تیتوس 2:10 - کتاب مقدس به زبان لکی - گویش مرکزی

¹⁰ دُزی نَهَن، بلکِم تمومِ‌کمال ایمو خو نِشو بیَن تا اِ کُل چی رنگینی تیَلیم نجاددهندَه‌مو، خدا، نِشو دَن.

تیتوس 2:10 Iomraidhean Croise

مَتّی 24:45

«اِسَه اَ نوکر وفادار ئو دونا کیَ گه اَرباوی او نائیتی اَر سرپِرَسی هوز مال ووژ تاگَه اِ سر وخد خوراکون‌ئون دِ؟

مَتّی 5:16

اِسَه بِیلِن نُیر هُمَه بِکُوءِ اَررُی مردِم تاگَه کارَل خوتو بوئینِن ئو باوَه هُمَه گه ها نوم آسمون‌اِر، جِلال دَن.

لوقا 1:47

ئو روحِم اِنوم نجاددهندَه‌م خدا، خَوشالیَ مِهِه،

لوقا 1:80

ئو اَ آویلَ کَلِنگَ موئیا ئو اِنوم روح، قویَتَ مَگِرتی، ئو تا روژ ظاهربیئِنی اَر قوم اسرائیل، اِنوم بیاوو بی.

لوقا 16:10

«اَوَه گه اِ چیئَل گُجَر اَمونتدار بو، اِ چیئَل کَلِنگ‌یش اَمونتدارَ ماو، ئو اَوَه گه اِ چیئَل گُجَر اَمونتدار ناو، اِ چیئَل کَلِنگ‌یش اَمونتدار نِماو.

یوحنا 12:6

او یَه وِتی نه وَه خاطر دلسوزی اَرِه ژارَل، بلکِم اَرِیَگه دُز بی؛ ژاژ خرجِ‌بَرج اَر تک بیتی ئو اژ پیلَلی گه مَنیائون اَر تک، مُئزیاتی.

اول قرنتیان 4:2

هَمیش، پیشکار باس وفادار بو.

اَفِسُسیَل 4:1

اِسَه مِه گه وَه خاطر خداون زندونیِم، خواهشد اَژینتونَ مَهَم گه لائق دَوَتی گه اَژینتو بیَ، رفدار بِهَن،

فیلیپیَل 1:27

فَخَد بِیلِن اِ زِنِه‌یتو رفدارتو لائق انجیل مسیح بو، تاگَه چه مِه بام ئو هُمَه بوئینِم چه نوئم، اِبارَه هُمَه بشتوئِم گه سفدِسخد اِ یِه روح هوسیاینونَ، وَه یِه فگِر، شونَ شو یَکتِری اَرِه ایمو انجیل تقِلاءَ مِهِینو.

فیلیپیَل 4:8

دُماخِرِ، اِاِ بِرال، هر چی گه راسَ، هر چی گه عزّت دیری، هر چی گه دُریسَ، هر چی گه پاکَ، هر چی گه باوِ دلَ، هر چی گه لائق شگِر کِردِنَ، اَرّ فِرَه خوءَ، اَرّ لائق شگِر کِردِنَ، وَه ایی چیئِلَ فگِر بِهَن.

اول تیموتائوس 1:1

اژ پولُس گه وَه حکِم نجاددهندَه ایمَه خدا ئو امیدمو مسیحْ عیسی، رسول مسیحْ عیسیَ؛

اول تیموتائوس 5:17

شیخَلی گه خو رَبَریَ مَهَن، لائق عزّت دو بِرُوَرِن، مصخوصاً اونَلی گه اِ کار موعظَه ئو تیَلیم زیَمَتَ مَکیشِن.

اول تیموتائوس 6:1

کُل اونَلی گه هانِ ژیر دارِبرگ بَنِه‌ی‌اِر، باس اَرباوَلو لائق عزّت کامل بِذانِن تا مردِم گَن نوشِنَ نُم خدا ئو تیَلیم ایمَه.

اول تیموتائوس 6:3

اَرّ کسی جوری‌تِر تیَلیم بِ گه وَه‌گَرد قصَه‌ل دُریس خداونمو عیسی مسیح ئو تیَلیمی گه مِطابق دینداریَ، جور اِرنای،

تیتوس 1:3

ئو اِ وخد دُریس، اَ وَدَه اِ کلومی گه اِلوم کِردِنی وَه فِربو نجاددهندَه‌مو خدا سپارتیاءَ مِه، آشگارا بی.

تیتوس 3:4

مِنتائای وخدی مِرِبونی نجاددهندَه‌مو خدا، ئو مِحبتی اَر بشر، آشگار بی،

اول پطرس 2:12

کردارتو اِنوم خِرِیهودیَل هُنَ وَه عزّتا بو گه اونَلی گه اَرضدتونَ موشِن ئو گَنَ‌کارَل هناتونَ مَهَن، وخدی کارَل خوتو بوئینِن، خدا اِ روژ دیئِنی جِلال دَن.

اول پطرس 3:16

وِژدانتو پاک بِیلِن تا کسَلی گه بُختِمَ میَن اَرینتو، اونَلی گه اژ رفدار خوتو اِنوم مسیح گَنَ موشِن، خجالتا بوئن.

دوئِم یوحنا 1:9

هر کی نواتِر اژ تیَلیم مسیح بِچو ئو اِنوم اَ تیَلیمَ نَمینی، خدا نِری، مِنتائای اَوَه گه بِمینی اِنوم تیَلیم مسیح، هم باوَه دیری هم کُر.