تیتوس 1:10 - کتاب مقدس به زبان لکی - گویش مرکزی

¹⁰ اَرِیَگه فِرَه کسَل هَن گه تور، چِنَه‌مِفت ئو رِنگَرِن، مصخوصاً اونَلی گه اژ دسَه طرفدارَل ختینَه‌ن‌.

تیتوس 1:10 Iomraidhean Croise

مَتّی 23:14

[«هِرّو اَرِنتو اِاِ مَلِمَل تورات ئو شیخَل فرقَه فَریسی، اِاِ ریاکارَل! اَرِیَگه هُمَه اژ یِه لا مال بیوَه ژِنَل خارَتَ مِهِینو ئو اژ یِه لاتِر، اَرِه رِشالَتی دوعا ووژتو دِریژا مِهِینو. وَه ایی خاطرَ مِکافاتِتو فِرَه سخدتِرَ ماو.]

کارَل رسولَل 11:2

اَسَه وخدی پطرس گِلاهُاردی اِرَه شیَر اورشلیم، طرفدارَل ختینَه ایرادون اَژی گِرت، وِتو:

کارَل رسولَل 15:1

مِنتائای بِری اژ هیال یهودیَه هاتِن اِرَه هیال اَنطاکیَه ئو تیَلیم بِرالونَ ما گه: «اَرّ مِطابق رسمِ‌رِسیم موسی ختینَه نوئینو، نِمَتونینو نجاد بِگِرینو.»

کارَل رسولَل 15:24

اَرِیَگه شنَفتِمونَ بِری اژ نوم ایمَه هاتِنَ، وَه‌یاآگه ایمَه فِربونمونی‌ئون نانَ، وَه قصَه‌لو تَپون اَر هُمَه شویونیَ، ئو فگِرَل هُمِه‌ئو پریشونا کِردیَ.

کارَل رسولَل 20:29

مَذانِم دُما چیئِنِم، گُرگَل دِرَّندَه مان اِنوم هُمَه گه ریَم اَر ریئَن نِمَهَن.

غَلاطیَل 2:4

یَه وَه ایی خاطرَ بیَ گه بِری اژ بِرال دِروزِنِ‌ئو بی‌کِشکی آوِرد اِنوم جیَم ایمَه، تا جاسوسی اَ آزادیَ گه اِنوم مسیحْ عیسی دیریم بِهَن ئو ایمَه اِدوارَه بِهَنَ بَنَه.

غَلاطیَل 3:1

اِاِ غَلاطیَل نایو، کی جادوتو کِردیِ؟ مرگ عیسی مسیح هُنَ آشگارا اَرِنتو تیَریف بی مَری اِ وَر چیَمَلتو کیشیا اَر صلیب.

اَفِسُسیَل 4:14

تا دیَر اِجور آیلَل نوئیمو تا وَه موجَل ویرِ هر لای هُوَ بیریم ئو وا تیَلیمَل جوراجور ایمَه بیَری ویرِ ایلا ئو اَلا ئو فن آمَلی بیریم گه اَرِه اژ رئی اِرآوِردِن نشقَه مَکیشِن.

اول تیموتائوس 1:4

ئو ووژونَ گَرد پاچائَل ئو تَجِرَنُامچَه‌لی گه بِن نِرِن سرگرم نَهَن، اَرِیَگه یوئنَ اِجال یَگه کار خدا گه اژ رئی ایمونَ بیَرِنِ وَر، باعث دَمَرَگَلی موئن گه ثمری نِرِن.

اول تیموتائوس 1:6

بِری اژ رئی ایی چیئِلَ اِرهاتِنَ، چِنَ ویرِ چِنَه مِفت دائِن،

اول تیموتائوس 1:9

هَمیش مَذانیمو شریعت نه اَرِه آمَل صالح، بلکِم اَرِه کسَلی کَ گه قانونَ مَنِنِ ژیر پا ئو کسَلی گه کورفِربونِن، اَرِه بی‌دینَل ئو گناکارَل، ئو ناپاکَل ئو کِفِرچیَل؛ اَرِه خوینیَل باوِه‌ئودا؛ اَرِه کسَلی گه آمَ مَکُشِن،

دوئِم تیموتائوس 3:13

مِنتائای شَرَبارَل ئو رِنگَرَل اِ گَنی گَنتِرا موئن، فنَ میَن ئو فنَ میرِن.

دوئِم تیموتائوس 4:4

ئو اژ گوش گِرتِن وَه حخیخت اِرَمَگیردِن ئو ویرِ پاچائَلَ مَچِن.

تیتوس 1:6

شیخ کلیسا باس چیئی اِنوم زِنِه‌ی ناوتی گه وَه‌سونگَ اَوا لارَ بوتی اَری ئو میردَه یِه ژَن بو ئو آیلَل باایمونی داشدوئیتی گه اژ هر جور بُختِم خیزی ئو توری دویر بوئن.

یعقوب 1:26

اَرّ کسی گُمونَ مِهِه گه آم دینداری کَ مِنتائای نوا زوئو ووژ نِمَگِری، ووژ فنَ مِ ئو ایمو باطلَسی.

اول یوحنا 2:18

اِاِ آیلَل، یَه سات آخِرَ ئو هَراَ جورَ گه شنَفتِتونَ ’ضدّمسیحَ‘ مای، هَراِسگِه‌یشَ ضدّمسیحَل فِرِه هاتِنَ. اِسَه هَر اژ یَه‌آ مَذانیمو گه سات آخِرَ.

اول یوحنا 2:4

هر کی بوشی اوءَ مَشتاسِم، مِنتائای حکمَل نارتیَ جا، دِروزِنَ ئو حخیخت اِنوم او نیَ.

اول یوحنا 4:1

اِاِ عزیزَل، وَه هر روحی باوارتو ناآشدوئی، بلکِم روحَل اِنتحو کَن تاگَه بِفیَمینو گه اژ خدان یاگَه نه. اَرِیَگه پِخَمَرَل دِروزِنِ فِرِه‌ی چِنَس اِنوم دنیاآ.

مِکاشفَه 2:14

«مِنتائای چیئَلی اَرضد تو دیرِم. اَر اورَه کسَلی دیرین گه چسبینَس اَر تیَلیم بَلعاما، هَر اَوَه گه یاء بالاق داتی گه کُچِکی گه باعث کَتِن بنی‌اسرائیل بو، بِنی اَر وَر پائلو تاگَه اُوُ خوراکی گه پیشکَشَ ماو اَر بِتَل بیرِن ئو بی‌عصمتی بِهَن.

مِکاشفَه 2:6

مِنتائای ایی یِه چی خوءَ دیرین گه اژ کارَل دارِدسَه نیکولایی بیزارین، هُنَ گه مِه بیزارِم.