رومیان 9:3 - کتاب مقدس به زبان لکی - گویش مرکزی

³ اَرِیَگه آواخدِم داشد گه مِه ووژِم وَه خاطر بِرالِم، یانی اونَلی گه مِطابق جسم قوم مِنِن، بوئمَ لیَنت‌بی ئو اژ مسیح جیاآ بوئم.

رومیان 9:3 Iomraidhean Croise

کارَل رسولَل 13:26

«اِاِ بِرال، اِاِ آیلَل ابراهیم، ئو اِاِ خِرِیهودیَل خداترسی گه هاینون اَر ایرَه! ایی پِغوم نجادَ اَرِه ایمَه کِل بیَ.

کارَل رسولَل 22:5

کاهن اعظم ئو کُل عضا شورا یهود مَتونِن شاتی بیَن اَر مِه، اَرِیَگه نُامَه‌لمی اژ اونَل، اَرِه بِرالون اِنوم دمشق گِرت تاگَه بِچِم اِرَه اورَه ئو اونَلی گه هان اَر اورَه اسیر کَم ئو اَرِیَگه سزا کارو بوئینِن، بارمون اِنوم شیَر اورشلیم.

کارَل رسولَل 28:21

اونَل وِتون‌ئون: «ایمَه هُیچ نُامَه‌مونی اژ هیال یهودیَه اِبارَه تو نَگِرتیَ، ئو هُیچ کُم اژ بِرالی گه اژ اورَه هاتِنَ، خَوَر یاگَه لاپِرت گَنونی اِبارَه تو ناوِردیَ.

رومیان 1:3

ئو اِبارَه کُر اوءَ، گه اژ لِحاظ جسم اژ نسِل داوودِ پاتِشا هاتَ دی،

رومیان 11:1

اِسَه مَپِرسِم: آیا خدا قوم ووژ رد کِردیِ؟ اصِلا؛ اَرِیَگه مِه ووژِم اسرائیلیِم، اژ نسِل ابراهیم ئو اژ طائفَه بنیامین.

رومیان 11:14

تاگَه هایتِر کسَلی گه وَه‌گَرد مِن اژ یِه تیرِ‌طائفَه‌ن، بارِم اَر سر خیرَت ئو بِری اَژینو نجاد دَم.

رومیان 16:11

وَه قومِ‌خویشِم هیرودیون ئو هَمیش وَه هوز نارکیسوس گه هان اِنوم خداون، سِلام بِرَسِنِن.

رومیان 16:21

هُمکارِم تیموتائوس سِلامتون‌ئونَ مَرَسِنی. قومَلِم لوکیوس، یاسون ئو سوسیپاتِروس‌یش سِلامَ مَرَسِنِن.

رومیان 16:7

سِلام برَسِنِنَ قومِ‌خویشَلم، آندْرونیکوس ئو یونیاس گه وَه‌گَرد مِن اِ زندو بین. یوئنَ اَرتَک رسولَل شناسِن ئو وِر اژ مِه اِنوم مسیح بینَ.

رومیان 9:2

گه درد گِرونی اِنوم قلب ووژِم دیرِم ئو هَر خَمَ‌بارِم.

اول قرنتیان 12:3

اِسَه مِم بِذانینو هر کی اِنوم روحِ خدا قصَه مِهِه، هرگِس نِموشی: «لیَنت اَر عیسی»، ئو هُیچ‌کس نِمَتونی بوشی «عیسی خداونَ.» مَر وَه‌سونگَ روح‌القدس.

اول قرنتیان 16:22

لیَنت اَر اَوَه گه خداون دوس ناآشدوئیتی. اِاِ خداون ایمَه، بوری!

دوئِم قُرَنتیان 12:15

مِن اَرِه گیونَل هُمَه، وَه خَوشی خرجَ مَهَم ئو گیون‌یشمَ مَهَمَ خِرتو. اَرّ مِه هُمَه ویشتِر دوس دیرِم یانی باس کمتِر مِحبت بوئینِم؟

غَلاطیَل 1:8

مِنتائای جُ‌جُ اَرّ ایمَه یا فریشدِه‌ی اژ آسمو، انجیلی بِخِر اژ اَ چیئَه گه ایمَه اِلوممو کِردیَس اَرینتو موعظَه بِهِه، لیَن اَرِنی!

غَلاطیَل 1:9

هَراَ جورَ گه وِر اژ یَه وِتمو، اِسگَه مِه اِدوارَه موشِم: اَرّ کسی انجیلی بِخِر اژ اَوَه گه قبولتو کِردیَ اَرِنتو موعظَه بِهِه، لیَن اَرِنی!

غَلاطیَل 3:10

اَرِیَگه اونَلی گه تکیا میَن اَر کارَل شریعت، کُل هانِ ژیر لیَن‌اِر، اَرِیَگه اِنوم تورات نُیسیاءَ گه «لیَن اَر هر کی گه نوسی اَر سر کُل اَ چیئِلَ گه اِنوم کِتاو شریعت نُیسیاءَ ئو اَنجومو نِ.»

غَلاطیَل 3:13

مسیح هُنَ ایمَل اژ لیَن شریعت آزاد کِردی وَه ایی خیمتَ گه ووژ اِجال ایمَه لیَن بو، اَرِیَگه اِنوم تورات نُیسیاءَ گه «هر کی بوءَ دارا، لیَنَ ماوتی اَری.»

اَفِسُسیَل 6:5

اِاِ خُلُمَل، وَه عزّت ئو ترسِم‌لرزِم، ئو اژ تیَه دلا، اژ اَرباوَل زمینیتو فِربو بیَرِن، هَرهُنَ گه مَری اژ مسیح فِربونَ میَرینو.