رومیان 4:3 - کتاب مقدس به زبان لکی - گویش مرکزی

³ اَرِیَگه نُسَخ مقدّس چَه موشی؟ «ابراهیم ایمو آوِردی اَر خدا ئو یَه اَرِه صالح‌بیئین وَه حساو یِهاتی.»

رومیان 4:3 Iomraidhean Croise

مَتّی 20:9

کارگرَلی گه نزیک اَر سات پنج ایوارَه هاتوئین اِرَه سر کار، هرکُمو یِه دینارو گِرت.

مَرقُس 12:10

مَر اِنوم نُسَخ مقدّس نَحیوَنِتونَ: «”بَردی گه مِمارَل رَدو کِرد بیَ بَرد بِنچین ساخدِمو؛

رومیان 10:11

اَرِیَگه کِتاو اِشعیا پِخَمَرَ موشی: «هر کی ایمو باری اَر او، خجالتا نِماو.»

رومیان 11:2

خدا قوم ووژ گه وِرِکار شناسیتی، رد نَهَردیَسی. مَر نِمَذانینو نُسَخ مقدّس اِبارَه ایلیا پِخَمَر چَه موشی؟ یَگه چطور اژ دس قوم اسرائیل اَرتَک خدا گِلِی کِردی ئو وِتی:

رومیان 4:11

ابراهیم نشونَه ختینَه گِرتی تاگَه میری بو اَر اَ صالح‌بیئینی گه وِر اژ ختینَه بیئِنی، وَه‌سونگَ ایمو بوئیتیَ نَصُی. تاگَه او باوَه کُل کسَلی بو گه بی‌یَگه ختینَه بوئن ایمونَ مارِن تاگَه صالح‌بیئین اَرِه اونَل‌یش وَه حساو بای.

رومیان 4:5

مِنتائای اَوَه گه کار نِمِهِه، بلکِم ایمو باری اَر خدای گه بی‌دینَل صالح وَه حساوَ ماری، ایمون او صالح‌بیئین اَرِه وَه حساوَ مایتی.

رومیان 4:9

آیا ایی خَوزگالَ، فَخَد اَرِه ختینَه‌کَریائَلَ یا اَرِه ختینَه‌نَکَریائَل‌یش هَس؟ اَرِیَگه موشیم ایمو ابراهیم اَرِه او صالح‌بیئین وَه حساو یِهات.

رومیان 9:17

اَرِیَگه اِنوم تورات، خدا موشیَ فرعون: «مِه هَر اَرِه ایی قَصَ تونِم کَلِنگا کِرد تاگَه قدِرت ووژِم اِنوم تو نِشو دَم، ئو تاگَه نُم مِه اِلوم بو اِنوم سِرُسَر دنیا.»

یعقوب 2:23

ئو اَ نسخَه توراتَ وَه اَنجوم رَسی گه موئِتی: «ابراهیم ایمو آوِردی اَر خدا ئو یَه اَرِه او صالح‌بیئینَ حساو یِهات،» ئو نُمو ناءَ رِقیف خدا.

یعقوب 4:5

یا گُمونَ مِهِینو اَ نسخَه مقدّسَ گه وِتیِ: «خدا اَرِه اَ روحی گه ناسی اِنوم ایمَه، خیرَت فِرِه‌ی دیری»، یَه اَرِه ووژَ موشی؟