رومیان 8:1 - کتاب مقدس به زبان لکی - گویش مرکزی

¹ اِسَه دیَر هُیچ مکومیَتی اَرِه کسَلی گه هان اِنوم مسیحْ عیسی‌اِر، نیَ،

رومیان 8:1 Iomraidhean Croise

یوحنا 14:20

اِ اَ روژَ، مَذانینو گه مِه هام اِنوم باوَه‌م ئو هُمَه هاینون اِنوم مِه ئو مِه هام اِنوم هُمَه.

یوحنا 15:4

اِنوم مِه بِمینِن، ئو مِن‌یش اِنومتونَ مَمینِم. هُنَ گه پَل، اَرّ وَه قِ دار انگویرا نَمینی نِمَتونی اژ ووژ ثمر باری، هُمِه‌یش اَرّ اِنوم مِه نَمینینو، نِمَتونینو ثمر بارینو.

یوحنا 5:24

حخیختاً، موشِمَ بینتو، هر کی کلوم مِه گوش بِگِری ئو ایمو باری اَر کسی گه مِه کِل‌کِردیَسی، ژییاین ابدی دیری ئو داوری اَری نِماوتی، بلکِم اژ مرگ، جاواز بیَسَ ژییاین.

رومیان 16:3

سِلام برَسِنِنَ پْریسکیلا ئو آکیلا، هُمکارَلِم اِنوم مسیحْ عیسی.

رومیان 16:7

سِلام برَسِنِنَ قومِ‌خویشَلم، آندْرونیکوس ئو یونیاس گه وَه‌گَرد مِن اِ زندو بین. یوئنَ اَرتَک رسولَل شناسِن ئو وِر اژ مِه اِنوم مسیح بینَ.

رومیان 5:1

اِسَه اَرِیَگه وَه‌سونگَ ایمو صالح وَه حساو هاتیمَ، وَه‌سونگَ خداونمو عیسی مسیح صُئلَ گَرد خدا دیریم.

رومیان 5:16

ئو ایی پیشکَشیَ اِجور ثمر گنا اَ یِه اِنسونَ نیَ. اَرِیَگه داوری‌ای گه وَه دُم یِه کورفِربونیا هات، مکومیَت آوِردی، مِنتائای پیشکَشی‌ای گه وَه دُم کورفِربونیَل فِرِه‌یکا هات، صالح‌بیئینَ گَرد ووژ آوِردی.

رومیان 7:17

ایلَهَه، اِسگَه یَه دیَر مِه نیِم گه اَ کارَ اَنجومَ میَم، بلکِم گنای کَ گه لیز گِرتیَس اِنوم مِه.

رومیان 7:20

اِسگَه اَرّ کاری مَهَم گه نِمِم اَنجوم دَمی، ایلَهَه یَه دیَر مِه نیِم گه اَنجومَ میَمی، بلکِم گنای کَ گه لیز گِرتیَس اِنوم مِه.

رومیان 8:11

ئو اَرّ روحِ او گه عیسی اژ مِردیَل زِنیا کِردی، لیز گِرتوئیتی اِنوم هُمَه، او گه مسیح اژ مِردیَل زِنیا کِردی، وَه‌سونگَ روحِ ووژ گه لیز گِرتیَس اِنوم هُمَه، ژییاینَ موئَشخیَ لارَل فانیتو.

رومیان 8:14

اَرِیَگه کُل اونَلی گه وَه‌سونگَ روحِ خدا هدائَتَ موئن، کُرَل خدان.

رومیان 8:2

اَرِیَگه اِنوم مسیحْ عیسی، شریعتِ روحِ ژییاین، مِن اژ قانون گنا ئو مرگ آزاد کِردی؛

رومیان 8:34

کیَ گه مَکومو کِ؟ مسیحْ عیسی گه مِرد، بلکِم اژ مِردیَل‌یش زِنیا بی، او گه ها اَر دس راس خداآ، اوءَ گه اِراسی اَرِه ایمَه شِفاعت‌یشَ مِهِه!

رومیان 8:39

ئو نه بَرزی ئو نه نِمِزی، ئو نه هُیچی‌تِر اِنوم کُل خلقت، نِمَتونی ایمَه اژ مِحبت خدا گه ها نوم خداونمو مسیحْ عیسی‌اِر، جیاآ کِ.

رومیان 8:4

تاگَه اَ چی دُریسَ گه شریعتَ مِیتی، اِنوم ایمَه وَه اَنجوم برَسی، ایمَه گه مِطابق روحِ خدا گومَ مَنیم نه مِطابق جسم.

رومیان 8:9

مِنتائای هُمَه اِژیر حکِمرونی جسم نیئینو بلکِم هاینونِ ژیر حکِمرونی روحِ خدااِر، اَلوَت اَرّ روحِ خدا لیز گِرتوئیتی اِنوم هُمَه. هر کی روحِ مسیح ناآشدوئیتی، هِن مسیح نیَ.

اول قرنتیان 1:30

وَه‌سونگَ اوءَ گه هُمَه هاینون اِنوم مسیحْ عیسی، اَوَه گه اژ جونِم خدا اَرِه ایمَه بیَسَ حکمت، صالح‌بیئین، قدوسیّت ئو آزدی.

اول قرنتیان 15:22

هَراَ جورَ گه اِنوم آدم کُلَ مَمِرِن، اِنوم مسیح‌یش کُل زِنیا موئن.

دوئِم قُرَنتیان 12:2

یَکی اِنوم مسیحَ مَشتاسِم گه چواردَه سال وِر اژ یَه تا آسمو سِئِم بَریا. وَه لار یا جیا اژ لار، نِمَذانِم، خدا مَذانی.

دوئِم قُرَنتیان 5:17

اِسَه اَرّ کسی ها نوم مسیح‌اِر، خلقت تازه‌ی‌کَ. چیئَل کُینَه اژ بِن چِن، اِسگَه کُل چی تازه‌آ بیَ!

غَلاطیَل 3:13

مسیح هُنَ ایمَل اژ لیَن شریعت آزاد کِردی وَه ایی خیمتَ گه ووژ اِجال ایمَه لیَن بو، اَرِیَگه اِنوم تورات نُیسیاءَ گه «هر کی بوءَ دارا، لیَنَ ماوتی اَری.»

غَلاطیَل 3:26

اَرِیَگه اِنوم مسیحْ عیسی، هُمَه کُل وَه‌سونگَ ایمو، کُرَل خدائینو.

غَلاطیَل 3:28

دیَر نه یهودی میَنا دیری ئو نه یونانی، نه خُلُم نه آزاد، نه پیا نه ژَن، اَرِیَگه هُمَه کُل اِنوم مسیحْ عیسی یَکی کینو.

غَلاطیَل 5:16

مِنتائای مِنَ موشِم وَه روحِ خدا رفدار بِهَن، اَسَه چیئَلی گه جسم ها دُمونا نِمارینونَ جا.

غَلاطیَل 5:25

اَرّ وَه روحِ خدا زِنِه‌یَ مِهِیم، وَه‌گَرد روحِ خدائیش رفدار بِهِیم.

اَفِسُسیَل 1:1

اژ پولُس گه وَه خواس خدا رسول مسیحْ عیسیَ، وَه ایمودارَلی گه هانِ شیَر اَفِسُس‌اِر، وَه اونَ گه اِنوم مسیحْ عیسی وفادارِن:

فیلیپیَل 3:9

ئو اِنوم او بوئمَ دی، نه وَه صالح‌بیئین ووژِم گه اژ شریعتَ، بلکِم وَه صالح‌بیئینی گه وَه‌سونگَ ایمون اَر مسیحَ مای، اَ صالح‌بیئینی گه اژ خداءَ ئو اَر پاءَ ایمونَ.