تیتوس 1:6 - کتاب مقدس به زبان لکی - گویش مرکزی

⁶ شیخ کلیسا باس چیئی اِنوم زِنِه‌ی ناوتی گه وَه‌سونگَ اَوا لارَ بوتی اَری ئو میردَه یِه ژَن بو ئو آیلَل باایمونی داشدوئیتی گه اژ هر جور بُختِم خیزی ئو توری دویر بوئن.

تیتوس 1:6 Iomraidhean Croise

لوقا 1:5

اِ زَمو هیرودیس، پاتِشا یهودیَه، کاهنی زِنِه‌یَ مَهَردی گه زکریا نُم بیتی. اژ کاهنَل دسَه اَبیّا. (کاهنَل آمَل حکیمی بین گه خِلمَتون‌ اژ معبد یهودَ مَهَرد.) زکریا، ژَنی داشدی گه نُم اِلیزابِت بیتی گه اژ دویمو هارونِ کاهن بی.

اَفِسُسیَل 5:18

مَس شِراو نوئن، اَرِیَگه شِراو مَکیشیتو ویرِ کارَل گَن؛ بلکِم پِرا بوئن اژ روحِ خدا.

اول تِسالونیکیَل 5:14

ئو اِاِ بِرال، خواهشد اَژینتونَ مِهِیم گه کسَلی گه تَمَلِن مِنا کِینو، ئو بی‌جورَتَل تشویق کِینو، ضِیفَل یاری دِینو ئو وَه‌گَرد کُلو صبِرتو داشدوئی.

اول تیموتائوس 1:9

هَمیش مَذانیمو شریعت نه اَرِه آمَل صالح، بلکِم اَرِه کسَلی کَ گه قانونَ مَنِنِ ژیر پا ئو کسَلی گه کورفِربونِن، اَرِه بی‌دینَل ئو گناکارَل، ئو ناپاکَل ئو کِفِرچیَل؛ اَرِه خوینیَل باوِه‌ئودا؛ اَرِه کسَلی گه آمَ مَکُشِن،

اول تیموتائوس 3:12

هر شمّاسی باس میردَه یِه ژَن بو ئو هَمیش باس آیلَل ئو عتِ‌عیال ووژ خو ادارَه بِهِه.

تیتوس 1:10

اَرِیَگه فِرَه کسَل هَن گه تور، چِنَه‌مِفت ئو رِنگَرِن، مصخوصاً اونَلی گه اژ دسَه طرفدارَل ختینَه‌ن‌.