رومیان 7:4 - کتاب مقدس به زبان لکی - گویش مرکزی

⁴ هَر اَژی جورَ، اِاِ بِرال، هُمِه‌یش وَه‌سونگَ لار مسیح نِسوَتَ شریعت مِردینونَ تاگَه هِن یَکی‌تِر بوئینو، یانی او گه اژ مِردیَل زِنیا بی، تاگَه اَرِه خدا ثمر باریم.

رومیان 7:4 Iomraidhean Croise

مَتّی 26:26

وخدی هَنی داشدو مَهُاردو، عیسی نونِهَه گِرتی ئو دُما شگِر کِردِن، کُت کِرد ئو داءَ شاگردَل ئو وِتی: «بِسینِن، بیرِن؛ یَسَ لار مِه.»

مَرقُس 4:20

مِنتائای تُئمَلی گه اِ زَمی خو کِشت بینَ گانَ کسَلی گه کلوم خداءَ مَشتوئِن ئو مَچِنیِ گِرد ئو سی ئو شص ئو صد بِرُوَر ثمرَ مارِن.»

یوحنا 15:8

جِلال باوَه‌م ها نوم یَگه هُمَه ثمر فِرِه‌ی بارینو؛ ئو هُنَ ثابتَ مِهِینو گه شاگرد مِنینو.

یوحنا 3:29

بُئی هِن ذُماءَ، مِنتائای رِقیف ذُما گه هوسیاءَ دَنگ اوءَ مَشتوئی، اژ شِنَفتِن دَنگ ذُما خَوشالی فِرِه‌ی مِهِه. اِسَه خَوشی مِن‌یش هُنَ کامل بیَ.

یوحنا 6:51

مِنِم اَ نُو زِنیَ گه اژ آسمو هاتَ هُار. هر کی اژ ایی نونَ بیری، تا ابد زِنیَ مَمینی. لار مِنَ اَ نونَ گه ژییاینَ موئَشخیَ دنیا.»

رومیان 6:11

هَرهُنَ، هُمِه‌یش باس ووژتو نِسوَتَ گنا وَه مِردی بِگِرینو، مِنتائای اِنوم مسیحْ عیسی نِسوَتَ خدا، زِنی.

رومیان 6:14

اَرِیَگه گنا اَر هُمَه حکِمرونی نِمِهِه، اَرِیَگه اِژیر شریعت نیئینو بلکِم هاینونِ ژیر حکِمرونی فیض‌اِر.

رومیان 6:2

اصِلا! ایمَه گه نِسوَتَ گنا مِردیم، چطورَ مَتونیم اِنوم زِنِه‌ی بِهِیمی؟

رومیان 6:22

مِنتائای اِسگَه گه اژ گنا آزاد بینونَ ئو بینو‌نَسَ خُلُمَل خدا، ثمری گه میَرینو قدوسیّتَ گه آخِری ژییاین ابدیَ.

رومیان 7:3

اِسَه اَرّ وخدی گه میردَه زِنیَسی، وَه‌گَرد پیای‌تِرا زِنِه‌ی بِهِه، موشِنی‌ئون زِنهاکار. مِنتائای اَرّ میردَه بِمِرتی، اژ ایی شریعتَ آزادَ، ئو اَرّ شوی بِهِئَه پیای‌تِر، زِنهاکار نیَ.

رومیان 7:6

مِنتائای اِسگَه گه نِسوَتَ اَ چیئَه گه اِ قِدِبَن بیمونی، مِردیمونَ، اژ شریعت آزاد بیمونَ، تاگَه وَه‌سونگَ روح‌القدس وَه طُرُخ تازَه، خِلمت بِهِیم، نه وَه طُرُخ کُینَه اَ چیئَه گه نُیسیاءَ.

رومیان 8:2

اَرِیَگه اِنوم مسیحْ عیسی، شریعتِ روحِ ژییاین، مِن اژ قانون گنا ئو مرگ آزاد کِردی؛

اول قرنتیان 10:16

اَ پیالَه بِرَکتی گه وَه خاطری شُگِرَ مِهِیم، مَر هُم‌بیَر بیئِن اِ خوین مسیح نیَ؟ اَ نونی گه کُتَ مِهِیم، مَر هُم‌بیَر بیئِن اِ لار مسیح نیَ؟

دوئِم قُرَنتیان 11:2

اَرِیَگه مِن اَرِه هُمَه خیرَت دیرِم، خیرَتی گه اژ خداءَ، اَرِیَگه هُمَه‌م اَرِه یِه میردَه دسگیرو کِردیَ، تا اِجور دِت اوزا ئو پاکی پیشکَشتو کَم اَر مسیح.

غَلاطیَل 3:13

مسیح هُنَ ایمَل اژ لیَن شریعت آزاد کِردی وَه ایی خیمتَ گه ووژ اِجال ایمَه لیَن بو، اَرِیَگه اِنوم تورات نُیسیاءَ گه «هر کی بوءَ دارا، لیَنَ ماوتی اَری.»

غَلاطیَل 5:18

مِنتائای اَرّ وَه روحِ خدا هدائَت بوئینو، دیَر اِژیر شریعت نیئینو.

اَفِسُسیَل 2:15

او رسمِ‌رِسیمی گه اِ حکمَل شریعت بی، بی‌اتبار کِردی، تاگَه اِنوم ووژ اِجال دو، یِه اِنسو تازَه خَلک بِهِه، تا باعث صُئل ئو سِلامتی بو.

فیلیپیَل 1:11

پِرا بوئینون اژ ثمر صالح‌بیئینی گه وَه‌سونگَ عیسی مسیح وَه بارَ مای، اَرِه جِلال ئو شگِر خدا.

فیلیپیَل 4:17

نه یَگه وَه دُم پیشکَشیا بوئم، بلکِم هام اَر دُم ثمری گه اِتِبار هُمَه اَرتَک خدا ویشتِرا کِ.

کولُسیَل 1:10

تا رفدارتو لائق خداون بو، اِ هر لِحاظ خَوشالا کِینونی، ئو اِ هر کار خوئی ثمر بارینو ئو اِ شناخت خدا رشد کِینو

کولُسیَل 1:22

اِسگَه مسیح وَه‌سونگَ مرگ ووژ اِنوم لار جسمونی ووژ، هُمَه دوسی داسی، تا مقدّس ئو بی‌عِو ئو بی‌هُیچ خِضی باریتون‌ اَرِه تک خدا،

کولُسیَل 1:6

انجیلی گه رَسیَسَ بینتو هَرهُنَ گه اِ سِرُسَر دنیا ثمرَ مِ ئو رشدَ مِهِه، هَرهُنِ‌یشَ اژ روژی گه هُمَه اَوتونَ شنَفت ئو فیض خداتون اِنوم حخیخت فیَمی، اِنوم هُمِه‌یش کار کِردیِ.

کولُسیَل 2:14

ئو اَ سند قَرتی گه وَه قانونَلی اَرضد ایمَه بی باطل کِردی، ئو اژ نومجا هیزدا میخکو کِردی اَر صلیب.

کولُسیَل 2:20

اَرّ وَه‌گَرد مسیح وَه اصول ایی دنیاءَ مِردینونَ، اَرِه‌چَه اِجور کسَلی گه هَماری هَنی هِن ایی دنیانَ، مچینون‌ِ گِرد حکمَل اَوَه، حکمَلی گه موشی:

عِبرانیَل 10:10

ایمَه، وَه‌سونگَ قُرونی لار عیسی مسیح، یِه گِل اَرِه همیشَه وَخم او بیمونَ.

اول پطرس 2:24

مسیح ووژ گنائَل ایمَه اِ لار ووژ اَررُی صلیب گِرتیِ کول، تا ایمَه اَرِه گنا بِمِریم ئو اَرِه صالح‌بیئین زِنِه‌ی بِهِیم، هَراَ کسَ گه وَه زیَمَل او شِفاتو گِرتیَ.

مِکاشفَه 19:7

خَوشالی بِهِیم ئو دودَسمالَه بِگِریم، ئو جِلال دِیمی، اَرِیَگه زَمو داوات اَ وَرکَ رَسیَ، ئو بُئی او ووژ حاضر کِردیِ؛

مِکاشفَه 21:9

یَکی اژ اَ هفت فریشدَه گه هفت جُم پِر اژ هفت بِلا آخِرو داشد، هات ئو وِتیَ مِه: «بوری! مِه بُئی، یانی ژَن وَرک نشونتَ میَم.»