیضی بو گه موقَع ظاهربیئِن عیسی مسیح ماوَ نَصُیتو.

اول پطرس 4:7

آخِر کُل چی نزیکَ؛ اِسَه وَه خاطر دوعائَلتو نوا ووژتو بِگِرِن ئو وَه سر ووژتونا بوئن.

اول پطرس 5:8

هوشیار بوئن ئو حُواستو بو، دشمن هُمَه ابلیس اِجور شیری گه مَنِرکِنی دیری گِرد سِرَ مِ ئو مِنِی کسی مِهِه تا قویت اِرادِیتی.

دوئِم پطرس 1:6

ئو اَر شناخت، نوا ووژ گِرتِن، ئو اَر نوا ووژ گِرتِن، دَرین‌داری، ئو اَر دَرین‌داری، دینداری،