رومیان 3:4 - کتاب مقدس به زبان لکی - گویش مرکزی

⁴ هرگِس! جُ‌جُ اَرّ کُل آمَل دِروزِن بوئن، خدا راس‌وَشَ! هَرهُنَ گه اِنوم کِتاو زبور داوود نُیسیاءَ: «اَژونَسَ وخدی قصَه مِهِین، حخ ها دس تونا، ئو وخدی داوریَ مِهِین، فائقَ ماین.»

رومیان 3:4 Iomraidhean Croise

مَتّی 11:19

کُر اِنسو هات گه هم میری ئو هم خُرَّ مِ؛ موشِن: ”سِیل کَنی پیای کَ لَمو ئو گُراگُر مَس، رِقیف خِراجگیرَل ئو گناکارِلَ.“ مِنتائای، دُریسی حکمت، وَه ثمر کارَلیا ثابتَ ماو.»

لوقا 20:16

اوءَ مای ئو باخائونِلَ مَکُشی ئو باخ انگویرِهَه مِئَه دس کسَلی‌تِرا.» مردِم وخدی گه یِئونَ شنَفت، وِتو: «اَلوَت گه نه!»

یوحنا 3:33

اَوَه گه مَچوءِ گِرد شاتی او، میر تاییدَ مِ اَر یَگه خدا حخیختَ.

رومیان 11:1

اِسَه مَپِرسِم: آیا خدا قوم ووژ رد کِردیِ؟ اصِلا؛ اَرِیَگه مِه ووژِم اسرائیلیِم، اژ نسِل ابراهیم ئو اژ طائفَه بنیامین.

رومیان 11:11

اِسَه مَپِرسِم: آیا پائلو گیر کِرد ئو کَتِن اَر زَمی تاگَه اَرِه همیشَه بِکُوئِن؟ اصِلا! بلکِم وَه‌سونگَ کورفِربونی اُوُنا، نجاد بیَ نَصُی خِرِیهودیَل، تاگَه قوم اسرائیل باریَ سر خیرَت.

رومیان 3:31

ایلَهَه مَر وَه ایی ایمونَ شریعت اِرَمَرِمِنیم؟ هرگِس! بلکِم پایارا مِهِیمی.

رومیان 6:15

اِسَه چَه بوشیم؟ یانی گنا بِهِیم اَرِیَگه اِژیر شریعت نیئیم، بلکِم هایمونِ ژیر فیض‌اِر؟ اصِلا!

رومیان 6:2

اصِلا! ایمَه گه نِسوَتَ گنا مِردیم، چطورَ مَتونیم اِنوم زِنِه‌ی بِهِیمی؟

رومیان 7:13

ایلَهَه یانی اَ چیئَه گه خوءَ، بیَ باعث مرگ مِه؟ اصِلا! بلکِم یَه گنا بی گه اژ اَ چیئَه گه خوءَ، مرگ اِنوم مِه آوِردیَ بار تاگَه گنابیئین گنا آشگارا بو، ئو وَه‌سونگَ حکِم شریعت، بِکُوءِ در گه گَنی گنا چَنی بی‌حدِحساوَ.

رومیان 7:7

اِسَه چَه بوشیم؟ یانی شریعت گناءَ؟ اصِلا! وَه ایی حالا اَرّ شریعت نوئی، نِمَذِناسدِم گنا چیَ. اَرِیَگه اَرّ شریعت نوئتوئیتی «طَمات ناآشدوئی» نِمَتونستِم بفیَمِم طَما داشدِن چیَ.

رومیان 9:14

اِسَه چَه بوشیم؟ یانی خدا بی‌انصافَ؟ اصِلا!

اول قرنتیان 6:15

یانی نِمَذانینو گه لارَلتو عضا مسیحِن؟ یانی عضا مسیح هیزدَم بِهَمونِ عضا ژَن خِراوی؟ هرگِس!

دوئِم قُرَنتیان 1:18

وَه وفاداری خدا قسم، قصَه ایمَه وَه‌گَرد هُمَه ’اَاَ‘ ئو’نه‘ نوئیَ.

غَلاطیَل 2:17

مِنتائای اَرّ وخدی هایمِ دُم یَه‌آ گه اِنوم مسیح صالح وَه حساو بایم، دیار بو گه گناکاریم، آیا میَنا یَسیَ گه مسیح خادم گناءَ؟ اصِلا!

غَلاطیَل 2:21

مِه فیض خدا باطل نِمَهَم، اَرِیَگه اَرّ صالح‌بیئین وَه‌سونگَ شریعت وَه دَسَ ماهات، اِسَه مسیح بی‌فادَه مِرد.

غَلاطیَل 6:14

مِنتائای ناخواد مِه هرگِس وَه چیئی افتخار بِهَم بِخِر اژ صلیب خداونمو عیسی مسیح، گه وَه‌سونگَ اَوَه دنیا اَرِه مِه کیشیا اَر صلیب‌اِرا ئو مِه اَرِه دنیا.

اول تیموتائوس 3:16

اِراسی گه سِرّ دینداری فِرَه کَلِنگَ: او گه اِنوم جسم ظاهر بی، وَه‌سونگَ روحِ خدا ثابت بی، فریشدَه‌ل اوُ دی، اِنومجا قومَل اِلوم بی، اِنوم دنیا ایمونو آوِردَ بی، ئو وَه جِلال، ویرِ بِلِنگ بَریا.

تیتوس 1:2

ایی حخیختَ مِطابق امید اَر ژییاین ابدیَ، گه خدای گه هرگِس دِرو نِموشی، وِر اژ بِنیا زمونَه‌ل وَدَه اَوَه داءَ بینمو،

عِبرانیَل 6:18

تا وَه‌سونگَ دو چی گه عوض نِموئن، گه مِحالَ خدا اِبارَه اونَل دِرو بوشی، ایمَه گه پِنامو آوِردیَ، فِرَه دلگرما بوئیم تاگَه سفدِسخد بچسبیمونَ امیدی گه نیریاس اَر نوامو.

اول یوحنا 5:10

هر کی اَر کُر خدا ایمو دیری، ایی شاتیَ اِنوم ووژ دیری. هر کی اَر خدا ایمو ناآشدوئیتی، او کِردیَسیَ دِروزِن، اَرِیَگه ایمو ناوِردیَسی اَر شاتی‌ای گه خدا اِبارَه کُر ووژ داسی.

اول یوحنا 5:20

ایمَه مَذانیم گه کُر خدا هاتیَ ئو فیَم داسی‌ئونمو تا او گه حخیختَ، بشتاسیم ئو ایمَه هایم اِنوم او گه حخیختَ، یانی کُری عیسی مسیح. اوءَ خداءِ حخیخت ئو ژییاین ابدی.

مِکاشفَه 3:7

«اَرِه فریشدَه کلیسا فیلادِلفیَه بِنُیسِن: «او گه قدوسَ، او گه حخَ، او گه کِلیل داوود دیری، او گه وازَ مِهِه ئو کس نِمَتونی بوئنی، ئو موئنی ئو کس نِمَتونی واز بِهِه، هُنَ موشی: