تیتوس 1:12 - کتاب مقدس به زبان لکی - گویش مرکزی

¹² یَکی اژ پِخَمَرَل ووژو وِتیَسی: «کْرِتیَل هَر آمَل دِروزِن ئو جونورَل وَشی ئو لَم‌پِرَسَل تَمَلی کِن.»

تیتوس 1:12 Iomraidhean Croise

کارَل رسولَل 17:28

اَرِیَگه ایمَه اِنوم او زِنِه‌ی ئو حرکت ئو وِجود دیریم؛ هُنَ گه بِری اژ شاعرَلتون‌یش وِتونَ گه ایمَه اژ نسِل اوئیمو.

کارَل رسولَل 2:11

(چه یهودی ئو چه اونَلی گه بینَسَ یهودی)؛ ئو هَمیش مردِمَل کْرِت ئو عِرَب -کُلمو دیریم مَشتوئیم گه یوئنَ دیرِن وَه زوئو ایمَه اژ کارَل پِرقدِرت خدا قصَه مَهَن.»

کارَل رسولَل 27:12

وَه‌چوینا گه اَ بندرَ اَرِه زِمِسو مَنِن خو نوئی، ویشتِرو قَصو کِرد گه اَر اورَه بِکُوئِنِ رئی تاگَه هر جوری بیَ ووژو برَسِنِنَ بندر فینیکس ئو زِمِسو بِمینِن اَر اورَه. ایی بندرَ اِنوم جزیرَه کْرِت بی ئو هم ویر اَر جنوبِ غربی بیتی ئو هم اَر شمال غربی.

کارَل رسولَل 27:13

وخدی وا مِلومی اژ جنوب یِهات گُمونو کِرد وَه اَ چیئَه گه دلونَ مِهِستی رَسینَ؛ اِسَه لنگرو کیشی ئو اژ ساحل کْرِت کَتِنِ رئی.

کارَل رسولَل 27:7

روژَل فِرِه وَه یاواشا چیمونِ نوا ئو هِرَ سخدی رَسیمونَ بندر کْنیدوس. وَه‌چوینا وا برعسک ایمَه‌آ ماهات ئو نِمِیشتی بِچیمِ نواتِر، وَه پِنَه آوَل کْرِت رد بیمو، تاگَه هِناس شیَر سالمونی چیمونِ وَر.

رومیان 16:18

اَرِیَگه هُنَ کسَلی خِلمت اژ خداون ایمَه مسیح نِمَهَن، بلکِم هانَ دُم لَم ووژونا ئو وَه قصَه‌ل نرم ئو چاپلوسی، دل آمَل سادَه فنَ میَن.

فیلیپیَل 3:19

عاقویَت هُنَ کسَلی نابودیَ، خدا اونَل لَمونَ، افتخارو اَر نَنگونَ، ئو فگِرَلو گیر چیئَل زمینیَ.

اول تیموتائوس 4:2

وَه‌سونگَ ریاکاری دِروزِنَلی گه وِژدانو کار نِمِهِه.

تیتوس 1:5

اَژونَبیَ تونِم اِ کْرِت هُیشتِ جا تاگَه کارَل ناتموم، راسِ‌ریس بِهِین ئو هَرهُنَ گه فِربونِم داین‌ئون، اِ هر شیَری شیخَلی مَیِّن کِین.

دوئِم پطرس 2:12

مِنتائای اونَل اِجور جونورَل بی‌شعوری گه وَه غریزَه رفدارَ مَهَن ئو هاتِنَسَ دی گه بِکُوئِنِ تِلَه ئو نابود بوئن، قصَه‌ل گَنَ موشِنَ چیئَلی گه درکی اَژینو نِرِن ئو اِنوم نابودی ووژو، نابودَ موئن

دوئِم پطرس 2:15

رئی راسو وِل کِردیَ ئو ویرِ تُرّ بَلعام بِن بِعور گه مِز نادُریسی دوس داشدی، اژ رئی اِرهاتِنَ.