تیتوس 1:4 - کتاب مقدس به زبان لکی - گویش مرکزی

⁴ وَه تیتوس، گه مِطابق ایمونی گه کُل اَژی بیَر دیریمونی کُر حَخمَ: فیض‌وسِلامتی اژ جونِم خداءِ باوَه ئو نجاددهندَه‌مو مسیح عیسی اَر تو بو.

تیتوس 1:4 Iomraidhean Croise

لوقا 2:11

ایمِرو اَرِه هُمَه اِنوم شیَر داوود، نجاددهنده‌ی هاتیَسَ دی. او خداون، مسیحَ.

یوحنا 4:42

اونَل موئِتونَ اَ ژِنَ: «اِسگَه دیَر فَخَد وَه خاطر قصَه تو ایمو نِماریم، اَرِیَگه ووژمو قصَه‌ل اومو شنَفتیَ ئو مَذانیم گه ایی پیا حخیختاً نجاددهندَه دنیاءَ.»

رومیان 1:12

یانی تاگَه اژ ایمو یَکتِری دلگرما بوئیمو، ایمو مِن ئو ایمو هُمَه.

رومیان 1:7

وَه کُل اونَلی گه اِنوم شیَر روم، خدا دوسو دیری ئو دَوَت بینَ تاگَه ایمودارَل مسیح بوئن: فیض‌وسِلامتی اژ جونِم خدا، باوَه ایمَه، ئو خداون عیسی مسیح، اَر هُمَه بو.

دوئِم قُرَنتیان 12:18

مِه لالکیامَ تیتوس گه بای هُمَه بوئینی ئو اَ بِرامَ کِل‌کِردَ گَرد. مَر تیتوس اژ هُمَه نفع بِردی؟ مَر ایمَه وَه یِه روح ئو یِه رئی رفدارمو نَهَرد؟

دوئِم قُرَنتیان 2:13

روحِم سِتار نَگِرتی اَرِیَگه بِرام تیتوسِم اَر اورَه نَهَردَ دی. اَسَه مردِم اورمَ هُیشتَ جا ئو چِم اَرِه هیال مقدونیَه.

دوئِم قُرَنتیان 4:13

اَرِیَگه اِ کِتاو مزامیر نُیسیاءَ: «ایمونِم آوِرد، اَسَه قصَه‌م کِرد.» وَه هَراَ روحِ ایمونَ، ایمِه‌یش ایمو دیریم ئو قصَه مِهِیم.

دوئِم قُرَنتیان 7:6

مِنتائای خدای گه دلگُوئیَ مِئَه پَژارَنِشینَل، وَه هاتِن تیتوس ایمَه دلگُوئی داتی.

دوئِم قُرَنتیان 8:16

مِنتائای شگِر خداءَ مَهَم گه هَراَ خیرَتی گه مِن اَرِه هُمَه دیرِم ناسیِ دل تیتوس‌یش.

دوئِم قُرَنتیان 8:23

اِبارَه تیتوس باس بوشِم گه اَرِه خِلمت اژ هُمَه او هُم‌قطار ئو هُمکار مِنَ؛ ئو اِبارَه بِرالمو باس بوشِم گه اونَل قاصیَل کلیسائَل ئو جِلال مسیحِن.

دوئِم قُرَنتیان 8:6

اِسَه، لالکیامَ تیتوس گه هَراَ جورَ گه بِنیا ایی کار خِرَ اِنوم هُمَه ناتی، برَسِنتیَ سرانجوم.

غَلاطیَل 2:3

مِنتائای جُ‌جُ هُمسفرِم تیتوس، وَه‌یاآگه یونانی بی، مجبورو نَهَرد ختینَه بو.

غَلاطیَل 3:26

اَرِیَگه اِنوم مسیحْ عیسی، هُمَه کُل وَه‌سونگَ ایمو، کُرَل خدائینو.

غَلاطیَل 3:28

دیَر نه یهودی میَنا دیری ئو نه یونانی، نه خُلُم نه آزاد، نه پیا نه ژَن، اَرِیَگه هُمَه کُل اِنوم مسیحْ عیسی یَکی کینو.

اَفِسُسیَل 1:2

فیض ئو سِلامتی اژ جونِم خدا، باوَه‌مو، ئو خداون عیسی مسیح، اَر هُمَه بو.

کولُسیَل 1:2

وَه ایمودارَل مسیح ئو بِرال وفادار اِنوم مسیح گه هانِ شیَر کولُسی‌اِر: فیض ئو سِلامتی اژ جونِم خدا، باوَه آسمونی ایمَه، اَر هُمَه بو.

اول تیموتائوس 1:12

شگِر خداونمو مسیحْ عیسیَ مَهَم گه قویَت داءَ بینِم ئو مِنَ وفادار ذِناسدی ئو اَرِه خِلمت ووژ اِنتخاو کِردمی.

دوئِم تیموتائوس 1:1

اژ پولُس گه وَه خواس خدا ئو وَه خاطر وَدَه ژییاینی گه ها نوم مسیحْ عیسی‌اِر، رسول مسیحْ عیسیَ.

دوئِم تیموتائوس 1:2

وَه آویل عزیزگرامیم، تیموتائوس: فیض ئو ریَمَت ئو سِلامتی اژ جونِم خداءِ باوَه ئو خداونمو مسیحْ عیسی اَر تو بو.

دوئِم تیموتائوس 4:10

اَرِیَگه دیماس وَه خاطر دوس داشدِن ایی دنیاءَ مِه وِل کِردیِ چیَس اَرِه تِسالونیکی. کْریسکیس چیَس اَرِه غَلاطیَه ئو تیتوس‌یش اَرِه دَلماتیَه.

تیتوس 1:3

ئو اِ وخد دُریس، اَ وَدَه اِ کلومی گه اِلوم کِردِنی وَه فِربو نجاددهندَه‌مو خدا سپارتیاءَ مِه، آشگارا بی.

تیتوس 2:13

هَرهُنَ گه چیَمَ‌رئی اَ امید بِمارِکیمَ یانی ظاهربیئِن جِلال خداءِ عظیم ئو نجاددهندَه‌مو عیسی مسیح،

دوئِم پطرس 1:1

اژ شَمعونِ پطرس، خُلُم ئو رسول عیسی مسیح، وَه اونَلی گه وَه‌سونگَ عدالت خدا ئو نجاددهندَه‌مو عیسی مسیح، ایمونی اِجور ایمون ایمَه بیَسَ نَصُیو:

دوئِم پطرس 1:11

اَرِیَگه هُنَ، صِلا میَنَ هُمَه گه بِچینون اِنوم پاتِشائی ابدی خداون ئو نجاددهندَه ایمَه عیسی مسیح.

دوئِم پطرس 2:20

اَرِیَگه اونَلی گه وَه شناخت خداون ئو نجاددهندَه ایمَه عیسی مسیح، اژ فساد دنیا آزاد بینَ، اَرّ اِدوارَه گرفدار ئو اسیر بوئنی، عاقویَتو گَنتِر اژ اول‌بارونَ ماو.

دوئِم پطرس 3:18

بلکِم اِنوم فیض ئو شناخت خداون ئو نجاددهندَه ایمَه عیسی مسیح رشد بِهَن، گه جِلال اژ اِسگَه تا ابد اَر او بو! آمین.

دوئِم پطرس 3:2

تا قصَه‌لی گه پِخَمَرَل مقدّس اِ قدیم وِتونَ، بارینونِ ویر ئو هَمیش حکِم خداون ئو نجاددهندَه‌مو گه وَه‌سونگَ رسولَلتو وِتی.

اول یوحنا 5:14

ئو یَسَ اطمینونی گه اَرتَک خدا دیریم گه اَرّ چیمونی مِطابق خواس او بِ، او دَنگمونَ مَشتوئی.

یهودا 1:3

اِاِ رولَه‌ل، وَه‌یاآگه شوق فِرَه‌می داشد تا اِبارَه نجادی‌ گه کُلمو وَه‌گَرد یَک اَژی هُم‌بیَریم اَرِنتو بِنُیسِنِم، مِنتائای لازمِم ذِناسد گه چَن خطتونی اَرِه بِنُیسِنِم، ئو اَژینتو بِم گه اَرِه ایمونی تقِلا بِهِینو گه یِگِل اَرِه همیشَه سپارتیاسَ ایمودارَل مسیح.